أرز بالدجاج والخضر

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أرز بالدجاج والخضر

    بسم الله الرحمان الرحيم
    السلام عليكم اخواتي
    كنتمنى هاد الوصفة لي غادي نقدم ليكم تعجبكم
    انا غادي نعطيك اشنو كيكون في الوصفة وانتي بالنسبة للكمية عينك ميزانك او على حسب الذوق
    غادي نحتاجوا :جزر مقطع مكعبات
    فلفل حلو اخضر مقطع مكعبات
    بصل مقطع مكعبات
    جلبانة
    قليل من القزبر والمعدنوس مقطع
    زيتون بدون عظم مقطع دوائر
    زبيب
    طماطم محكوكة
    دجاج مشرمل
    روز كلاصي
    ملح/ابزار/زيت/قريصة ديال الكمون/وشوية من اسكنجبير غير شوية
    الطريقة
    ناخذو الدجاج غادي نديروه في الطنجرة ديالنا نضيفوا عليه الزيت والملح والبصل والفلفل حلو،نخليوه يتشحر حتى تذبال هاديك البصلة مع الفلفل غادي نزولوهم ونخليو الدجاج الى كان محتاج للطياب مزيان نضيفوا ليه القزبر والمعدنوس الابزار وباقي التوابل وشوية الماء طبعاونسدو عليه ، مايطبش بزاف حيت خصنا نديروا فحسابنا راه باقي باغي يطيب مع الروز،الى مكنش محتاج تسدي عليه بلاش

    غادي ناخدو الارز نغسلوه مزيان طبعا،نضيفوه للطنجرة،كذلك نضيفوا الجزر/الجلبانة/البصل والفلفل لي كنا زولناهم_في حالة زولناهم على حسب الدجاج_الزيتون/الزبيب/الطماطم/الماء الكافي لي يطيب الارز باش ميتعجنش وميبقاش ناقصو الطياب راكم كلكلم عارفين كيفاش تعبرو الروز مع الماء
    غادي نخلي الطنجرة حتى تغلي ونقص النار نخليها مهيلة، حتى يبان ليك راه طاب ،غادي تطفي عليه ومن بعد ما يبرد غير شوية تحركيه باش العناصر تنسجم وبالصحة والراحة
    كنتمنى ينال اعجابكم
    سمحوا لي اخواتي حيت هاد الصورة غير ديال واحد الشوية بقا لي وصورتو راه مجاتليش الفكرة باش نصورو في الاول _الطبق الرئيسي_ايوا غير قبلوا على هاد الشوية وصافي ان شاء الله نعوضوا ليكم مرة اخرى ونحط ليكم طبق كبير باش تشوفوه مزيان
    راه انتوما وجهكم ماشي ديال هاد الشوية
    لا تبخلن عليه بردودكن،تشجيعات او انتقادات

    دمتن بخير اخواتي

    اللهم وفقني في الدنيا والآخرة ... اللهم اهدني واهد بي

    اللهم بارك لي في وقتي ... اللهم زدني قربا إليك

    اللهم آمين

  • #2
    واقلا الوصفة ديالي معجباتكمش، اربع مشاهدات ولا رد، ايوا غير انتقدوا ماشي مهم تمدحوا ماشي تدخلوا وتخرجو بلا حتا حاجا ههههههههههههههههه

    اللهم وفقني في الدنيا والآخرة ... اللهم اهدني واهد بي

    اللهم بارك لي في وقتي ... اللهم زدني قربا إليك

    اللهم آمين

    تعليق


    • #3
      مشكوووووور والله يعطيك الف عافيه
      http://http://www.anaqamaghribia.com...d.php?t=418650sigpichttp://http://www.anaqamaghribia.com...ine=1417424800

      تعليق


      • #4
        المشاركة الأصلية بواسطة niama مشاهدة المشاركة
        مشكوووووور والله يعطيك الف عافيه
        العفو احبيبة، الله يجازيك بخير ،شرفني مرورك
        ماعندي ما نتسالك اختي انتيا بعدا عبرتيني ،راني قلت مع راسي واقلا مكنعرفش نطيب حيت شحال ديال المشاهدات وحتى شي رد هههههههههههههههههههههههه

        اللهم وفقني في الدنيا والآخرة ... اللهم اهدني واهد بي

        اللهم بارك لي في وقتي ... اللهم زدني قربا إليك

        اللهم آمين

        تعليق


        • #5
          اختي تبارك الله عليك طيابك زوين
          ماديريش على المشاهدات راه يقدرو يدخلو الزوار ما عندهمش حق الرد
          وما تحرميناش من افكارك



          تعليق


          • #6
            تبارك الله عليك و الله يعطيك الصحة

            تعليق


            • #7
              المشاركة الأصلية بواسطة anoussa-oujda مشاهدة المشاركة
              اختي تبارك الله عليك طيابك زوين
              ماديريش على المشاهدات راه يقدرو يدخلو الزوار ما عندهمش حق الرد
              وما تحرميناش من افكارك
              ربي يخليك احبيبة ،رفعتي ليه المعنويات بعدا ههههههههههههههههه
              راه دايما لي معاية كيشكرو ليه الطياب،وجيت ملقيت حتى شي تعليق ايوا قلت راه واقلا غير لي في المحيط ديالي كيجاملوني ههههههههههههههههههههههه

              اللهم وفقني في الدنيا والآخرة ... اللهم اهدني واهد بي

              اللهم بارك لي في وقتي ... اللهم زدني قربا إليك

              اللهم آمين

              تعليق


              • #8
                المشاركة الأصلية بواسطة om twam مشاهدة المشاركة
                تبارك الله عليك و الله يعطيك الصحة
                بارك الله فيك اختي الفاضلة ، شكرا على تشجيعك :)

                اللهم وفقني في الدنيا والآخرة ... اللهم اهدني واهد بي

                اللهم بارك لي في وقتي ... اللهم زدني قربا إليك

                اللهم آمين

                تعليق


                • #9
                  السلام عليكم ورحمة الله وبركاته

                  عزيزتي تبارك الله عليك
                  ان شاء الله المرة المقبلةنرى لك مواضيع بالصور المفصلة
                  الله يعطيك الصحة


                  وحي القبور

                  http://www.anaqamaghribia.com/vb/sho...098&highlight=

                  تعليق


                  • #10
                    مشكوووووورة والله يعطيك الف عافيه
                    sigpic

                    ma petite loulou

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X