piece montee يا الانيقات خطوة خطوة و من مطبخي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • piece montee يا الانيقات خطوة خطوة و من مطبخي

    السلام عليكم ورحمة الله تعالى وبركاته اخواتي الانيقات
    ان شاء الله تكونو جميع لاباس يا ربي امين

    اليوم اخواتي درت ليكم نوع من انواع la piece montee بالباستياج غتنمت فرصة كانو شي ناس جايين عندي فقلت عاود ماندير غير حلوة عادية خليني ندير une piece montee واخا غير صغيرة باش نعطي فكرة للانيقات كيفاش كنديروها و هي ساهلة ان شاء الله فانا اليوم بحول الله انزلها و ان اشاء الله نوعدكم نزل ليكم مرة مرة شكل من الاشكال ديالها
    على بركة الله غادي نبداو باول حاجة و هي المقادير
    عندي الباستياج نفس الطريقة لي فهاد الرابط


    http://www.anaqamaghribia.com/vb/showthread.php?t=82936

    [caution]
    بخصوص الجيليسرين ....خاصة بنات وطني المغرب
    http://www.anaqamaghribia.com/vb/showthread.php?t=86081



    [/caution]
    و انا هنا الحمد لله صورت الطريقة من الاول
    بالنسبة للورد هنا غادي نحتاج بحول الله ل
    2 طوابع ديال الحلوى على شكل قلب واحد متوسط و التاني صغرمنو
    و نحتاجو لهاد العريشات لونهم ابيض كيتباعو فالمحلات ديال الحلوى لي ان شاء الله غادي نغرسوهم فقلب الورد
    وغادي نحتاجو اكواغط ديال الحلوى مادلين ولا كاب كيك ديال المافن وحدين حجمهم كبير و اخرين صغار
    و غادي نحتاجو للصاق و هو عبارة على شوية ديال عجينة السكر مطلوقة فشوية ديال لما كيخصنا نخليوها واحد 2 سوايع على الاقل باش تطلق و ها لصاق وجد
    اذن على بركة الله غادي نبداو
    غادي ناخدو العجين ديال السكر و غادي ندا ندلكوه مزيان و نطلقوه بالمدلك حتى نولي عندنا طبقة بحال هاكا

    بالمقطع لكبير ديال القلب غادي نقطع 3 ديال القطع

    كناخدو القطعة الاولى كنبداو من القنت التحتاني ديال القلب نبداو من الجناب نضغطو عليها

    حتى كتولي عندنا ورقة كبيرة ديال الورد بحال هاكا

    كنحطوها فقلب الكاغيط لكبير ديال الحلوى فحال هاكا

    كنعاودو العملية مع القلب التاني و الثالث و كل مرة كندهن الورقة لي كنحط باللصاق باش حيت نحط الورقة لي من موراها تلصق

    ثم كناخد كلينكس و ا اي ورق عادي ديال المطبخ و كنقطعو قطع صغيرة و كنفرق بيها ما بين اوراق الورد بحال هاكا

    كنعاود نفس العملية مع القلب الصغير الورقة الاولى الثانية و الثالثة

    ثم كناخد طرف صغير ديال العجين و نكورو و نلصق فيه العريشات البويض

    و ندهنا باللصاق و نحطها فقلب الوردة اصغيرة

    كنخليوهم حتى يبسو مزيان عاد كزولو الوردة الصغير و ندهنوها بللصاق و نحطوها فقلب الورقة لكبيرة بحال هاكا وكنخليو الوردة ديالنا حتى تنشف على خاطرها

    و دابا بحول الله غادي ندوزو للحلوى
    انا هنا استعملت فقط كيك الجينواز لي سبق لي و حطيتو فمنتدانا الغالي ها هو الرابط ديالو
    http://www.anaqamaghribia.com/vb/showthread.php?t=67380
    بالنسبة للمقلة الاولى فانا استعملت 120 غ سكر 4 بيضات و 120 غ طحين
    و بالنسبة للمقلة التانية فهي اصغر انا ستعملت نصف الكمية
    بالنسبة للكيك انا استعملت هنا كيك لونها عادي و كيك وحدة خرى بالشكلاط فقط نقصت 20 غ ديل الطحين و عوضتو بكاوبيل

