إعـــــــلان

تقليص
لا يوجد إعلان حتى الآن.

الكتف معسل و محمر و مخضر بالفواكه و المكسرات بالصور من كوزينتي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الكتف معسل و محمر و مخضر بالفواكه و المكسرات بالصور من كوزينتي


    03/07/2010
    مغربية و افتخر






    السلام عليكم ورحمة الله وبركاتة







    حبيباتي سبق و حطيت ليكم طاجين الدجاج معسل و محمر و مخضر بطريقتي




    طاجين الدجاج معسل و مخضر بطريقتي و بالمراحل المصورة



    و كنت قلت ليكم كل مرة باش كنحضرو دجاج، كوكلي، سمان، حمام او حتى لحم او حوت
    و كل مرة باش كنخضرو:
    تفاح ، بعويد، اناناس، مشماش ، خوخ ، بنان ، شهدية...
    طري او معلب فواكه جافة حسب المتوفر

    لكن طريقة الطبخ و التحضير كتبقى وحدة






    هاذ المرة غنوريكم طريقة لتقديم الكتف او اي جزء كتفضلو من الغنمي او العجل
    معسل و محمر و مخضر بالفواكه و الفواكه الجافة او المكسرات
    و كيجي غزال و بنيييييييين
    و طبعا كيف العادة تحضيرو سهل
    و كيحمر الوجه قدام الضياف
    ان شاء الله تعجبك طريقتي و تكون اضافة جديدة و مفيدة لاطباقكم










    نخليكم مع المقادير:

    كتف عجل او غنم (الكمية حسب عدد الاشخاص)

    2 بصلات من الحجم الكبير بيضين مشلضين
    2 فصوص كبيرة ثوم مهروس او مدقوق
    او ثوم يابس ان توفر يكون احسن
    1ملعقة كبيرة كامون
    1ملعقة صغيرة عطرية الدجاج (مروزية)
    راس ملعقة صغيرة عطرية اللحم (مساخن او راس الحانوت)
    1 ملعقة صغيرة خرقوم
    شعيرات زعفران
    نصف ملعقة صغيرة سمن بلدي
    15 حبة قاعقلا صاينة
    5 حبان بسيبيسة صاينة
    ملعقة وريقات نويويرة صاينين
    ملح
    2 معالق زيت
    ملعقة صغيرة بودرة الفنيلا
    ملعقة كبيرة سكر


    للتعسيل و التحمير :


    ملعقة فانيلا غبرة افضل من السكر الفاني
    2 معالق زبدة
    راس ملعقة قرفة


    للتخضير:

    انا خضرة بالتفاح حجم كبير طري
    هو للي كان متوفر عندي
    و المشماش يابس و الڭرڭاع و اللوز مهرمش و الزنجلان









    الطريقة:

    اولا كنغسلو الكتف ديالنا و نقصو منو الزوائد بحال الجلد او العصب الزائد
    الى كنتو مزروبات بيه او جاوكم الضياف على غفلة كيف وقع لي من الافضل تقطعو الكتف الى اجزاء باش يطيب بسرعة و يوجد بالخف و لو كان الناس عالمينكم بقدومهم على تيساع فخليوه صاين و حصروه من قبل و خليوه يتخمر فالشرمولة


    عادة كنخمرو و نبيتو فالثلاجة ليلة كاملة عاد نطيبو الغد ليه
    او ندخلو مشرمل للكونجيلاتور لحين نحتاجو
    لكن هنا الضياف علموني بقدومهم 4 ساعات فقط قبل ميدخلو
    يعني مكانش عندي الوقت فاختصرت وقت التخمير و التشرميل
    و طيبتو بالخف


    التحضير الشمولة كناخذ إناء كندير فيه فصوص كبيرة ثوم مهروس او مدقوق او ثوم يابس ان توفر يكون احسن
    1ملعقة كبيرة كامون + 1ملعقة صغيرة عطرية الدجاج (مروزية)
    راس ملعقة صغيرة عطرية اللحم (مساخن او راس الحانوت) + 1 ملعقة صغيرة خرقوم
    شعيرات زعفران + نصف ملعقة صغيرة سمن بلدي
    15 حبة قاعقلا صاينة + 5 حبان بسيبيسة صاينة
    ملعقة وريقات نويويرة صاينين + ملح







