إعـــــــلان

تقليص
لا يوجد إعلان حتى الآن.

طبق الطنجية من قلب مراكش دخلو وو بسرعة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طبق الطنجية من قلب مراكش دخلو وو بسرعة

    السلام عليكن اخواتي تنهدي ليكم هده الوصفة طنجية الكوكوت بحالها بحال طنجية الفرناتشي ومقاديرها وطريقتها كالتالي
    2 كيلو لحم بقري من الاحسن يكون ديال الملج باش تكون الطنجية معلكة
    راس ديال الثومة كامل منقي ومقطع (المراكشيين القدام تيعملو الثومة بلا تقطاع ولكن ديال الفرناتشي)
    كاس مخلط زيت الزيتون والرومية
    2م ك كمون بلدي
    م ك سمن
    مصيرة ونصف منزوعة اللب ونزيدو كل ما زدنا اللحم
    شوية الملح من الاحسن ما نعملوهاش من الاول حتى نتذوقوا حيت عملنا السمن والمصير مالحين
    الزعفران ديال الباكية
    الزعفران شعرة ( اختياري )اللي ماتيضرش يعملو
    كاس عنبة عامر بالماء
    نعملو لقوام كامل في الكوكوت ونخلطو مزيان باليد حتى تتاكدي من ان كلشي تخلط مزيان ونكبوا كاس ديال الماء من الجنب باش تبقى العطرية فوق اللحم ثم نسدو الكوكوت مزيان ونجهدو عليها البوطا حتى تصفر الكوكوت عاد نقصو عليها مزيان ومرة مرة نحركو الكوكوت غير من برة بلا ما نحلو عليها حتى تمر ساعة ونصف عليها عاد نشوف الى طابت اللحم وباقي المرق فيها كثير ناخذو كاسرونة ونكبو فيها المرق ونعملوه فوق البوطا حتى يتقال ويتعسل ونكبوه فوق اللحم ونزير عليه الكوكوت حتى لموعد التقديم باش ديك الحرارة تحمر لينا اللحم.
    عندنا في مراكش ملي تتكون الطنجية عاملينها في الفرناتشي بالكدرة ديالها ملي تنبيو نقدموها تناخدو الطبسيل اللي بينا نحطو قدام الناس اللي بياكلوها ونحلوها ونكبوها قدامهم كعادة مشاو عليها الناس باش تبقى سخونة حتى يكلوها ولكن مع الكوكوت من الاحسن نقدموها في الطبسيل من الكوزينا
    وبالصحة والراحة

  • #2
    مشكورة أختي على الوصفة،بارك الله فيك

    تعليق


    • #3
      الله يبارك فيك اختي بنت بلادي

      تعليق


      • #4
        تبارك الله عليك أم منال عزيزة عليا الطنجية و كان دارها ليا خالي مشيت لعندو لمراكش و جات غزالة ، هاد المرة نجي عندك و ناكلها ههههه
        اللهم إجعل والدي ممن تقول له النار اعبر فان نورك أطفأ ناري














        تعليق


        • #5
          tbarkallah 3alik bayna ldida allah ya3tik assaha

          تعليق


          • #6
            الله يبارك فيكم اخواتي الكريمات mariam11وwouroud تنتمنى تجربوها وتعجبكم فعلا تتجي رائعة ومرحبا بك في مراكش اختي مريم

            تعليق


            • #7
              تبارك الله على بنت مدينتي


              تعليق


              • #8
                مشكووورة اختي بشرى ام رانيا

                تعليق


                • #9
                  tbarklah 3lik

                  تعليق


                  • #10
                    اللله يعطيك الصحة اختي


                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X