وصفات طبخ اقتصادية لا تتعدى 30 درهم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وصفات طبخ اقتصادية لا تتعدى 30 درهم

    اخواتي المشرفات و العضوات
    السلام عليكن ورحمة الله وبركاته
    كيف دايرين ومع هاد القطرات الاولى لفصل الخريف
    نتمنى تكونو بخير وعلى خير


    اليوم قررت باش نفتحو ملف خاص على الاقتصاد المالي طبعا
    اي اننا نحاولو مع بعضنا البعض نحطو وصفات لي مايكونش ثمنها يتعدى 30 درهم ونحاولو كل واحدة فينا تعطينا غديوة زوينة لي يمكن كل واحدة فينا تطبقها
    وهكدا نكونو متعاونات على الزمان وشعارنا لا للتبدير اي نكونو عيالات لي يتعول عليهم فالمصروف الى جانب الحداكة

    انا اخواتي غادي نبدا ونتمنى على الله هاد الملف تشاركوني فيه وتكونو كثر حتى تكون فيه الوصفات كثيرة وتكون ان شاء الله مرجع للاخوات لي عاد بداو فالزواج ومازال ماعرفين كيف يديرو مع التدبير اليومي لمصروف البيت

    يا الله على بركة الله نبداو

    30 درهم هانا خارجة نتقدى وهازة قفيفتي
    ندوز عند مول التقلية ناخد واحد نصف كيلو حيث هي غالبية الاوقات ماكتفوتش 30 درهم نيت ادن بقات لي 15 درهم
    ندوز ندير 2 خيزو و2 خيار وخصة وفكوسة و2 مطيشات وواحد سيترونة هادشي كله اكيد مايتعداش 15 درهم
    نرجع لداري نغسل التقلية ونطيبها بالثوم والابزار وسكين جبير وتحميرة و الخرقوم وطماطم الحك ولمصير ونضيف زويت بلدية باش تجيني بنينة الى عندي من قبل الحمص فازك يكون احسن نزيدو حتى هو ونروي ونخليها تطيب
    ناخد الخصة مع الطماطم و الخيزو نغسلهم ونقطع الخص صغير مع طماطم وخيزو نحكو طويل ونخليه على جانب
    ناخد الخيار مع الفكوسة و السيترونة نغسلهم ونحك السيترونة بالحكاكة الغليضة وندوزها من مولينكس مع شوية دالماء ونزيد عليها الخيار والفكوس ونضيف ليهم جهد لتر من الماء والسكر نخليهم شوية عاد نصفيهم ونضيف ليهم واحد لفانية نخويهم فالقرعة دالعصير
    الغديوة طابت وختارت نقدمها فصحن زوين
    و نقدم الخيار وفوقو الطماطم الخص كيف العادة كنديرو ليه خل وابزار وزيت و ملح وفوسط الطبسيل نحط الخيزو المحكوك لي غادي نكون ضفنا ليه شوية دالحامض مع السكر والقليل من الابزار
    نحاولو نديرو طبيسلات فردية
    ونحطو القريعة ديال العصير الى جانبهم وبالصحة والراحة



    كنتمنى من الاخوات يتفاعلو مع هاد الفكرة ويشاركوني بوصفات ساهلة وغير مكلفة
    يا الله الحادكات كنتسنى مشاركتكم
    sigpic

  • #2
    تبارك الله عليك والله ايلا ضحكتيني الله ييسر امورك

    تعليق


    • #3
      شكرا اختي ام يونس وكنت نتمنى تشاركيني فالفكرة
      يا الله يا الاخوات مكايناش لي بغات تحط شي وصفة اقتصادية اوا ما تقولوش ليا انكم ماعرفينش اكيد لا والف لا راه المغربيات حادكات تبارك الله
      كنتسنى مشاركتكم
      sigpic

      تعليق


      • #4
        تبارك الله عليك
        http://tickers.doctissimo.fr/get_tic...uttexte=khalil [http://www.anaqamaghribia.com/vb/ima...ine=1330975154sigpic