    كنضيف للكل قياس نصف كاس صغير ماء و كندق الكل باش تتجانس النكهات و تذوب فبعضها مزيان

    ثم كنشد الكتف كندهنو مزيان بهاد الخليط و نحكو مزيان باش يتشربو



    كيف قلت باش نختاصر وقت الطياب قطعتو

    ثم ضفت للشرمولة البصل المشلض و عملت الكل فطنجرة الضغط و خليتو يتشحر شوية مع 2 معالق زيت



    و اعيد لو مكنتش مزروبة راه كنخليها تتخمر و تشرب النكهات ليلة كاملة فالثلاجة
    باش كتزيد تبنان اللحم و لو كنت مزروبة فكنديرها الطيب نيشان



    بعد مكيتشحر كنضيف ليه قياس الماء الكافي فاش يطيب اللحم و كنسد عليه حتى ينضج




    بعد مكيطيب اللحم كنعزلو على المرقة













    و كنخليه ينشف من المرقة






    و كنوجد الخليط باش غنحمرو
    و هو :

    ملعقة فانيلا غبرة افضل من السكر الفاني
    2 معالق زبدة
    راس ملعقة قرفة





    كنخلطهم مزيان


    و كندهن بيهم اللحم من كل الجهات



    و كندخلهم للفرن يتحمرو





    و كنبدا فتحضير التخضيرة


    هاد المرة خضرة بالتفاح طري و المشماش يابس و الڭرڭاع و اللوز محمر و مهرمش و الزنجلان،
    ممكن تخضرو بالانناس طري او معلب او يابس او بالبعويد او البنان او الخوخ معلب او زبيب...
    او اي شي عندكم
    انا مكانش عندي المعلب فقضيت بالطازج احسن

    خذيت التفاح غسلتو و نقيتو مزيان



    و قطعتو ترونشات و حيدت ليه الزريعة
    و درتو فكسرونة مع بودرة عصير الاناناس و عصير التفاح



    باش يكتسب مذاق اقوى و يتعسل



    و مع فنجان صغير ماء




    و عملتو فوق عافية مهيلة



    باش يتعسل و يتشرب نكهة الاناناس

    و زينت المشماش اليابس بعد مغسلتو و نشفتو بالڭرڭاع




    اما المرق للي بقى خليتو تشحر شوية



    حتى تبخر الماء الزائد و وقف و عقاد


    ثم ضفت ليه اللوز و كاوكاو و الزنجلان و ملعقة صغيرة بودرة الفنيلا و ملعقة كبيرة سكر
    لو مانت كمية المرق و اللحم اقل ديرو غير ملعقة صغيرة باش ميجيش حلو بزااف




    و خليتهم يتشربو البنة



    ملي كيقرب و قت التقديم و كتكون اللحم تحمرات

    كنوجدو صحن التقديم اما طاجين او غيرو



    من الافضل تكونو دخلتوه للفران يشد الدفا لان اللحم كتبغي تتقدم فطبق ساخن


    كنمرقو الطبق

    ثم كنستفو اللحم




    ثم كنستفو قطع التفاح و فوقها المشماش اليابس المزين بالڭرڭاع


    و نرشو الكل باللوز مهرمش و الزنجلان













    التقديم :




    قدمتو بعد السلطات






    (غنحطهم ليكم فقسم السلطات)






    مع خبيزات ديال الدار




    (حتى هما غنحطهم ليكم فقسم المعجنات )


    مرفق بعصير التفاح بالحليب و الڭرڭاع



    و فالاخير الديسير قدمتو على شكل ڤيرين



    كنسميها نخلة الفواكه بثلج الكوكو هههه

    ان شاء الله نحطها ايضا

    الى طول ربي العمر

    عندي كثير منحط و مكرهت نحط كلشي بدقة للافادة
    لكن للاسف الوقت للي قليل
    و المواضيع كتبغي الوقت للتنسيق و للكتبة بالتفصيل
    راه هاد الموضوع كنكتب فيه من 11 ديال الصباح
    كل معندي شي وقيت كنكتب شوية
    و نمشي نقضي شغالي ههههه
    و عاد كملتو بعون الله يعيني ديرو الحساب
    شحال من ساعة و البيسي شاعل كايتسناني نكمل خخخخخ

