إعـــــــلان

تقليص
لا يوجد إعلان حتى الآن.

دجاج بلدي كيحمممممممق بالزعفران الحر فوق المجمر خاصة لاصحاب الاكتئاب وعامة لدواقة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دجاج بلدي كيحمممممممق بالزعفران الحر فوق المجمر خاصة لاصحاب الاكتئاب وعامة لدواقة

    ثبت في 1/6/2010.....ام رزان

    السلام عليكم اخواتي اليوم طيبت دجاج البلدي بزعفران الحر راااااااااااائع طاب فوق المجمر او عمرتو بزيتون اخضر مقطع او مشرمل على طريقتي او رافقتو بالفرمسيل جا كيف الزبدة اقل ما يقال فيه انو رااااااائع كتبت فالعنون انو خاصة لاصحاب الاكتئاب لان الزعفران الحر من الخاصيات متاعو انو يفرح القلب وكينفع من هاد المرض زائد الفوائد متاعو الكثيرة او الدجاج البلدي كيعدل الجسم يعني بعد الغداء غتلقاي جسم شبعان باللدة او مستافد مزيان حتى نفسيا او كنصحكم تجربوه راه بنين بزاف بزاف بزاف نبداو على بركة الله
    دجاج انا خديت فروج واحد او انتم على حسب الافراد متاع العائلة غسلتو مزيان او عاودتو بالملحة او الحامض او خليتو حتى نشف او عاودتو بالخل او سقطرتو عنداكم اخواتي تنساو الرئة لي فالقفص الصدري او هاد الاماكن لي فالصور راه مهم تحيد او حنا عندنا الى خليتيها راه عيب او كتسماي محدقاش ههههه او كيخليو حتى الزفرة فدجاج فطيابو
    هنا فالفخد من الور كتكون التحت واحد العضمة كتبقى من رجل لي تحيدات كتخصك تحيدها


    او الفوق فالقرجوطة داكشي لي حداه
    حتى تخليها خاوية او نقية


    هنا فالفوق متاع المؤخرة كيخصنا حتى هو نحيدوه كيما مبين فالصورة


    او هادشي غير للمبتدئات اما الحدكات تبارك الله راه عارفين
    ان سر بنة الدجاج فالتنقية متاعو
    ندوزو لشرمولة



    سكنجبير يكون زاعم على الاخرين ابزار كمون قزبور يابس الى عندكم سودانية ضامة البنة دجاج ثومة محكوكة حامض مصير او متديروش ملحة حتى فالقزبور ملحة متاع المصير كافية ان شاء الله قزبر او معدنوس مصورتوش كان فالفريكو فوقت الصورة الجماعية لتوابل هههه

    زعفران حر خودوه من عند شي واحد ثقة او تكون ريحتو عاطية من فوق الميكة هاداك هو المزيان كنسخنوه او ندقوه
    كنخلطو المقادير كاملة مع القزبور او معدنوس او نديرو الب متاع المصيرة او نحتافضو بالقشرة على فكرة 3 ارباع الحامضة كافية نخليو ربع منستخدموهش باش ميجيناش دجاج مالح كيجي هو هاداك فالملح مع 3 ارباع

    نزيدو شوية تلماء او زعفران العادي او نشرملوه كلو تحت الجلدة او فوقها من الداخل او من جيهت القرجوطة المهم كل الاماكن

    نخليوه مشرمل او ندوز لعمارة
    كناخدو الزيتون الاخضر نقطعوه او نشرملوه

    الى بغيتو تديروه مشرمل واجد لي بغيتو غير انا تنبغي نوجدو بيدي او تيكون حتى فالملحة ناقص
    كنقطعوه او نضيفو ليه سودانية كمون زيت الزيتون ورقة سيدنا موسى مقطعة و الثومة مقطعة و القشور لي خلينا متاع المصير حتى هما مقطعين وشوية متاع الابزار

    كناخدو بطاطا وحدة و جزرة وحدة يكونو كبار او نقطعوهم صغار

    كنسلقوهم مع مليحة غير حبيبات ملح فقط او نصفيهم لما يطيبو

    او نخلطوهم مع الزيتون لي قطعنا او شرملنا

    نوضعوهم فشي حاجة كتغطا او نحتفظ بيهم فثلاجة لحين الاستعمال حتى يطلقو نسمت التوابل فيهم محيت هادشي كنوجدو باليل

