من مطبخي وبالصور : محشي السلق والخضر ،

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • من مطبخي وبالصور : محشي السلق والخضر ،

    oum hedayah
    بتاريخه


    السلام عليكن أخواتي الحبيبات ،

    البارح درت هاد الأكلة وحبيت أنني نشارك معاكم بيها وياربي تعجبكم

    بلا منطول عليكم ،

    إذن لمحشي السلق نحتاج :

    - السلق تقريبا نصف كيلو (ممكن استعمال ورق العنب إذا كان متوفر)
    - 6 حبات من القرع الأخضر
    - 2 بصلات كبار
    - 2 حبات طماطم صغار
    - 2 حبات بطاطس متوسطين
    - كأس من الأرز
    - نصف كأس زيت زيتون
    - نصف كأس عصير الحامض
    - حزمة صغيرة قزبر ومعدنوس
    - حزمة صغيرة من الإشبنت
    - 250 g كفتة
    - 2 معالق كبار معجون الطماطم
    - ملح - ابزار - خرقوم - سكين جبير - سماق - تحميرة
    - معلقة صغيرة من الثوم المهروس


    نأتي للطريقة :
    نغسل أوراق السلق مزيان وننقعه في ماء حار مدة 15 دقيقة باش يجينا ساهل ملي نبداو نعمروه



    نغسل القرع الأخضر ونقيوه ونخويوه من الداخل ونحتفظ باللب ديالو .



    كذلك نغسل البصل ونزول ليه القشرة الفوقانية ، ونقطع بالسكين إلى المنتصف فقط ونبدا نزول الطبقات دياله بحال لي فالصورة




    "يتبع"













  • #2
    والآن نأتي إلى تحضير الحشوة ،

    نخلطو الكفتة مع الأرز بعد نقعه في الماء شي نصف ساعة ، ثم نضيف اللب لي زولنا من القرع ، ونضيف الطماطم بعد تقطيعها مربعات صغيرة ، ثم نضيف باقي الثوابل + القزبر ومعدنوس مقطع رقيق + الشبنت مقطع رقيق + نصف كمية عصير الحامض + نصف كمية زيت الزيتون



    دبا هالحشوة ديالنا واجدة




    كناخذ الإناء لي غادي نطيب فيه وكنقطع البطاطا دوائر وكنتسفها في أسف الإناء







    كناخذ دوائر البصل لي وجدنا ، كناخذ كرة من الحشوة وكنديرها في وسط البصلة بهاد الطريقة (منعمرش البصلة مزيان لحقاش الروز مع الطياب كيضاعف الحجم ديالو )



    ومن بعد منعمر البصل كنستفه في الإناء بهاد الطريقة



    "يتبع"












    تعليق


    • #3
      ملي كنكملو حشو البصل كنبداو حشو القرع ،

      أظن الطريقة معروفة ، وحتى هو مكنعمروش كامل كنخلي واحد الشوية الفوق خاوي بحال لي فالصورة



      وملي كنكملو حشو القرع طبعا كنستفوه في الإناء



      دبا غادي نجيو لحشو السلق

      كناخذو الورقة وكنزولو ليها العود لي فالوسط إذا كان غليظ لحقاش غادي يعذبنا ملي نبغيو نثنيو الورقة



      كناخذ القليل من الحشو وكنوضعو بوسط الورقة وكنلفو بحال السيكار





      وهذا شكله من بعد ما كملنا

      [img]http://www.anaqamaghribia.com/up//uploads/images/anaqamaghribia41fce68f63.jpg[/img]

      وطبعا ملي كنكملو لف السلق كنبداو نستفوه في الإناء



      ملاحظة :

      ملي كنبغيو نستفو الخضر لي عمرنا في الإناء كنحاولو نستفوهم وحدو بجنب الثانية بدون ترك فراغات ، باش ميتحلوش لينا في الوقت ديال الطياب

      هنا كان بقا لي واحد شوية من الحشو فقلت نعمر بيه هاد الفلفلة حتى هي



      "يتبع"












      تعليق


      • #4
        ملي كنكملو كلشي كناخذ هادوك 2 معالق ديال معجون الطماطم وكنخلطهم مع الماء الكافي لي غادي يغطي لينا الإناء لي فيه المحشي بحال لي فالصورة ، كنضيفو عليه نصف عصير الحامض المتبقي + زيت الزيتون + شوية ديال الملح




        ملي كنساليو كناخذو واحد الطبسل وكنديروه فوق الإناء باش كتقل لينا على المحاشي باش متحلش فس وقت الطياب .




        كنديرو الإناء ديالنا فوق النار ، وكنخليوه حتى كيغلى المرق ديالنا ، وملي كيغلى كنمهلو عليه العافية وكنخليوه يطيب على خاطرو ، حتى كينشف المرق ، تقريبا كيحتاج ما بين 45 دقيقة حتال ساعة .

        وهذا الشكل ديالو ملي طاب راني يالاه طفيت عليه .







        ملاحظة :

        ممكن نطيبوه بهاد الطريقة ، وأيضا ممكن نفوره في الكسكاس وبلاما نضيفه المرق
        أيضا ممكن نعمرو حتى هاد الأنواع من الخضر : البادنجان / الفلفل / الطماطم ، ..












        تعليق


        • #5
          وهاد الطبق لأول وحدة دخلات لموضوعي




          بالصحة والراحة
          ياربي هاد الوصفة تعجبكم












          تعليق


          • #6
            مممممم هدشي بنين تبارك الله عليك
            lailanuit @ hotmail . com

            تعليق


            • #7
              المشاركة الأصلية بواسطة laila tohibalah مشاهدة المشاركة
              مممممم هدشي بنين تبارك الله عليك

              الله يبارك فيك أختي ولقد أسعدني مرورك












              تعليق


              • #8
                مشكوووووور والله يعطيك الف عافيه
                http://http://www.anaqamaghribia.com...d.php?t=418650sigpichttp://http://www.anaqamaghribia.com...ine=1417424800

                تعليق


                • #9
                  المشاركة الأصلية بواسطة niama مشاهدة المشاركة
                  مشكوووووور والله يعطيك الف عافيه

                  العفو أختي ، والله يخليك ويبارك فيك












                  تعليق


                  • #10
                    تبارك الله عليك اختي محشي غزاااااال انا كنحماق على الكرعة معمرة الله يعطيك الصحة اختي
                    [/QUOTE]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X