    فدعيو معايا ربي يبارك لي فوقتي فالخير و بالخير



    و عذروني على الصور بعض المراحل مصورتهاش مع السرعة و ضيق الوقت








    ملاحظة:


    كلما تخمر اللحم فالشرمولة كلما كان الذ
    هذا ينطبق على كل اللحوم (دجاج ،لحم، سمك...)
    فمن الافضل تحضرو اللحم قبل بليلة فالشرمولة
    و تخليوها تتشرب التوابل فالثلاجة مع البصل
    عاد تنصبوها او طيبوها فاليوم الموالي

    او تخمروها و تدخلوها للكونجيلاتور
    باش وقتما جاوكم ضياف على غفلة تلقاوها واجدة و تختاصرو الوقت



    للإشارة الزبدة كذوب و كتبقى فطاوة التحمير يعني اللحم مكيجيش عامر بليدام

    اما بالنسبة للمذاق الحلو فممكن تستغناو عليه لو كنتو غتقدموه لاشخاص عاملين رجيم او مرضي سكري

    يعني بدل مديروه معسل و محمر ديروه غير محمر
    و ايضا درجة الحلاوة انتم تختاروها انا كنعملو حلو غير شوية
    لو بغيتوه يجي حلو و معسل اكثر زيدو السكر او السكر الفاني



    ان شاء الله يعجبكم هاد الطبق
    وصدقوني للي ذاقو عندكم غيبغي يعرف الطريقة


    و كنديرها حتى للدجاج و الحوت بنفس الطريقة غير كيتغيرو شوية العطرية
    اضافة الى العطرية المعتادة (ملح ابزار خرقوم سكنجبير كامون قاعقلة بسيبيسة نويويرة )
    للدجاج كنضيف عطرية الدجاج "مروزية"
    و للحم كنضيف شوية المساخن
    و للحوت كنضيف شوية من التوابل الاربعة

    راه هادي من وصفاتي السرية للضيافة هههههه
    لكن حتى شي منخبيه او نبخل بيه عليكم الحبيبات






    و نتمنى متبخلو عليا بدعواتكم الطيبة
    لاني فأمس الحاجة ليها





    اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

    الله يرزقنا و إياكم خيرات الدارين و لا يحرمنا من طيبات الجنة و نعيمها

    دمتن في رعاية الكريم

    اختكن أمنــار

    أم ريـَّــان

    وعليكم السلام ورحمة الله وبركاته










    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    امممممممممممممم
    هدشي عندك غزال بزاااااف و تيشهي بزااااااف
    الله يعطيك الصحة
    و بصحتكم العراضة
    [frame="2 98"]
    اللهم اغفر لوالدتي وارحمها واعف عنها
    واكرم نزلها ووسَع مُدخلهاا واغسلها بالماء والثلجِ والبْردِ
    ونَقّهِا من الذنوب كما ينقى الثوب الابيض من الدنس،
    وارحمنا إذا صرنا إلى ما صارت إليه وجازها بالحسنات إحسانا
    وبالسيئات عفوا وغفرانا وافتح أبواب السماء لروحها برحمتك
    يا أرحم الراحمين.
    [/frame]


    تعليق


    • #3
      المشاركة الأصلية بواسطة مغربية و افتخر مشاهدة المشاركة
      امممممممممممممم
      هدشي عندك غزال بزاااااف و تيشهي بزااااااف
      الله يعطيك الصحة
      و بصحتكم العراضة
      الله يثبت مقامك فالجنة احبيبة

      ماشي عراضة الزين
      هادو ضياف الغفلة ههههه

      الله يعطيك الصحة و الراحة
      و يرزقك طيبات الجنة و نعيمها


      ان غبت عنكم
      و ساغيب في يوم من الايام
      فاتمنى من العلي القدير
      ان يكون لي نصيب خير بما خطته يدي
      يصلني بدعائكم لي
      اينما كنت فوق الارض او تحتها


