مافن مع 2 انواعديال الورد و دائما من مطبخي يا الانيقات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مافن مع 2 انواعديال الورد و دائما من مطبخي يا الانيقات

    [frame="2 80"]السلام عليكم ورحمة الله تعالى وبركاته اخواتي لانيقات
    لاباس عليكم اشخباركم ان شاء الله تكونو بالف خير ياربي امين


    اليوم درت ليكم هاد الطبيسيل ديال امافن كيجيو لدااااااد و غزالين
    نبداو على بركة الله المقادير

    315 غ طحين
    م خميرة الحلوى
    م بيكربونات الصوديوم
    30 غ شكلاط اسود غبرة
    م لون احمر
    75 غ زبدة فحرارة المطبخ
    200غ سكر
    2 بيضات فحرارة المطبخ
    م فاني
    كاس كبير ديال اللبن انا مكانش عندي اللبن و درت كاس دالحليب و زدت عليه شوة دالملح و م ص ديال الخل و خليتو واحد الشوية حتى تقال
    م ص خل
    نخلطو الطحين و الملح و الخميرة و البيكربوناتو نغربلوهم و نخليوهم جانبا


    اذن ناخدو الملون الاحمر كنخلطوه مع الشكلاط غبرة و نخليوه جانبا

    نخلطو الزبدة و سنيدة شوية


    نضيفو البيض وحدة بوحدة و حنا كنطربو

    ثم كنضيفو املون الاحر و الشكلاط



    ثم نضيفو الخليط دديال الطحين و الخميرة و الملح والبيكاربونات على دفعات هو و البن بحال هاكا

    نديرهم فهاد الكويغطات دالحلوى

    هادو صيبو لي 20
    ندخلهم لفرن متوسط الحرارة

    ها هما منين خرجو من الفران

    بالنسبة للورد

    فستعملت هنا هاد المقطع و بديت كنقطع به عجينة اللوز
    نحط الطريقة قريبا ان شاء الله


    و ب هاد الاداة لي كنخدم بيها ضغطت عليها من لوسط بحال لي وريتكم من قبل

    ثم خديت لون مخالف و درتتو كويرة صغيورة و ضغطت عليها و لصقتها فالوسط بحال هاكا
    ثم الورد التاني




    كنحتاجو ليه هاد المقطع
    انا هنا درت وردات كبار و صغار

    قطعت الوردات و بديت كنلصق وحدة على وحدة بحال هاكا

    و كنخالف الالوان



    بالنسبة لهاد لعقيقة لي فالوسط كنكور شوية ديال العقدة بحال هاك و نلونها بلون العقيق بحال هاكا




    كناخد الكريم كنديرو فجيب الحلواني و براس رقم 18 كنبد ندور على المادلين فوق من الطبقة ديال الكريم
    بحال هاكا


    كنزين المادلين ديالي بلعقيق و بلورد و تفضلوه بالصحة و الراحة نتمنى تعجبكم اخواتي في امان الله و اي استفسار انا موجودة اخواتي
    [/frame]
    [/QUOTE]

  • #2
    شنو نقوليك كام هداية سيري الله يعطك الصحة وينورك

    تعليق


    • #3
      السلام عليكم ورحمة الله وبركاته
      جزاك الله خيرا مشرفتي ام هداية
      مادلين بزااااااااف مشهين
      ثبت في تاريخيه


      وحي القبور

      http://www.anaqamaghribia.com/vb/sho...098&highlight=

      تعليق


      • #4
        ماشاء الله هاد الشي غزال ديما مبرعانا بالجديد
        الله يحفظك ويعطيك ماتمنتي
        ..............................................

        تعليق


        • #5
          تبارك الله عليك ام هداية دائما متميزة الله ينور ليك طريقك

          الله يحفطك وينجيك من كل سوء



          تعليق


          • #6
            تبارك الله عليك وعواشرك مبروكه ليك ولجميع اعضاء وانيقات المنتدى

            تعليق


            • #7
              رووووووووووووووووعة
              الله يعطيك الصحة

              برجاء الدعاء لوالدي
              تُوفــــــــى
              ..يوم .02.03.2015..


              اللهم ارحم أبي ..واجعل قبره روضة من رياض الجنة .. لا تنسوا والدي من دعاءكم .



              لا تنسوني و بناتي وابني عبد الله من دعواتكم












              تعليق


              • #8
                تبارك الله عليك الحبيبة ديالي
                هادشي غزاااااال عندك
                زائد دوك الطباسل تيعجبوني بزاااااف
                الله يعطيك الصحة

                تعليق


                • #9
                  بصراحة ماقا عندي حتى كلمة باش نعبر على شكري واعجابي بشغلك,كل الي كنت كنبغيه لقيتو,الله يعطيك الصحة,وهاني كنتسنى طريقة عجينة اللوز
                  وجديدك طبعا كنتمنى تجيبي لينا كوكيز والكاب كيك بأشكال ومذاقات مختلفة:d

                  تعليق


                  • #10
                    ما شاء الله اختي مبدعة وفنانة الله يسلم لك ادياتك ويحفظك من كل شر.
                    اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
                    اللهم احفظ زوجي وأبنائي من كل شر وأقر عيني بهم آمين.




                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X