    الان كنرجعو لدجاج كنشلضو زوج بصلات متوسطين

    او كنضيف ليهم الدجاج بوحدووووووووووو خليو الشرمولة بوحدها هزو غير الدجاج او حطوه فوق البصة او ديريوه يتشخر مع البصلة او الزيت الزيتون او الرومية

    بقاو تقلبوه فحال الى كيتحمر او هو فعلا كياخد لون اخرغزال يعني غيطيب محمرشاد لون او بقاو تقبوه هاد الطريقة ديروها حتى مع الرومي او بنسبة لورمي زعرفرنوه مزيان او هو كيتقلا كيبان فحال البلدي او حتى المداق كيجي غزال


    حتى تتحمر البصلة او يتحمر هو او تقبوه مزيااااان عاد ضيفو الشرمولة متاعو لي رقدناه فيها مع شوية متاع الماء او خليوه يتشحر معاها عاود حتى تحمر حتى الشرمولة
    هنا زدنا الشرمولة عليه


    او فهاد الاثناء وجدو المجر متكتروش الفاخر راه غير شوية متاع الفاخر طيبو رجعو كيف الزبدة تبارك الله صافي مرقوه او سدو عليه او ديرو الصفارة او خليو حتى تطلع الكوكوط فوق البوطة عاد وضعوها فوق الجمر او خليوه مع راسو او سيرو نعسو انا وجدتو بليل او صبح كملت

    دار كاملة ببيوتها كتولي فيها رائحة غزالة جاية من الكوزينة كتشهي كتخرج واحد الريحة او هو كيطيب لا تقاوم
    فصبح نظت طليت عليه لقيتو طاااااااب ولا كيف الزبدة حتى الصدر ولى رطب بزاااااااف او معلك كنهز الدجاج نحتفظ بيه حتى نبغيه او كناخد المرقة انا قسمتها على زوج نص رميت فيه الفرميسيل او نص الاخر شحتو او خليتو مرافق لدجاج لي بغا تغميسة
    كنخرج نص الخضرة لي درنا بليل فثلاجة كنعمر بنصفها الدجاج او نص الاخر نخلطو مع الفرمسيل او نخليوه تغلي حتى تنشف

    او لمريقة منين تشحت نطفي عليها او نخليها او كدالك الفرمسيل نساو كلشي حتى لوقت الغداء عاد ناخد الدجاج لي عمرنا بالنص متاع الخضرة او الزيتون مقطع ندير فوق من الزبدة او السمن او ندخلوه للفران

    ديرو معاه مريقة او ديروه الفوق لان الغرض عندنا من الفران هو ديك الخضرة لي عمرنا بيها تطلق نسمتها لان فيها وراق سيدنا موسى او تومة مقطعة خظرين نخليو دجاج الفوق حتى يتشحر او تنشف المريقة عاد نزلوه لتحت يتحمر غير شوي باش ميقصاحش لانو الون خداه فالطياب غير شوي او نخرجوه
    نستغلو الوقت لي هو فيه فالفران او نقادو سلاظ او عصير هاد الطبخة تنفع الناس لي خدامين فحال لان خدمتها الكثير كتدوز باليل كيتبقى غير لقطات وقت الغداء او كتكوني على خاطرك
    هنا سخنت المريقة باش نوضعها فطبيسيل بوحدها لي بغا يغمس

    وهنا سخنت الفرمسيل

    وهنا قدمت الطبق وضعت الفرمسيل فوقها الدجاج لي خرجت من الفران او قدمتها ساخنة






    وهنا سلاظ مريكانية نقلتها من واحد الاخت كتجي راااااااائعة او صحية لان فيها الملفوف او الجزر ان شاء الله نحطها فقسم الاخر لانها بنينة او ساهلة او صحية انا كنديرها يوميا كنوضعها فزليفات فالاخير مصورتهاش

    او عصير اللفت البلدي او ليمون او الجزر او السكر حتى هو جد صحي او زوين

    كملت الحمد لله نتمنى تجربوه هاد الدجاج او تبعو هاد الطريقة راه فعلا كتجي رااااااائعة او لي عجباتو الوصفة يدعي مع زوجي حبيبي فقط مرسي ليكم حبيباتي
    sigpicاللهم اغفر لامي وابي ورحمهما كما ربياني صغيرا
    اللهم فرج همي وهم المسلمين ويسر امري وامر المسلمين

  • #2
    معجبكومش الموضوع سمحولي مبقاش نحط محيت غير كنتعدب بدون اهتمام للاسف
    sigpicاللهم اغفر لامي وابي ورحمهما كما ربياني صغيرا
    اللهم فرج همي وهم المسلمين ويسر امري وامر المسلمين

    تعليق


    • #3
      تبارك الله ماشاء الله عليك أختي أم رشى

      و الله حتى شهيتيني فيه...