        تعليق


        • #5
          تبارك الله عليك ياللا
          هانتين نزيدك وصفة اقتصادية اخرى

          2 دنجالات + 2 بطاطات + 2 مطيشات + 10 د كفتة ديال بيبي
          نقلي الدنجال و نصلق البطاطا و نقلي مطيشة صوص و نجيب الكفتة نشحرها مع ليقامة و تويمة وشي ربع بصيلة هادي مهانشريوهاش هاتكون كاينة فالدار هههه ايوا و نجيب المول و نستف الدنجال فوقو البطاطا و نفرتت الكفتة و نخوي الصوص و نرش ب 3 دراهم فروماج محكوك و ندخل للفران و هادي واخا بلا بيشاميل كتجي بنينة

          ندوزوا للديسير
          ناخد نصف لتر حليب + فلان فاني + بيسكوي هنريس او ماري + بنانا او خوخة او اي ديسير واجد فالبيت

          نصايب الفلان عادي و نجيب شي مول نستف فيه طبقة من البيسكوي مهرمش كبير و نستف فوق منه طبقة ديال الديسير اللي عندنا مقطع و نخوي الفلون لحد الطبقة اللي وصلنا و نعاودوا نفس الشي طبقة طبقة لحد ما نساليوا كلشي و نعملوه يبرد و ها الديسير واجد و كيجي فن فالمداق و المنظر

          ايوا ها الغديوة واجدة و رخيصة وماتفوتيش فيها 40 درهم.













          مايا 04 سابقا

          تعليق


          • #6
            شكرا اختي مايا كثير على المشاركة
            كنتمنى من الاخوات يدخلو ويشاركونا بوصفات
            نحن لا نزال ننتظر
            وهي دعوة لامهات المنتدى المشرفات ام الصالحين الخالة نجات وكل كل كل الامهات ويسمحو ليا الى مادكرتهومش بالاسم
            وكل بنات اناقة مغربية ومانساش الاعضاء الجدد والقدامى
            كلكم مرحبا بيكم معايا فهدا الموضوع
            sigpic

            تعليق


            • #7
              الله يبارك فيك اختي غرباوية
              ومتبخليش علينا بالمشاركة ديالك
              sigpic

              تعليق


              • #8

                طجين كويرات الكفته بالأرز

                طجين : 10 درهم ديال الكفتة ديال بيبي و 2 دراهم ديال الأرز 2 ماطيشات 1 بصلة 1 فلفلة حارة
                العصير : 2جيزوات 1 فاني 1 خوخة 1 tang
                نكيمو الكفتة : بصلة محكوكة شويا ديال الربيع الكمون الملحة التحميرة وهاهي وجدات
                نسلقو الأرز ونظيفوه للكفتة ونعملو كويرات كبار
                في طجين نجكو مطيشة ونزيدو عليها ملحة و ربيع وماطيشة المعجونة و شويا ديال الزيت و تقريبا كأس صغير ديال الماء نظيفو كويرات الكفتة ونحطو الفلفلة من الفوقو نردوه يطيب
                في خلاط الكهربائي نديرو لتر ماء و تانج و جيرو بعد مانكونو قشرناه وحيدنا له القلب نظيفو خنيشة الفاني وها العصير واجد
                و بالصحة و الراحة
                و تنظن غيشيط لينا شي صريف هههههه
                رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

                تعليق


                • #9
                  فكرة زوينة اختي الله يعطيك الصحة
                  اتمنى ان تعطيوا شي وصفات اقتصادية للمرأة الموظفة التي تتغذى في العمل
                  (غذاء خفيف غني صحي والاهم اقتصادي ويصبر من الصباح حتى وقت الغذاء)
                  شكرا



                  sigpic

                  تعليق


                  • #10
                    سلام عليكم سيرو الله يعطيكم صحة و راحة صراحة محتاجين لهاد لموضوع شكرا بزاف أنا نعطيكم وصفة ديال كيك كيجي زوين بيزافففففففف و سهل و إقتصادي
                    كأس عنبة زيت كاس سنيدة كاس حليب 2 بيضات 2 خمارة 2 معالق كاكاو 2 sablé كبار ديال خمسين ريال نخلط كلشي ف مولينكس ندهن لموول بزبدة نرش ف طحين و ديره ف لفرن نخرجه و نزيوقوو ب لي موجود و بصحة و راحة إوا اشنو رايكم

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X