      أمنارAmanarre
      أم ريان و كاميليا
















      فهرس اطباقي المصورة (متجدد ان شاء الله)




      ترقبن جديد وصفاتي المصورة بإذن الله



      تعليق


      • #4
        تبارك الله عليك اختي ريوكي ساااااااالو جاب الله مكانتوحمش ههههههههه انا كانقول اللي موحمة بلا ماتدخل ههههههه الله يعطيك الصحة ويجازيك عنا كل خير حبيبتي


        تعليق


        • #5
          تبارك الله عليك أختي أمنار
          الله يحفظك ويسر أمورك ودير البركة في وقتك

          تعليق


          • #6
            تبارك الله عليك سعدات ضيافك

            الله يعطيك متمنيتي
            sigpic

            ma petite loulou

            تعليق


            • #7
              اختي امنار الله يجازيك عنا خير الدارين
              ويبارك لنا وليك فالوقت ويجعلنا ممن يحسنون شكر النعم
              sigpic]اللهم استرنا فوق الارض واسترنا تحت الارض واسترنا يوم العرض

              تعليق


              • #8
                تبارك الله عليك اختي


                تعليق


                • #9
                  و عليكم السلام ورحمة الله وبركاته

                  بارك الله بكن حبيباتي

                  نورتو الصفحات

                  الف شكر على الردود

                  كل باسمها



                  و يجزاكم عني خيرات الدارين
                  على الدعوات الطيبة يا طيبات


                  ان غبت عنكم
                  و ساغيب في يوم من الايام
                  فاتمنى من العلي القدير
                  ان يكون لي نصيب خير بما خطته يدي
                  يصلني بدعائكم لي
                  اينما كنت فوق الارض او تحتها


                  أمنارAmanarre
                  أم ريان و كاميليا
















                  فهرس اطباقي المصورة (متجدد ان شاء الله)




                  ترقبن جديد وصفاتي المصورة بإذن الله



                  تعليق


                  • #10
                    هادشي عندك رائع اختي تبارك الله عليكجازاك الله خير الجزاء واقر عينيك بعائلتك وحقق لك ماتتمنينه

                    تعليق


                    • #11


                      ان غبت عنكم
                      و ساغيب في يوم من الايام
                      فاتمنى من العلي القدير
                      ان يكون لي نصيب خير بما خطته يدي
                      يصلني بدعائكم لي
                      اينما كنت فوق الارض او تحتها


                      أمنارAmanarre
                      أم ريان و كاميليا
















                      فهرس اطباقي المصورة (متجدد ان شاء الله)




                      ترقبن جديد وصفاتي المصورة بإذن الله



                      تعليق


                      • #12
                        تبارك الله عليك اختي

                        تعليق


                        • #13
                          و عليكم السلام ورحمة الله وبركاته

                          بارك الله بكن حبيباتي

                          نورتو الصفحات

                          الف شكر على الردود

                          كل باسمها



                          و يجزاكم عني خيرات الدارين
                          على الدعوات الطيبة يا طيبات


                          ان غبت عنكم
                          و ساغيب في يوم من الايام
                          فاتمنى من العلي القدير
                          ان يكون لي نصيب خير بما خطته يدي
                          يصلني بدعائكم لي
                          اينما كنت فوق الارض او تحتها


                          أمنارAmanarre
                          أم ريان و كاميليا
















                          فهرس اطباقي المصورة (متجدد ان شاء الله)




                          ترقبن جديد وصفاتي المصورة بإذن الله



                          تعليق


                          • #14
                            السلام عليكم ورحمة الله وبركاته تبارك الله عليك و ماشاءالله
                            http://http://www.anaqamaghribia.com...d.php?t=418650sigpichttp://http://www.anaqamaghribia.com...ine=1417424800

                            تعليق


                            • #15
                              تبارك الله عليك هادشي زوين بزاف و باين فيه لديد الله يعطيك الصحة

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X