بسطيلة الدجاج ب 2تبديلات ملابس العيد الجديدة كل عام و أنتم بخير...روووووعة بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بسطيلة الدجاج ب 2تبديلات ملابس العيد الجديدة كل عام و أنتم بخير...روووووعة بالصور




    كيف دايرين أالبنات لاباس عليكم اليوم جبت تطبيق رائع لبسطيلة الدجاج و اللوز بحلة جديدة
    علاش تطبيق ?
    لأن الفكرة استقيتها من الأخت المبدعة أمينة سامي و هذه بصراحة كلمة قليلة فحق الروائع و التحف اللي تتبتكرها يوم بعد يوم الله يجازيها بالخير


    اللبسة الأولى

    حضرت ورقة البسطيلة ديال تيفال و احتفظت بالعجين قدر ثلاث ورقات فرقتهم و مزجت مع كل جزء لون معين أخضر أحمر أصفر و عملت بكل جزء منهم و رقة ملونة قطعت الأحمر و الأصفر دوائر عملت بهم وريدات على غرار الرابط

    http://www.anaqamaghribia.com/vb/showthread.php?t=57519

    و الورقة الخضراء قطعتها على شكل عريشات, و احتفظت أيضا بجزء من الورقة البيضاء قطعتو على شكل سباكيتي و وضعت الكل جانبا حتى عمرت
    البسطيلة بطبقة البيض ثم البصلة معسلة بالسكر و القرفة ثم الدجاج ثم اللوز مجروش مع السكر و القرفة و شوية ماء الزهر و عملت بين كل طبقتين ورقة بسطيلة مقلية و منشفة
    غلفتها كالعادة طبعا مع رش الزبدة مذوبة و تلصيق الأطراف بأصفر البيض .
    مررت الورود فالزبدة مذوبة و عملت نفس الشيء بالنسبة للورقة المقطعة مثل السباكيتي. خلطت ما تبقى من الزبدة المذوبة مع أصفر البيض و دهنت بهم البسطيلة ثم رشيتها بالورقة المقطعة و زينتها بالورود و العريشات








    دخلتها للفرن حتى تحمرت








    رشيت عليها شوية القرفة و سكر
    كلاصي, زينت الورود بحبيبات الحلويات المفضضة و هاهي النتيجة













    واللبسة الثانية

    المقادير

    ورقة البسطيلة عادية
    الدجاج طايب فحال الطريقة الأولى
    عقدة اللوز (لوز مصلوق و مقشر و مطحون مع
    ملعقة زبدة +السكر حسب الذوق +المنسمات/ قرفة أو مسكة حرة أو ماء زهر أو كلهم المهم حسب الذوق أيضا)
    9بيض السمان مصلوق و مقشر
    ألوان غذائية
    حبيبات فضية

    الطريقة

    1.فحال الطريقة السابقة قليت الورقة اللي وضعتها بين الطبقتين و وضعتها فوق الورق النشاف

    2. و قطعت مقدار ورقتين بالمقص على شكل سباكيتي

    3.و أخذت كويرات من عقدة اللوز بحجم زيتونة تقريبا و ضفت لكل كرة ملون غذائي.

    بسطيلة طبعا كلشي السيدات ما شاء الله تيعرفو يعمروها غير الجديد هنا هو أنني عملت طبقتين فقط .

    4.الأولى: ديال الدجاج+ الدغميرة اللي طاب فيها بشرط تكون واقفة مزيان و مافيهاش قطرة ديال الماء, على فكرة أنا ما بغيتش نعمل طبقة ديال البيض حيت زوقت البسطيلة بالبيض مصلوق و المسألة تتبقى اختيارية لكل سيدة طبعا .
    وضعت فوقها الورقة اللي قليت و نشفت .
    5. الثانية: ديال عقدة اللوز.
    6. ثم جمعت البسطيلة و دهنتها بخليط أصفر البيض و الزبدة مذوبة.
    7. و دهنت به أيضا الورقة المقطعة على شكل سباكيتي.
    8. لفيت ثلاث مجموعات على شكل أعشاش احتفظت بهم جانبا.
    9.قطعت ما تبقى من الورقة مرة أخرى و غطيت به وجه البسطيلة.
    10. ثم وضعت الأعشاش فوق.
    11. و دختلها للفرن حتى تحمرت.
    12. عملت وريدات من كويرات عجين اللوز اللي لونت و العريشات باللون الأخضر طبعا.
    13. لما خرجت البسطيلة من الفرن وضعتها فطبق التقديم رشيتها بسكر كلاصي.
    14. وضعت فكل عش ثلاث بيضات السمان.
    15. و بين كل عشين وردة و العريشات ديالها طبعا.
    16.و زينتها بالحبيبات المفضضة.




















    بالصحة و الراحة

    لا تنسوني و أهل بيتي و السيدة أمينة سامي من صالح دعواتكم.

  • #2
    ماشاء الله عليك أم آدم مبدعة بمعنى الكلمة تبارك الله عليك والله يحفظ ليك آدم

    تعليق


    • #3
      تبارك الله عليك اختي..بسطيلةرائعة والديكوراروع
      بالاحرى كل اطباقك شهوة منهم..الله يخليلك اصحيحتك.



      تعليق


      • #4
        ماش اء الله عليك و تبارك الله الله احفظ يديداتك جاتك فنة و غزالة في المنظر و اكيد حتى في المذاق و حتى هاديك الصينية غزالة






        تعليق


        • #5
          جزاك الله الله كل خير اختي ام ادم شكلها روعة تمنينا لو كانت طريقة بصورة ولكن لا بأس مرة اخرى تبارك الله عليك تسلمي

          تعليق


          • #6

            تبارك الله عليك اختي أم آدم....

            جاتك روعة....


            تعليق


            • #7
              أختي أم آدم،أطباقك كلها روعة،راكي حادكة و مبدعة ماشاء الله عليك وصافي..:p:p:p

              تعليق


              • #8
                ماشاء الله عليك أختي أم آدم.الشكل جديد و رائع و حتما المداق أروع.
                بارك الله فيك و في أهل بيتك ورزقكم سعادة الدنيا و الآخرة.

                تعليق


                • #9
                  سعدات راجلك بيك برافو برافو برافو

                  تعليق


                  • #10
                    هادي لوحة فنية ماشي بسطيلة
                    تبارك الله عليك جاتك غزااااااااااااااالة




                    [grade="4169E1 00008B 4B0082 800080 FF1493"]أرق القلوب قلب يخشى الله[/grade]
                    [grade="4169E1 00008B 4B0082 800080 FF1493"]و أعذب الكلام ذكر الله[/grade]
                    [grade="4169E1 00008B 4B0082 800080 FF1493"]و أطهر حب الحب في الله[/grade]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X