    من مزرا ما قسمت الكيك و دهنتها بالكريم دهنت وجها بالكريم و دخلتها للثلاجة تبرد

    هانا خديت هد البلاستيك كيعجبني نخدم عليها دهنتها بهاد الدهن نباتي

    ثم بديت كندلك العجين ديال السكر

    تقريبا خدات لي عملية الدليك 10 دقايق

    فالاول كتحس بيه بحال الا كيتهرس فقط واصلو العجين و غادي يبدا يسخن و يتجبد فيدينا

    ثم كنشكل كرة بحال هاكا

    و كنبدا نطلق بالمدلك بحال هاكا

    حتى كتولي عندنا طبقة رقيقة نسبيا بحال هاكا
    كنخرج الكيك من الثلاجة

    كناخد البلاستي كلو لي مديت فيه العجين
    و كنزلو على الكيك بحال هاكا


    بالجرارة او بالقطاعة ديال البيتزا كنزول داك اشي كلو لي زايد فالجناب

    و كنبدا نقاد بيدي فالجناب ديال الحلوى بحال هاكا
    حتى كنقاد كلشي و كندخلها للثلاجة
    كنعاود نفس العملية مع الكيك الصغيرة

    هنا كناخد هاد الاعود لي هي خاصة بهاد النوع دالحلوى و لي موجودة فالمحلات التجارية

    كنجيب الكيك الكبيرة و كناخد عود و كندخلو فقلب الكيك

    كنعلم بالقلم و كنقطع 4 او 5 ديال القطع على حساب الحجم ديال الكيك

    انا هن ستعملت 4 ثم كندخلهم فالكيك

    كنجيب الكيك الصغيرة وانا حاطها على الكرطون الخاص بالحلوى

    و كنحطها فوق من الحلوى لكبيرة فالوسط

    ثم كناخد عود كبير و كنجرو بالمنجارة حتى كيولي رقيق بحال هاكا

    و كندخلو فوسط الكيك الصغيرة

    و كنبدا ندورو حتى كنحس بيه دخل فقلب الكرطون و دخل للكيك و وصل لتحت ديال الكيك لكبيرة

    و كنعاود نعلم بلقلم و كنعود نقطع وكندخل العود ثم كنجيب الورد انا هنا حطيت الوردة لكبيرة و وردة اخرى صغيرة

    و بالنسبة للجناب اخواتي خديت العجين ابيض مع عجين فنفس لون الورد و درت ليهم بحال الحبل

    و لصقتو ف الجناب باش يغطي لي على جميع العيوب لي عندي

    ثم خديت عجين فلون الورد وطلقتو

    ثم بهاد المقطع الصغيور بديت كنقطع وردات صغار
    لصقتهم بللصاق

    و درت فكل وحدة عقيقة

    وهاهي الحلوى وجدات اخواتي نتمنى من الله نكون فدتكم و اي استفسار انا موجودة اخواتي
    [/QUOTE]

  • #2
    السلام عليكم ورحمة الله وبركاته اللهم صل على محمد وعلى آله وصحبه أجمعين
    فنانة كما العادة الله احفظ ليك لديدات
    وا انا لي دخلت الاولى غادي نديها لاني عندي عرس قريب ان شاء الله

    تعليق


    • #3
      السلام عليكم ورحمة الله وبركاته
      تبارك الله عليك غاليتي الله يحفض ليك ادياتك وديمها نعمة
      والله يعطيك مكتمناي في خاطرك
      مشكوووورة اختي وتستاهلي من عندي خمسة نجيمات
      تقبلي مروري المتواضع

      تعليق


      • #4
        آش غنقولكِ والله حتى تتبهريني بإبداعاتك تبارك الله عليك أوخلاص كيك روووووعة وشرح قيم ومبسط
        لكِ مني مليون نجمة يا أستاذتنا الطيبة
        الله يحفظ ليك البنيات ياااااااربي وتفرحي بيهم دائما وأبدا

