البايلا من ايد عيون بريئة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • البايلا من ايد عيون بريئة

    ثبت بواسطة ام فردوس
    السلام عليكم ورحمة الله وبركاته
    كيف حال حبيباتي الغاليات
    اليوم حبيت نورييكم الطريقة ديال البايلا... باش نبعدو شوي من اللحم والشحمة ...راه يمكن دوخاتكم خلاص ;)
    في غالب المطاعم بالخصوص المطاعم الكبرى كتلقاي عندهم البايلا وجبة درورية يحطوها مع الاكل
    و انا الصراحة كنحماق عليها بالخصوص الا فيها الكروفيت بزاااف:p


    المهم نخليكم المقادير والطريقة المصورة


    المقادير
    3 خيزو مقطع قطع صغار
    1 فلفلة..مقطعة قطع صغار(الا عندك فلفل اللي بالالوان يكون افضل)
    1بصلة كبيرة...مقطعة قطع صغار
    قسبر ومعدنوس
    نديرو خيزو والفلفل و البصل والقسبر والمعدنوس يتشحرو مزياااان في الزيت ونظيفو ليه العطرية (ملح.ابزار.تحميرة.سكنجبير.زعفران.شوي كمون.1كنور ديال الحوت)
    ملي يتشحر مزيان نظيفو ليه 1 مطيشة مقطعة صغييييرة و 2 معالق كبار solis


    (دوك 2 طويجنات فيهم الكروفيت و لحم ديال الدجاج ..من بعد نحتاجوهم :rolleyes:)


    من بعد نظيفو ليه 2 كيسان او 2 طاسات (على حسب الرغبة) ديال الروز

    ونظيفو ليه الماء (مقدار 1 كاس ديال الارز نديرو ليه 2كيسان ونص ديال الماء)


    ونخليوه حتى يغلي الماء ونحيدوه على النار


    دبا ناخدو الصينية اللي نطيبو فيها البايلا ديالنا في الفران
    ونصبو فيه الخليط ديال الروز


    ناخدو الكروفيت واللحم ديال الدجاج نديروها فوق داك الخليط


    (الا عندك الكلمار هو من الاحسن ديريه مع الكروفيت /انا معنديش وعوضتو بالدجاج ويمكن ليك تعوضيه بالكفتة ))
    ونغطيوه ببابيي الومنيوم وندخلوه الفران

    نخليوه يطيب ومرا مرا نطلو عليه نشوفو واش مزال فيه المرقة حيت خاص منخليوش فيه المرقة

    بحال الصورة

    وها البايلا ديالنا واجدا


    ((يمكن ليك ديري بالزيادا و الا بغيتي يكون مذاقها ممتااااااز زيدي فالكلمار والكروفيت كتجي لديييييدة وجربوها والله متندمو)))

    كل واحدا تدخل دوق وترد لخبار ;)


    وبالصحة والراحة
    لا تحاول أن تعيد حساب الأمس وما خسرت فيه ...
    فالعمر حين تسقط أوراقه
    لن تعود مرة أخرى...ولكن مع كل ربيع جديد سوف تنبت أوراق أخرى...
    فأنظرإلى تلك الأوراق التي تغطي وجهه السماء ...
    ودعك مما سقط على الأرض فقد صارت جزاء منها ...

  • #2
    السلام عليكم ورحمة الله وبركاته تبارك الله عليك اختي شهتيني فيها الله يعطيك الصحة

    تعليق


    • #3
      شكرا مشرفتنا الغالية على مرورك العطر
      لا تحاول أن تعيد حساب الأمس وما خسرت فيه ...
      فالعمر حين تسقط أوراقه
      لن تعود مرة أخرى...ولكن مع كل ربيع جديد سوف تنبت أوراق أخرى...
      فأنظرإلى تلك الأوراق التي تغطي وجهه السماء ...
      ودعك مما سقط على الأرض فقد صارت جزاء منها ...

      تعليق


      • #4
        انا كتحمقني البايلا

        كنلقى نبقا غير هي ناكلها ههههههه

        تبارك الله عليك الغزالة كتشهي

        [/CENTER]

        تعليق


        • #5
          ما شاء الله اختي عيون بريئة
          بايلا غزلة
          لا تحريمينا من جديدك





          اللهم احفض لي ابنائي اميمة ومحمد ادريس واجعلهم درية صالحة بارة طيبة هم وابناء المسملين

          تعليق


          • #6
            مشكوووووور والله يعطيك الف عافيه
            sigpic

            تعليق


            • #7
              ههههههههههممم شهتيني راني كنحماق عليها ربي يجازيك راني دقت و جاتني لديييييدة الله يعطيك الخير
              عواشر مبروكين
              [frame="7 80"]
              استغفر الله العظيم من كل دنب عظيم
              [/frame]

              تعليق


              • #8
                تبارك الله عليك الله يعطيك الصحة

                تعليق


                • #9
                  مشكوووووور والله يعطيك الف عافيه

                  تعليق


                  • #10
                    المشاركة الأصلية بواسطة ناثـ المسك ــرة مشاهدة المشاركة
                    انا كتحمقني البايلا

                    كنلقى نبقا غير هي ناكلها ههههههه

                    تبارك الله عليك الغزالة كتشهي
                    بالصحة والراحة اختي الغالية
                    حتى انا بحالك ملي كنديرها مكنكلش شي حاجة تانية غير هي
                    ممممممم
                    شكرا الحبيبة ديالي على المرور
                    لا تحاول أن تعيد حساب الأمس وما خسرت فيه ...
                    فالعمر حين تسقط أوراقه
                    لن تعود مرة أخرى...ولكن مع كل ربيع جديد سوف تنبت أوراق أخرى...
                    فأنظرإلى تلك الأوراق التي تغطي وجهه السماء ...
                    ودعك مما سقط على الأرض فقد صارت جزاء منها ...

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X