الطجين بلا ما .....من كثرة الحداكة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الطجين بلا ما .....من كثرة الحداكة

    انا اليوم غانعطيكم طريقة جداتي وجداتكم
    زعما دوك الحادكات القدامات

    الطريقة خاصة بتحضير الطويجنات

    ولكن طريقة الطجين بلا ما ويلا ما يحرق

    اولا ما ترضي الطجين يطيب تاتكون المقادير كلها قدامك

    خودي يالالا اللحم وقليه مزيان في شوية ديال الزيت)4 ملاعق) ويا ريت تكون بلدية مع قليل من الملح
    الشرط الضروري هنا هو النار تكون جد ناقصة

    وكلما تقلى اللحم او الدجاج مزيان كلما كانت الطريقة انجح

    ودائما النار هادئة لانه هكدا كيطلق الماء ديالو

    الان اضيفي البصلوالطماطم، القصبر المعدنوس ، الثوم ، قطع الحامض (اخضر او مصير اللي كان عندك) واخيرا العطرية (الابزار سكين جبير قرفة الخرقوم والتحميرة ) او اي بهارات حسب الرغبة والوصفة

    واتركيه قليلا ان كان الدجاج حوالي 10 د وان كان اللحم اكثر قليلا
    غاتلاحظي ان المواد طلقت الماء

    االان قيسي اللحم بالشوكة او السكين غتلقايه علاين يطيب
    اضيفي الخضر اللي محضراها مرصوصة مزيان ورشي فو قها الملح والابزار
    وخليها تطيب على مهل

    هنا انوصيك انت عارفة مدة طياب الخضر الخيزو حطيه اولا وعاد القرعة ثم البطاطا او غيرها من الخضر المهم باش ما يطيب شي ويبقى شي

    تيقولو سيادنا ز بالمهل كيتكال بودنجال

    جربي وردي علي

  • #2
    واخا لالة الحادقة ان شاء الله نجربو طويجنك و نردو عليك
    واخا تعاين لي فوق البوطة ما غاديش يصدق يمكن هما كانو كيديرو الفاخر

    تعليق


    • #3
      شكرا على المرور يا الحبيبة

      انا ما كانطيب غير في الطجين لان راجلي ما كيبغيش طياب الكوكوت

      لدلك كنحضروا يوميا تقريبا بجميع الاشكال وفوق البوطة غير هو الطجين ديالي من واد لو يعني البلدي ماشي الطجين السلاوي المزلج

      تعليق


      • #4
        السلام عليكم و رحمة الله
        حتى حنا في الدار كنديرو الطاجين بزاااااف مع ماما موظفة ومللي كنا صغار كانت كتبداه و كتخلينا حنا نكملوها.
        المهم تبارك الله عليك ا الحبيبة حتى انا كنت في الاول كنطيبو بالماء ولكن واحد النهار شفتهم فواحد المطعم كيطيبوه بنفس الطرقة اللي قلت.
        الله يعطيك الصحة


        تعليق


        • #5
          بارك الله فيك الغالية
          نحن في الخدمة سيداتي الانيقات

          تعليق


          • #6
            تبارك الله عليك الحدكة

            تعليق


            • #7
              الله يبارك فيك الحبيبة

              انتم سولو وحنا نجاوبو

              تعليق


              • #8

                تعليق


                • #9
                  مشكوووووور والله يعطيك الف عافيه

                  تعليق


                  • #10
                    السلام عليكم

                    أختي الكريمة الرمضانية

                    مشكورة على الوصفة

                    بارك الله فيك

                    تحياتي العطرة



                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X