        تعليق


        • #5
          المشاركة الأصلية بواسطة myriama مشاهدة المشاركة
          السلام عليكم ورحمة الله وبركاته اللهم صل على محمد وعلى آله وصحبه أجمعين
          فنانة كما العادة الله احفظ ليك لديدات
          وا انا لي دخلت الاولى غادي نديها لاني عندي عرس قريب ان شاء الله
          و عليكم السلام و رحمة الله تعالى و بركاته اختي
          الله يبارك فيك و جزاك الله بكل خير على مرورك لي نورني اختي تستاهلي ما حسن من هادي اختي هادي راه غير ديال الزربة الله يكمل ليك بالخير اختي و الله يرزقك كل ما كتمناي نورتيني اختي
          [/QUOTE]

          تعليق


          • #6
            المشاركة الأصلية بواسطة أم زينب 86 مشاهدة المشاركة
            السلام عليكم ورحمة الله وبركاته
            تبارك الله عليك غاليتي الله يحفض ليك ادياتك وديمها نعمة
            والله يعطيك مكتمناي في خاطرك
            مشكوووورة اختي وتستاهلي من عندي خمسة نجيمات
            تقبلي مروري المتواضع
            وعليكم السلام و رحمة الله تعالى و بركاته لحبيبة ام زينب
            الله يبارك فيك عزيزتي و الله جزيك بكل خير على المرور بموضوعي اختي نورتيني و الله يجزيك بكل خير على النجيمات الله يكبر بيك فالدنيا و الاخرة اختي شكرا لمرورك
            [/QUOTE]

            تعليق


            • #7
              المشاركة الأصلية بواسطة نهال* مشاهدة المشاركة
              آش غنقولكِ والله حتى تتبهريني بإبداعاتك تبارك الله عليك أوخلاص كيك روووووعة وشرح قيم ومبسط
              لكِ مني مليون نجمة يا أستاذتنا الطيبة
              الله يحفظ ليك البنيات ياااااااربي وتفرحي بيهم دائما وأبدا
              لحبيبة ديالي نهال الله يجزيك بكل خير يا ربي امين على كلماتك ارائعة و مرورك الرائع اختي والله كنفرح مين كنشوف الرد ديالك اختي بارك الله فيك منورااااااااني اختي دائما
              [/QUOTE]

              تعليق


              • #8
                المشاركة الأصلية بواسطة oum hedayah مشاهدة المشاركة
                و عليكم السلام و رحمة الله تعالى و بركاته اختي
                الله يبارك فيك و جزاك الله بكل خير على مرورك لي نورني اختي تستاهلي ما حسن من هادي اختي هادي راه غير ديال الزربة الله يكمل ليك بالخير اختي و الله يرزقك كل ما كتمناي نورتيني اختي
                ضحكتيني اضحك الله سنك:p
                ماشي انا لي غادي نتزوج لوسي انا عندي ولييد و بنيتة لكن إلى بغتيني نعاودو شي تعريسة مكاين مشكل غير وجدي لي الحلوة وهانا معاك;):rolleyes:
                الله احفظ ليكي بنيتاتك

                تعليق


                • #9
                  وعليكم السلام ورحمة الله وبركاته

                  تبارك الله ماشاء الله ابدااااع الله يعطيك الصحة

                  تعليق


                  • #10



                    تبارك الله عليك أم هداية داكشي دايما عندك متول وغزال. شفناك بعنين الرحمة
                    أنا غنحاول نتعلم منك حيت عجبني شغلك بزااااااااااااااااااااااااااااااااف
                    مليون نجمة من عندي

                    لا إله إلا الله محمد رسول الله

                    اللهم لك الحمد والشكر يا رب العالمين
                    اللهم إني استودعتك طفلي فاحفظه من كل شر وسوء إنك أنت خير الحافظين



                    [IMG]
                    [IMG]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X