إعـــــــلان

تقليص
لا يوجد إعلان حتى الآن.

بسطيلة نجمة البحر، آخر اختراعاتي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بسطيلة نجمة البحر، آخر اختراعاتي

    تبث في 19/12/2010
    bent bladi









    جاتني الفكرة و قلت نطبقها بهاداك شي لي كان متوفر عندي

    المقادير لي استعملت

    بصل مفروم ثوم مفروم فطر طري مقطع صغيرا كروفيت قطع ميرلان فطر أسود مرطب فماء مغلي شعرية صينية مرطبة فماء مغلي صلصة الصوجا
    عصير نصف حامضة زيتون مقطع حامض مصير مقطع جبن موتزريلا مفروم ملح إبزار خرقوم كمون مركز طماطم زيت زيتون زبدة أصفر بيض بالنسبة للمخللات أنا اخترت مخلل سكين جبير ما عرفتش واش متوفر فالمغرب يمكن تعويضه بالكورنيشون، لوز و كاجو محمرين و مهروشين هم لي كانوا متوفرين عندي فكرة المكسرات طبعا ديال مشرفتي المتألقة السيدة أمنار الله ينولها لي فبالها

    الطريقة

    سمحو لي ماصورتش المراحل الأولى ديال التحضير لأن البطارية ديا الكاميرا ماكانتش مشحونة، و كان لازم نبدا التحضير نظرا لضيق الوقت حتى شحنتها و صورت المراحل المهمة

    فمقلاة كبيرة فوق النار عملت الزيت البصل الفطر حتى تشحرو و ضفت التوابل و مركز الطماطم و الكروفيت، لما نشف الخليط احتفظت بالقليل من الكروفيت و رؤوس الفطر السوداء للتزيين جانبا
    قطعت الفطر الأسود فماكينة سباكيتي و ضفتو على الخليط + الشعرية الصينية بعدما صفيتها و قطعتها





    زدت مخلل سكين جبير



    والمكسرات



    وقطع الميرلان بعدما ملحتها ومررتها فالطحين و البيض و قليتها


    مذاق السمك مقلي فالبسطيلة تيجي ألذ، أنا تنقليه فزيت زيتون من نوع خاص مافيهاش أي رائحة،هي لي تنستعملها بدل الزيت الرومية و بدل الزبدة فبعض الوصفات لدرجة أنني تنستعملها حتى فالتخلاط ديال سلو و فالحلويات لأنني ماتندخلش نهائيا الزيت الرومية لظروف صحية ها هي ذي صورتها



    إيلا لقيتوها تتباع عندكم جربوها راه حتى الثمن ديالها أرخص من زيت الزيتون العادية ديال الأكل و زدت الجبن مفروم و خلطت الحشوة و خليتها جانبا حتى حضرت الورقة



    و بدأت التجربة:

    خلطت شوية الزبدة مع زيت الزيتون المعلومة، و دهنت بهم ورقة بسطيلة، حطيت فوقها ورقة أخرى دهنتها بنفس الخليط أيضا



    حطيت الحشوة على شكل مثلث، غلفتو بالورقة الأولى



    ثم عاودت جمعتو بالورقة الثانية، و حاولت نعطيه شكل مثلث ذو زاوية حادة، دهنت صينية الفرن جيدا بزيت الزيتون و ووضعت فطرفها المثلث الطوية للتحت و حاولت نميلو شوية من جهة الزاوية الحادة



    عملت أربع مثلثات أخرى بنفس الطريقة، و بسيطلة صغيرة عادية وضعتها فالوسط باش عطاوني شكل نجمة البحر,و دهنت الملاقيات كلهم بأصفر البيض
    ,و خلطت ما تبقى من أصفر البيض مع ما تبقى من خليط الزيت و الزبدة و دهنت به النجمة كلها



    ثم دوزت شوية الورقة فآلة سباكيتي ثم قطعتها رقيقة بالمقص يعني حبيبات رشيت بهم النجمة كلها و حاولت نضغط شوية بيدي ودخلتها لفرن 170 درجة حتى تحمرت على خاطرها, و لما خرجتها اكتشفت أنها تطرطقات شوية من بعض الأماكن



    تنظن الحشوة كانت كثيرة, يعني كان من المفروض نقلل شوية من الحشوة و نزيد ورقة ثالثة فاللف، و مانزيرهاش بزاف نخلي للجبن فين يسيح

