حلوة الميلفاي هدية للانيقات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلوة الميلفاي هدية للانيقات

    ثبت من طرف oum hedayah بتاريخه


    بسم الله الرحمن الرحيم
    السلام عليكم ورحمة الله وبركاته
    اليوم جبت ليكم حلوة الميلفاي لذيذة وسهلة التحضير واقتصادية في متناول الجميع
    مقادير العجين
    3 بيضات صغار او 2 بيضات كبار
    نهرسو البيض فكاس او نديرو قياسو ديال الزيت
    2 معالق كبار عسل
    2 معالق كبار خل
    1 فاني
    ملعقة صغيرة بيكاربونات
    الدقيق حسب الخليط


    الطريقة
    كنخلطو المقادير السابقة مزيان الا الدقيق كنزيدوه شوية شوية حتى نحصلو على عجينة رطبة


    نقسم العجين الى 6 كرات

    كناخدو كرة نورقوها مزيان حتى تكون رقيقة جدا
    اوناخدو طبسيل كبير نرشمو به الورقة ديالنا بالسكين

    او كاناخدو الدائرة نحطوها في الطاوة مع جناب اللي شايطين لينا حتى هوما نطيبوهم

    هاهما ملي طابو
    دابا نحضرو كريم باتيسيير
    250 غرام زبدة
    نصف لتر حليب
    كاس سكر
    1 فاني
    3ملاعق كبيرة مايزينة او دقيق فورص


    الطريقة
    كندوبو الزبدة ثم نضيف المايزينة نحركو مزيان ثم نضيف الحليب السكر ولفاني
    نحركو حتى بعقاد

    كاناخدو دائرة ملي وجدنا نزيدو فوقها شوية كريم باتيسيير ثم نحطو فوقها واحد اخرى ثم كريم باتيسيير هكدا حتى نكملو جميع الدوائر
    الطبقة الاخيرة ندهنوها بالكريم وناخدو دوك الجوانب اللي طيابناهم نهرمشوهم اونديروهم من الفوق



    نغطيوها بميكة ونخليوها ليلة كاملة عاد نقطعوها معينات


    بالصحة والراحة
    في انتظار ردودكم ودعواتكم


    [info]
    ملي ناخدو العجينة اللي ورقناها الى الطاوة باش مايتقطعش لينا ممكن نلويوه على الدلاك او فالطاوة نسرحوه
    [/info]
    ..............................................

  • #2
    تبارك الله عليك اختي جات غزالة

    تعليق


    • #3
      السلام عليكم
      تبارك الله عليك أختي غزالة غزالة بزاف وساهلة ومافيها عداب بحال ميلفاي اللي كانعرفو
      بالله عليكم اخواتي من لمحت توقيعي فلتدعو لي بالشفاء العاجل من رب العالمين




      تعليق


      • #4
        والله إيلا غزالة أنا كنحماق على ميلفاي ولكن العكز على العجين المورق ما كيخليني نديرها دابا سهلتيها علي الله يسهل أمرك

        تعليق


        • #5
          عطاك الله الصحة أختى صديقة مخلصة سهلتي علينا الله يسهلها عليك في كل شي كنت كنعجز نعدل الميلفاي غير على حساب العجينة ولكن دابا غادي نهريهم في الدار ميلفاي
          خايلاه بغيت نصقصيك واش ظروري بيكاربونات ومنين نجيبها و
          واش نخشيوها في ميكة ولا غير من فوق نغطيوها وسمحلي على كثرة أسئلتى ولكن عجبتنى بزااااااااااف لحقاش ساهلة ههههههههههههههههههههه

          تعليق


          • #6
            المشاركة الأصلية بواسطة mariam78 مشاهدة المشاركة
            تبارك الله عليك اختي جات غزالة
            الله يبارك فيك اختي
            المشاركة الأصلية بواسطة فاعلة خير مشاهدة المشاركة
            السلام عليكم
            تبارك الله عليك أختي غزالة غزالة بزاف وساهلة ومافيها عداب بحال ميلفاي اللي كانعرفو
            الله يبارك فيك حقا ما فيها عداب ساهلة بزاف
            ..............................................

            تعليق


            • #7
              تبارك الله عليك أختي ميل فاي ساهل ماهل غير اللي ما بغى يتبرع






              سأغيب لمدة ، لا تنسوني من صالح دعائكن أحبتي

              تعليق


              • #8
                السلام عليكم ورحمة الله وبركاته
                تبارك الله عليك أختي صديقة مخلصة.حلوة الميلفوي سااااااااهلة ماهلة والشكل ديالها رائع وأكيد حتى المذاق غادي يكون بنين.ما شاء الله عليك عزيزتي

                تعليق


                • #9
                  المشاركة الأصلية بواسطة أم غزولي مشاهدة المشاركة
                  والله إيلا غزالة أنا كنحماق على ميلفاي ولكن العكز على العجين المورق ما كيخليني نديرها دابا سهلتيها علي الله يسهل أمرك
                  امين يارب
                  بالصحة والراحة غير جربيها غادي تعجبك
                  المشاركة الأصلية بواسطة fatiflor مشاهدة المشاركة
                  عطاك الله الصحة أختى صديقة مخلصة سهلتي علينا الله يسهلها عليك في كل شي كنت كنعجز نعدل الميلفاي غير على حساب العجينة ولكن دابا غادي نهريهم في الدار ميلفاي
                  خايلاه بغيت نصقصيك واش ظروري بيكاربونات ومنين نجيبها و
                  واش نخشيوها في ميكة ولا غير من فوق نغطيوها وسمحلي على كثرة أسئلتى ولكن عجبتنى بزااااااااااف لحقاش ساهلة ههههههههههههههههههههه
                  تبارك الله عليك
                  بيكاربونات موجود عند جميع المحلات ممكن تعوضيها بخميرة حمراء ولكن من الاحسن بيكاربونات
                  ايه غطيها من الفوق مزيان بالميكة
                  بالصحة والراحة
                  ..............................................

                  تعليق


                  • #10
                    المشاركة الأصلية بواسطة nice-women مشاهدة المشاركة
                    تبارك الله عليك أختي ميل فاي ساهل ماهل غير اللي ما بغى يتبرع
                    اهلا وسهلا بك مشرفتنا نورتي موضوعي بالصحة والراحة
                    المشاركة الأصلية بواسطة loueloua مشاهدة المشاركة
                    السلام عليكم ورحمة الله وبركاته
                    تبارك الله عليك أختي صديقة مخلصة.حلوة الميلفوي سااااااااهلة ماهلة والشكل ديالها رائع وأكيد حتى المذاق غادي يكون بنين.ما شاء الله عليك عزيزتي
                    الله يبارك فيك شكرا على الرد الرائع عزيزتي
                    ..............................................

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X