إعـــــــلان

تقليص
لا يوجد إعلان حتى الآن.

المروزية ديال العيد

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • المروزية ديال العيد

    الكل كيعرف بان المروزية ضروري منصايبوها حنا المغاربة و خصوصا في العيد الكبير المهم فكرت باش نوريكم طريقتي المتواضعة مع انها معروفة عن السيدات المغربيات و هدي الطريقة اللي كنستعملها دائما .

    المهم كنحتاجو كيلو و نص ديال اللحم
    300 ديال الزبيب
    200 غ ديال اللوز
    2 بصلات كبار مشلضين
    ملعقة ديال أس الحانوت و هدي لابد لينا منها فالمروزية
    شوية ديال الملح
    ملعقة ديال الإبزار
    ملعقة ديال سكينجبير
    معلقة ديال الزعفران
    شوية ديال لزعفران شعرة
    ملعقة ديال القرفة
    200غ ديال الزبدة
    مغرفة عسل

    الطريقة:

    نقطعو اللحم قطع متوازنة و نغسلوه و نسقطروه
    نخلطورأس الحانوت بسكين جبير و الزعفران والإبزاربشوية ديال من الماء ناخدونصف الخليط وندهنو بيه اللحم و نخليوهم يشربو واحد الشوية و نوضعو القطيعات ديال اللحم واحدة بواحدة فالكوكوط و نضيفو الملح نزيدو ليها الزبدة و اللوز مقشر و البصل مشلض .
    نغطيوها بالماء و نخليوها طيب و مرة مرة نحركوها
    كنقيو الزبيب ونشلوه و نخليوه يفزك واحد الشوية و النصف الثاني من الخليط لي خليناه
    و منين يقرب اللحم يطيب ، نزيدو عليه العسل و الزبيب و القرفة، نحيدو الكوكوط من العافية منبعد متكون المرقو ولات خاترة ، نوضعوه فطبسيل ديال التقديم نقادو فيه اللحم و ندردرو عليها اللوز والزبيب. و نكبوا المريقة الخاترة المعسلة و بالصحة و الراحة .

  • #2
    شكرا اختي على هاد المقادير كنت محتاجة ليها والله راني نقلت المقادير غير بغيت نسولك الله يجازيك بالخير المعلقة الي كتقيسي بيها ليقامة واش صغيرة ولا كبيرة ردي علي عافاك وشكرا مرة تانية

    تعليق


    • #3
      المشاركة الأصلية بواسطة جميلة طنجة مشاهدة المشاركة
      شكرا اختي على هاد المقادير كنت محتاجة ليها والله راني نقلت المقادير غير بغيت نسولك الله يجازيك بالخير المعلقة الي كتقيسي بيها ليقامة واش صغيرة ولا كبيرة ردي علي عافاك وشكرا مرة تانية
      على الراس و العين اختي كديري يا الحبيبة معلقة صغيرة ماشي كبيرة و نتي عينك ميزانك .

      تعليق


      • #4
        tbarkallah 3lik w3la lwassfa
        sigpic

        تعليق


        • #5
          تبارك الله عليك chokran

          تعليق

          المتواجدون الآن 1. الأعضاء 0 والزوار 1.

          أكبر تواجد بالمنتدى كان 2,525, 26-09-2016 الساعة 21:58.

          يعمل...
          X