    المهم, قلبتها فصينية أخرى، ثم عاودت قلبتها فطبق التقديم، كان ممكن نتفادى هاد العملية لو كان عندي طبق تقديم تيدخل للفرن، كاين و لكن صغير ماتساعلهاش
    رشيت عليها الجبن و زينتها باش نستر ما ستر الله ههههه
    و قدمتها لراجلي وولدي آدم لي كان مبرزطني
    مني كنت تنصاوب فيها و شاف الشكل ديالها و هو تيقول لي ماما بغيت ناكل توينكل توينكل ليتل ستار و تيكملي الأغنية كلها ههههه


    ملاحظة: الجميل فهاد البسطيلة من غير الشكل و المذاق هو سهولة تقسيمها: ما تتحتاجش تقطع و تفتت راكم تتعرفوا هداك المنظر، الأطراف تيتسحبوا بسهولة لأنهم ملاقيين غير بأصفر البيض، و أيضا يمكن عمل أطراف أكثر على حسب عدد الأفراد



    لا تنسوني و أهل بيتي من صالح دعائكم بصلاح الدين و الدنيا و الآخرة




  • #2
    الله يحفضلك وليدك ويخليهلك حتى تشوفيه كيف كتمناي الله يعطيك الصحة فكرة زوينة

    تعليق


    • #3
      اكتر من رائع الله يحفظك من كل سوء و من كل مكروه الله ينولك اللي في بالك
      [

      تعليق


      • #4
        فنانة اختي الحبيبة ام آدم, الله يعطيك الصحة والسلامة ,تبارك الله وما شاء الله ربي يخلي لك قرة عينك آدم










        تعليق


        • #5
          tbarka lahh 3llllllllik lah 3tttik sahhhhhhhhhhhhhhhhha
          http://http://www.anaqamaghribia.com...d.php?t=418650sigpichttp://http://www.anaqamaghribia.com...ine=1417424800

          تعليق


          • #6
            ما شاء الله اللهم بارك
            اول ما رايت الصورة خلتك استعملتي قالب خاص فاذا بي اقف بذهول اما ابداعك و لا اجد كلمة الا ماشاء الله لا قوة الا بالله

            تعليق


            • #7
              تبارك الله على المخترعة ديالنا ونعمة الاختراع،الله يحفضك احبيبة
              والله يفرحك بآدم ويفرحك بيه،بوسيهلي
              واحلى تقييم من عندي

              تعليق


              • #8
                السلام عليكم
                ما شاء الله تبارك الله
                طبق مميز و اختراع مميز
                تقيييم 5 نجمااات


                وحي القبور

                http://www.anaqamaghribia.com/vb/sho...098&highlight=

                تعليق


                • #9

                  تعليق


                  • #10
                    اممم شهيتيني فيها،الله يعطيك الصحة
                    ومشكورة حبيبتي على الوصفة

                    تعليق


                    • #11
                      ماشاء الله تبارك الله على أم أدم دائما تتجيب لينا الجديد وتتحفنا بابداعاتها
                      الله يعطيك الصحة والخير ويسهل عليك وعلى أهلك يارب
                      أحلى تقييم لأغلى أم آدم

                      لا إله إلا الله محمد رسول الله

                      اللهم لك الحمد والشكر يا رب العالمين
                      اللهم إني استودعتك طفلي فاحفظه من كل شر وسوء إنك أنت خير الحافظين



                      [IMG]
                      [IMG]

                      تعليق


                      • #12
                        لا إله إلا الله محمد رسول الله

                        اللهم لك الحمد والشكر يا رب العالمين
                        اللهم إني استودعتك طفلي فاحفظه من كل شر وسوء إنك أنت خير الحافظين



                        [IMG]
                        [IMG]

                        تعليق


                        • #13
                          الله يعطيك الصحة والسلامة ,تبارك الله وما شاء الله ربي يخلي لك قرة عينك آدم



                          تعليق


                          • #14
                            تبارك الله عليك حبيبة الله يعطيك الصحة


                            تعليق


                            • #15
                              اكتر من رائع الله يحفظك من كل سوء و من كل مكروه الله ينولك اللي في بالك








                              أحبكن في الله

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X