حرشة صحية بزاف

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حرشة صحية بزاف

    كلكم كاتعرفو منافع الشعير. اوا انا غانعطيكم هاد الحرشة و الله يجازي السيدة لي عطاتها لي.
    الوصفة في الأصل كتعمل في مقلة تقيلة و لكن انا عملتها في الفران و جاتني أحسن من الوصفة الأصلية.
    المقادير :
    -كيلو الا ربع من البلبولة د الشعير(المول لي عندي كنعمل معاه هاد المقادير هو بنفس الحجم ديال مقلة تقيلة كبيرة يعني يمكن تعملي مقلة كبيرة و دهنيها و تعمليها فالفران)
    البلبولة خاصها تكون رقيقة حيت صاحبتي عملاتها بالبلبولة غليضة شوي و لاحضت انها كتبقى باينة.
    الا بغيتي تكون مقادة خودي البلبولة لي عندك دوزيها في غربال الطحين باش يزول منها الدقيق و دوزيها في غربال متوسط ماشي ديال الزرع ديال سكسو.
    -شوي الخميرة د العجين
    - شوي ملح
    - لتردالماء طايب طالق السبولة
    الطريقة
    عملي الخميرة تدوب مع شوي ماء دافي و حطيها في اناء غارق و زيدي عليها البلبولة و الملح وكبي الماء الطايب لي طالق السبولة حتى تغطي كل البلبولة. غطي الإناء و خليها شي ساعة حتى تكون البلبولة شربات الماء و نشفات. دهني المول و رشي شوي سميدة القمح و كبي البلبولة خاصها تكون ناشفة من الماءو بسطيها و رشي عليها سميدة القمح من فوق و عمليها فالفران.
    ملي تطيب خرجيها و سقيها بالعسل أو الزبدة او خليها بلاش المهم راها صحية و زايدون ما فيهاش ليدام و تنفع لصحاب الريجيم..
    اوا الا جربتوها دعيو معايا شي دعوة صالحة..
    ما شاء الله

  • #2
    اختي صبوورة جزاك الله كل خير ويسر لك كل امورك على هاد الوصفة الصحية لانني فعلا في حاجة ماسة لمثل هذه الوصفات

    تعليق


    • #3
      جزاك الله خيرا على هذه الو صفة الصحية
      اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
      اللهم احفظ زوجي وأبنائي من كل شر وأقر عيني بهم آمين.




      تعليق


      • #4
        غزالة تباركلاه عليك
        شنو هي بلبولة ب طنجاوية

        تعليق


        • #5
          العفو . البلبولة هي السميدة د الشعير و لكن مانعرف شنا هي بالطنجاوية
          ما شاء الله

          تعليق


          • #6
            lah yjazik bikhir

            تعليق


            • #7

              تعليق


              • #8
                اختي صبورة الله اجازيك بخير شهوة تبارك الله

                تعليق


                • #9
                  شكرا على الوصفة

                  الله يعطيك الصحة

                  تعليق


                  • #10
                    الله يعطيك الصحة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X