خرشوف معمر بالكفتة و محمر لــذيـذ بمعنى الكلمة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • خرشوف معمر بالكفتة و محمر لــذيـذ بمعنى الكلمة

    تبث في 04/05/2010
    bent bladi

    السلام عليكم ورحمة الله وبركاته













    حبيباتي للي عزيز عليها الخرشوف و للي معزيزش عليها
    كنصحكم تجربو هاد الطبق

    مدام حنا باقين ففصل الربيع و الخرشف من الورقيات الربيعية
    فكيكون واجد باثمنة مناسبة و لكن كنحيرو فطرق تقديمو

    و طبعا كيف واعدتكم باعطائكم افكار و طرق اخرى لتقديمو
    هاني غنويركم وحدة من طرقي المفضلة
    و هي الخرشف معمر بالكفتة و محمر



    كيجي بنـــين كيذوب فالفم و متشبعوش منو
    طبعا الى كنتو من عشاق الخرشف و الكفتة و الشوى هههههه

    نخليكم مع المقادير و الطريقة
    و عذروني على قلة التواجد لاني كنت مريضة شوية
    و باقي مدعدعة خخخخخ









    المقادير:









    (حسب عدد الاشخاص )

    ساق خرشف طري منقي و مقطع و مبخر او مسلوق
    (من الافضل تختارووها صغيرة و طرية باش متكونش كلها لياف و خيوط)
    كفتة
    توابل للكفتة: ربيع مشلض، ملعقة كامون، راس ملعقة تحميرة، راس ملعقة ابزار، ملح
    زيت او زبدة للدهن














    الطريقة :



    ســــاهلـــة

    بعد مكنقيو الخرشف بالطريقة المعروفة
    اي اننا نحيدو ليه ديك الجلدة الشفافة للي كتكون مغطياه
    و كنحيدو من الخيوط و كنقطعوه لصبيعات طوال
    ممكن تتعمر او تتحشى (طولها بين 6 و 8 سنتيمتر)


    و كنرقدوه فالماء معصور فيه حامضة
    و من الافضل نخليوه فذاك الماء مدة فالثلاجة مثلا ساعة
    حتى يتحيد منو التراب و الرواسب
    و فنفس الوقت الحامض كيقتل الطفيليات
    و كيحافظ على لون الخرشف باش ميتاكسد و يولي لونو بني بدل الاخضر

    ثم كنصفيوه و نعاودو نشللوه بالماء
    و نديروه يتسلق مع شوية ملح او يتبخر
    انا هنا بخرتو باش يحافظ على مذاقو و طراوتو



    بعدها كنتبلو الكفتة
    بالربيع مشلض، ملعقة كامون، راس ملعقة تحميرة، راس ملعقة ابزار، ملح
    ممكن ديرو التوابل للي كتفضلو
    انا درتها توابل عادية باش متغلبش على طعم الخرشف




    و كنحربلو الكفتة على شكل صبيعات





    و كنعمرو بيها صبيعات الخرشف للي وجدنا




    ممكن ديرو الكفتة بين 2 صباع خرشف يعني تسدو عليها



    و تولي 3 طبقات طبقة خرشوف طبقة كفتة ثم طبقة خرشوف
    انا خليتها طبقة وحدة



    و بديت كنستف الصبيعات المعمرين فمول كيدخل للفرن



    بعدها دهنتها بشوية زبدة





    و دخلتها تتحمر فالفران














    التقديم :




    قدمتو سخون






    و طار هههههه






    راجلي عجبو بزاف مع انو معندوش بزاف مع الخرشوف
    و حتى ريان للي مكياكلش الخرشف كلا منو







    ملاحظة:

    و طبعا ممكن تنقيو الخرشف و تنظفوه بالطريقة للي ذكرت الماء و عصير الحامض

    و لو كنتو عتحفظوه فالثلاجة قبل الطبخ قطروه من خليط الماء و الحامض
    و ديروه فميكات بلا متشللوه باش يبقى محافظ على لونو فالثلاجة لحين وقت الطبخ



    و ان شاء الله نحط ليكم طرق اخرى لطبخ و تقديم الخرشف

    طرق كثيرة كيجي بيها لذيذ
    و تنوعو منو محد موسم الخرشوف باقي







    ان شاء الله تعجبكم طريقتي و تفيدكم










    اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد



    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال



    الله يرزقنا و إياكم خيرات الدارين و لا يحرمنا من طيبات الجنة و نعيمها



    دمتن في رعاية الكريم



    اختكن أمنــار



    أم ريـَّــان



    وعليكم السلام ورحمة الله وبركاته












    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    الله يعطيك الصحة ألالا ما عندي ما يسالك
    اول مرة نشوف هاد الطريقة و عاد خلاص انا كنموت على الخرشوفا اكييييييد تعجبني
    ما يكون عندك باس

    تعليق


    • #3
      تبارك الله عليك انا راه كيحمقني لخرشف اطلبت لواليدة تخبيه ليا مني نجي لمغرب راني كنموت شفتو في صورة اجاتني لبكية ههههههه عقلي صغير

      تعليق


      • #4
        الله اشافيك راني نسيت

        تعليق


        • #5
          طريقة جديدة واكيد مشهيةحيت انا معنديش مع الخروف ولكن هده الطريقة عجباتني واكيد غادي نجربها ان شاء الله
          وتبارك الله عليك وعلى اطباقك

          تعليق


          • #6
            الله ييسر لكي اختي

            تعليق


            • #7
              خرشوف ممممممم كيحمقني صافي راكي مني كلتيه غتشافاي ان شاء الله ههههه
              اختي هاداك مول بان لي بحالو فالسوق واش كيدخل الفران




              اللهم احفض لي بنتاي و اجعلهما من الصالحات و بارك اللهم لي فيهما و اجعلهما من الشاكرات

              و تبت لي حملي وارزقني ولدا صالحا سليما معافى




              تعليق


              • #8


                تعليق


                • #9
                  وعليكم السلام ورحمة الله وبركاته

                  بارك الله بكن حبيباتي

                  نورتو الصفحات

                  الف شكر على الردود

                  كل باسمها



                  و يجزاكم عني خيرات الدارين
                  على الدعوات الطيبة يا طيبات


                  ان غبت عنكم
                  و ساغيب في يوم من الايام
                  فاتمنى من العلي القدير
                  ان يكون لي نصيب خير بما خطته يدي
                  يصلني بدعائكم لي
                  اينما كنت فوق الارض او تحتها


                  أمنارAmanarre
                  أم ريان و كاميليا
















                  فهرس اطباقي المصورة (متجدد ان شاء الله)




                  ترقبن جديد وصفاتي المصورة بإذن الله



                  تعليق


                  • #10
                    بسم الله الرحمان الرحيم،
                    السلام عليكم ورحمة الله تعالى و بركاته،
                    الله يعطيك الصحة و تبارك الله عليك

                    اللهم إني أستغفرك من كل ذنب تبت إليك منه ثم عدت فيه وأستغفرك من كل عمل أردت به وجهك الكريم فخالطني فيه غيرك وأستغفرك من كل نعمة أنعمت بها على فاستعنت بها علي معصيتك وأستغفرك يا عالم الغيب والشهادة من كل ذنب أتيته في ضياء النهار أو سواد الليل في ملأ أو خلاء أو سر أو علانية يا أرحم الراحمين .. اللهم أمين يارب العالمين.



                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X