إعـــــــلان

تقليص
لا يوجد إعلان حتى الآن.

دجاجي الرائع بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دجاجي الرائع بالصور



    [frame="7 100"]السلام عليكن اخواتي الحبيبات اليوم جيت وجبت هاد الطريقة باش نطيبو الدجاج إذا كنتي ماعندكش الوقت للوقفة في الكوزينة ولكن باغية تبرعي انتي وموالين دارك هو لذيذ وساهل وبلا مانطول عليكم نخليكم مع الوصفة
    [/frame]
    [frame="7 100"]

    المقادير:
    دجاجة
    العطرية اللي تتحبي تشرملي بيها الدجاج انا استعملت المعدنوس الحامض مسير السمن القزبر يابس الخرقوم البلدي سكين جبير زعفران وشوية الموتارد هي وصلصة الصوجا والثومة مدقوقة
    ميكة خاصة بالفرن اللي ماتوفرتش ليها غادية تفرش ليه الملح غليضة وتغطيه بورق الأليمنيوم

    تنخلطوا مقادير التشرميلة


    الدجاجة مغسولة ومنقية مزيان ومرقدة في الخل او الحامض مع الملح باش نحيدو الريحة المزفرة


    تنشرملو الدجاجة مزيان تندخلو ليها التشرميلة مابين الجلد واللحم مزياااااااااان


    تنديروها في الميكة ونسدو عليها

    أنا في العادة من مورا هاد الشي تنخليها تشرب العطرية إذا كان عندي الوقت يعني تنديرها في التلاجة من الليل حتى للصباح او العكس ولكن ماشي ضروري يمكن في ديك الساعة نيت ندخلوها للفرن على 220 درجة لمدة ساعة ونص


    ودابا نمرو للزينة ديال الدجاج وطبعا خاصها تكون ساهلة بحالو
    المقادير:
    بطاطا مقطعة على الشكل اللي بغينا
    التحميرة الملح والإبزار وزيت العود وشوية التومة مدقوقة والمعدنوس وتيجي حتى الزعتر ممتاز معها
    تنخلطو التشرميلة


    وتنديرو فيها بطاطا ونخليوها واحد الشوية تشرب من بعد نديروها في لاطة وندخلوها للفرن منين يكون الدجاج قرب يطيب


    وهذا هو دجاجنا منين طاب



    و هذا هو الطبق كلوا يستحسن يترافق بشي شليضة باش يكون طبق كامل


    وبصحتكم وراحتكم


    [/frame]

  • #2
    تم بحول الله

    تعليق


    • #3


      تعليق


      • #4
        فعلا كيجي رائع انا كليتو عند ام سندس و جربتو ممتاز
        غير واحد الملاحظة انا صيداتني ما دارتش ليا البطاطا إوا الله اسامح
        خمسة النجمات من عندي

        تعليق


        • #5
          [QUOTE=أم زينب 86;1008869]

          [QUOTE]


          شكرا اختي ام زينب لهلا يخطيك

          المشاركة الأصلية بواسطة myriama مشاهدة المشاركة
          فعلا كيجي رائع انا كليتو عند ام سندس و جربتو ممتاز
          غير واحد الملاحظة انا صيداتني ما دارتش ليا البطاطا إوا الله اسامح
          خمسة النجمات من عندي
          هههههههههه مايبقاش فيك الحال راه انتي زدتك فيه حتى انا النجيمات بالروز والكبيدات وكون درت بطاطا نخليك بلا دجاج حتى ترجعي وندير ليك بطاطا

          تعليق


          • #6
            السلام عليكم ورحمة الله وبركاته
            تبارك الله عليك أختي أم سندس.طريقة سهلة وشهية .
            بغيت نسولك الا جات على خاطرك واش تديري الدجاجة فالفرن بلا ماء
            وبالنسبة لوقت الطياب واش ساعة ونصف ماشي بزاف بالنسبة لدرجة الحرارة 220.
            وواش تتحيدي الميكة فالأخير باش تتحمر الدجاجة ولا تتحمر فميكتها ههههههه كترت عليك الأسئلة راه عجباتني الطريقة وبغيت نطبقها ان شاء الله .تسلم الأيادي عزيزتي

            تعليق


            • #7
              المشاركة الأصلية بواسطة loueloua مشاهدة المشاركة
              السلام عليكم ورحمة الله وبركاته
              تبارك الله عليك أختي أم سندس.طريقة سهلة وشهية .
              بغيت نسولك الا جات على خاطرك واش تديري الدجاجة فالفرن بلا ماء

              آه حبيبتي الدجاجة غير منها للاطة
              وبالنسبة لوقت الطياب واش ساعة ونصف ماشي بزاف بالنسبة لدرجة الحرارة 220.
              ماشي مشكل غير باش تكون طابت مزيان وماتغدركش في الطياب
              وواش تتحيدي الميكة فالأخير باش تتحمر الدجاجة ولا تتحمر فميكتها
              حبيبتي راه تتحمر في الميكة ديالها وتتبقى فتية من الداخل ماتيبسهاش الفران وحتى تتحطيها في الطبسيل وزولي ليها الميكة بالمقص بشوية وتيبقى الفران نقي حاجة تانية غادية تلقاي أنها طلقت شوية المريقة ممكن ترافقيها بيها أو بحال كيف تندير شي مرات تنكون طيبت الروز تنزيد عليه ديك المريقة باش يتنسم
              ههههههه كترت عليك الأسئلة راه عجباتني الطريقة وبغيت نطبقها ان شاء الله .تسلم الأيادي عزيزتي
              لا حبيبتي ماكترتي والو أي سؤال أنا تحت امركم كاملين وبالصحة والراحة مسبقا

              تعليق


              • #8
                مشكورة على المعلومات وجزاك الله خيرا ورمضان مبارك عزيزتي

                تعليق


                • #9
                  العفو حبيبتي لؤلؤة

                  تعليق


                  • #10
                    ان شاء الله

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X