الروز بالليمون

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الروز بالليمون

    بسم الله الرحمن الرحيم
    لاحظت في منتدانا الغالي ان الارز ماواخدش حقوا من وصفات اخواتي العضوات وقلت نقدم ليكم هاد الاكلة ونتمنى تعجبكم ممكن نعملوها باللحم ولا بالدجاج لكن اللحم تيكون احسن
    لحم غنمي مقطع متوسط بالعظم
    الروز الاصفر مغسول جيدا
    واحد مطيشة مقطعة صغيرة
    ملعقة كبيرة مركز الطماطم
    بصلة متوسطة مشلظة صغير
    2 فصوص الثوم
    ليمونة وحدة مقطعة دوائر
    قليل من قشرة الليمون مقطقة صغيرة ناخدها من نفس الليمونة
    عود قرفة
    ملعقة صغيرة كمون
    ملعقة صغيرة ابزار
    ملعقة صغيرة سكنجبيرمن الاحسن يكون اخضر
    ربع ملعقة قرفة
    6 حبات الهيل(قعقلة)
    6 حبات قرنفل
    ورقة سيدنا موسى
    3حبات قرنفل وهيل مطحونين
    ملح حسب الدوق


    الطريقة

    نقليو البصلة والثومة مع الزيت حتى تدبال نزيدوا عليها مطيشة والتوابل كلها ومركز مطيشة تم قطع اللحم لما يتشحر زيدواقشرة الليمون الماء الكافي باش يطيب اللحم ونخلية حتى يطيب .
    في نفس الوقت نصفيو الروز من الما ونعملوه في كسرونة فيها شوية زيت ونشفوه فيها 5 دقائق مع التحراك ونزيدو عليه ضعفه ما غليان وشوية عصير الحامض باش ميتلصقش مانخليوهش حتى يطيب .
    مني يطيب اللحم نخليو شوية المرقة قدر كاس كبيرنضيفو دوائر الليمون ونحطو فوقهم الروز. المرقة مخصهاش تطلع فوق الروز ونسدوا على الطنجره لازم النار تكون مهيلة باش ميتحرقش الروز وبين الطنجرة والغطا نعملو توب نقي باش ماينزلش الما ديال البخار ويعجن الروز لما يطيب نسقية بشوية الما فيه الزعفران الحر من الفوق. الروز كيولي فيه 3الالوان صفر وبيض وحمر مني نبغيو نغرفوه نهزو من الفوق الروز الملون ومن بعد اللحم ونرميو قطع البرتقال ورقة س.م وحبات الهيل والقرنفل حيت حارين وبالصحة والراحة ونتمنا تجربوها وتردو عليا الخبار الى عجبتكم نزيدكم وصفات اخرى
    sigpic

  • #2
    السلام عليكم ورحمة الله وبركاته
    بارك الله فيك .

    تعليق


    • #3
      اوا معجبتكمش اكلتي؟ ولا تتعجبوا الروز بالليمون.؟ :mad:تتقولو اش كتخربق هدي. نأكد ليكم لما تجهزوه غادي توصل ريحتو للجيران غير ديرو حسابهم.
      sigpic

      تعليق


      • #4
        شـكــ وبارك الله فيك ـــرا لك ... لك مني أجمل تحية .

        تعليق


        • #5
          عطاك الله الصحة انا راجلي كيحماق على اطباق الارز
          اونتمني تزيدي تحفيناباطباق الارز الشهية وشكرا

          تعليق


          • #6
            مشكورة على الوفة وخى جاتني شوية غريبة ولكن متأكدة من مهارتك في مطبخ

            تعليق


            • #7
              [IMG]http://www.**********/up/images/oonot8bishipf5kdlabx.gif[/IMG]

              تعليق


              • #8
                تبركالله عليك أختي
                sigpic

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                شاركي الموضوع

                تقليص

                يعمل...
                X