حمام محشي وورق عنب وكوسا من مطبخ لولو اكادير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حمام محشي وورق عنب وكوسا من مطبخ لولو اكادير

    oum hedayah
    2-6-2011



    السلام وعليكم ورحمة الله وباركته
    والصلاة والسلام على سيدنا محمد وعلى اله وصحبه اجمعين
    اليوم عندنا المطبخ المصري
    نبدوا باسم الله الرحمان الرحيم
    اول حاجة عندنا الحمام
    المقادير
    حمام مغسول
    كبدة وقوانص مقطعين
    بصلة كبيرة مشلدة
    ملعقة سمن او زبدة
    ملح وبزارو رشة قرفة
    فريك منقي ومغسول ومنقوع نصف ساعة تقريبا ممكن يعوض بالروز
    نصف كوب ماء

    لا احد يرد حتى نكمل الموضوع
    الملفات المرفقة

  • #2
    اول حاجة غادي نعملوها
    في مقلاة نديروا السمن ونضيف ليها البصلة ونديروها على النار ونخلوها تنزل شوية تم نضيفوا ليها الكبدة والقنصة والفريك والتوابل اللي عندنا والماء ونخلوها على النار تطيب 20 دقيقة فقط
    ناخد الحمام ونرشوه بالملح والبزار من برى والداخل ونعمروه بالحشوة ديال الفريك ونسدوه بالعود ديال الفواكه او نخيطوه
    سلق الحمام=
    في طنجرة نديروا الماء وحبات من الهيل و3 حبات من المسكة الحرة وبصلة صحيحة وملح وبزار نخلوهم يغلوا تم نحطوا فيهم الحمام كياخد على النار ساعة كاملة
    الملفات المرفقة

    تعليق


    • #3
      من كيطيب الحمام نزولوا ليه العواد اللي سديناه بهم وعند التقديم نحمروه في شوية زبدة مع الزيت ويقدم
      يتبعععععععععععععععععع
      الملفات المرفقة

      تعليق


      • #4
        ورق العنب
        اوراق العنب مغسولة
        4 طماطم مبشورة
        2 بصل كبار مبشور
        6 ضروس توم مقطعين صغار
        ملح وبزار
        ملعقة كبيرة سماق
        1كنور محكوك
        راس معلقة كمون
        شوية الزيت
        لحم مقطع صغير
        قطع لحم كبيرة
        رز مصري مغسول
        نخلطوا الكل مع بعض ونقسموا الخليط على 2
        ملحوظة= بالنسبة لورق العنب كنديروا المعدنوس مفروم مع الخليط
        و الكوسا والفلفة كنديروا نعناع ناشف
        الملفات المرفقة

        تعليق


        • #5
          واكواك راه جاني الجوع منين بديتي و انا كنتسنا حمري الحمام و اريه و سربي ليا واحد الطبسيل ديال المحشي ههههههههههههه
          تسلم الايادي ازين مقدرتش نصبر حتى تسالي و راه كلشي ديالي
          سرعة الايام مخيفة!
          ما إن أضع رأسي على الوسادة إلا وأشرق نور الفجر..
          ما إن أستيقظ إلا وحان موعد النوم..
          تسير أيامنا و لا تتوقف !
          وأقول في نفسي : حقاً السعيد من ملأ صحيفته بالصالحات ..
          - والسؤال الذي أقف عنده بماذا ملئت صحيفتي !؟
          وهل أنا أسير للأمام أم للخلف !؟
          يا ترى ما هو وزني عند الله!؟
          أقف وأحاسب نفسي فالأيام تمشي بسرعة ولن يبقى إلا العمل الصالح
          فتن الدنيا تموج بنا والأحداث تتسارع من حولنا والأموات يتسابقون أمامنا..
          "
          " "فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ"

          تعليق


          • #6
            وهذه طريقة لف ورق العنب كيف باين في الصور
            يتببببببببببببببببببببع :s5334:
            الملفات المرفقة

            تعليق


            • #7
              لتجهيز الطنجرة
              كنديروا 1 بصلة دوائر
              1طماطم دوائر
              5 ثوم صحيح
              ملح وبزار
              العواد اللي كيكونوا في اوراق العنب
              واوراق عنب مفرشة
              هادوا كلهم كيتفرشوا كيف واضح في الصور باش مايتحرقش لينا من التحت
              في الوسط نديروا 1 طماطم نعمروها بالحشوة ديال الرز ونستفوا ورق العنب ونديروا قطع اللحم تم نكملوا رص باقي العنب
              نديروا الطنجرة فوق النار ونسقوا بالشربة اللي سلقنا فيها الحمام بعد ما صفيناها ونديروا عليها طبسيل باش يبقى شد في الفورمة ديالوا نديروها على نار هادئة مدة ساعة حتى تنشف ومايبقاش فيها الشربة ونطفوا عليها
              يتبببببببببببببببببببع
              الملفات المرفقة

              تعليق


              • #8
                من يوجود نقلبوها في طبق تقديم وبالصحة والراحة
                يتبببببببببببع
                الملفات المرفقة

                تعليق


                • #9
                  بالنسبة للكوسا اوالقرعة كنخوها من الوسط ونعمروها ونفش الشيء بالنسبة للفلفلة
                  نديروا ليها الشوربة ونحطوها على النار هادئة حتى تطيب وتقدم
                  كنتمنى تعجبكم هذه الوصفات واي استفسار انا حاضرة
                  ولا تنسوني اخواتي بالدعاء الصالح والله يوفقنا لما يحبه ويرضاه
                  والسلام عليكم
                  الملفات المرفقة

                  تعليق


                  • #10
                    tbarek allah 3lik , chehitini f chi ghdiwa m3ak, hetta ana kanssaweb waraq al 3inab mahchi walakin tariqtek 3ajbatni, tbarek allah 3lik, hadga, merci

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X