      تبارك الله عليك حادقة ...ما خفتيش يتحرق ليك في الليل...

      و لكن راني تخيلتو طايب بحال الزبدة و تشهيتو...

      و شكرا على المعلومة ديال الزعفران


      تعليق


      • #4
        تبارك الله عليك الدكتورة ام رشى شهيتيني فيه الله يعطيك الصحة و بصحتكم و راحتكم



        تعليق


        • #5
          تبارك اللله عليك اختي مشكورة على مجهودة ديالك انا عزيز عليا الدجاج خصوصا البلدي انشا ء الله نجرب الوصفة ونرد عليك

          تعليق


          • #6
            السلام عليكم ورحمة الله وبركاته
            اختك ما كتاكلشي الدجاج بلدي ولكن بهاد الطريقة اديالك فالوصف والكتابة والتقديم شهيتيني هههههه
            الله يعطيك الصحة أختي أم رشى يستاهل خمس نجمات من عندي

















            ياما كان فيها ممالك .. إلاوجهه كله هالك

            من ترابها ولترابها .. من وكان في الدنيا مالك
            مين وكان في الدنيا ملكه .. إلا جاله يوم وهلكه
            مهما نوره طال ظهوره .. جاي ليل ع الدنيا حالك

            جاي ليل ع الدنيا ضلمة .. ياما ناس في الدنيا ظالمة
            في المظالم كل ظالم .. جايله ليل أسود وحالك
            ياما كان فيها وياما .. من هنا ليوم القيامة
            الممالك والمهالك .. مالي يا دنيا ومالك











            شكرا غاليتي أمنار


            حملة الدعاء لاخواننا السوريون يوم الجمعة هلمي اختي


            ،أستحلفكن بالله..الدعاء ثم الدعاء ثم الدعاء لاخواننا في سوريا.







            تعليق


            • #7
              مرسي ليكم بزااااااااااااااف فرحاتني ردودكم او مرسي على الثثبيت كدالك او نتمنى تجربوه راه كيجي رائع او صحي بزاف مرسييييييييييييييييي
              sigpicاللهم اغفر لامي وابي ورحمهما كما ربياني صغيرا
              اللهم فرج همي وهم المسلمين ويسر امري وامر المسلمين

              تعليق


              • #8
                تبارك الله عليك الله يعطيك الصحة
                في الحقيقة اي حاجة كتطيب فوق الفاخر كتعجبني هههه كتفكرني بالماكلة اللذيذة ديال جداتي الله يرحمها
                الله يحفظك ويخليلك كل عزيز عليك

                تعليق


                • #9
                  اكيد رائع رائع رائع الله يعطيك الصحة ويجزيك كل خير دايما متألقة ماشاء الله

                  تعليق


                  • #10
                    الله يعطيك الصحة حسن عون الموحمات مساكن هههههههههه







                    تعليق


                    • #11
                      بالصحة و الراحة هادشي كيشهي
                      بسم الله الرحمن الرحيم


                      لا تنسى ذكر الله ;)
                      :s11556:

                      تعليق


                      • #12
                        مرسي لمروركم الرائع العطر حبيباتي
                        sigpicاللهم اغفر لامي وابي ورحمهما كما ربياني صغيرا
                        اللهم فرج همي وهم المسلمين ويسر امري وامر المسلمين

                        تعليق


                        • #13
                          tbark lah 3lik chahitina lah i3tik sa7a
                          omatansaych thati lina la salade
                          chokraaaaaaaaaaaaaaaaan
                          الحمد لله حمدا كثيرا طيبا مباركا فيه

                          تعليق


                          • #14










                            عِندمَا تُمسكُ سَيفاً لِتقْتُلني ..

                            إحذرْ أن يَجْرَح يَدُكَ فتُؤلمُنِي ..

                            تعليق


                            • #15
                              مشكورها حبيبتي علي الوصفه
                              القران الكريم
                              التفسير الميسر للقران الكريم

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X