إعـــــــلان

تقليص
لا يوجد إعلان حتى الآن.

كيفاش نوجدو .............

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيفاش نوجدو .............

    غزالات و أنيقات منتدى أناقة مغربية اليوم جبت ليكم وصفة كانو يدروها جدودنا باش يحافظو على اللحم ديال العيد حيث ما كانت عندهم ثلاجة بلا شك عرفتوني علاش نهدر


    القديد اللي أغلب الجيل الجديد ما يعرفش كيفاش نصاوبوه إيوى نبداو باركة من الهدرة الزايدة


    المقادير :

    نستعملو فيه اللحم و الشحمة اللي ما كنقدروش عليها و الكرشة إلى بقات ليكم
    الملح + الزعفران+ القزبر حبوب



    الطريقة

    و نغسلوها مزيان و نخليوها تسقطر ليلة كاملة في الثلاجة و من بعد نقطعوها و نخليو منين نعلقوها و نحكوها مزيان بالملح و زعفران (الملون) و القزبر حبوب مدقوق و نخلطو المكونات مزيان و ما تخافوش غير ديرو الملح بززاااااااااااااف باش ما يخسرش القديد


    نخليوه حتى يشرب هاد المكونات واحد اليوم و نشروه ف الحبل نهار كامل من الصباح حتى العصر و نحيدوه و عاود نشروه في اليوم التالي و نكرر العملية كل يوم حتى يكرم اللحم و يصبح جاف و عنداكم تخليوه تنزل عليه الشتا ههههههههه و مني يوجد ديريه ف واحد البلاستيكة بيضاء و دوبليها و دريه ف المبرد (كنجلتور) و مني تبغي تستعمليه وجدي بالليل لقياس اللي تبغي و بيتيه مرقد ف الماء و الغد طيبي بيه و ما تكتريش الملح لا تصدقي مكحلاها هههههههههههه حيث هو راه فيه الملح

    و اللي ما فهمتش شي حاجة انا في الخدمة






    سأغيب لمدة ، لا تنسوني من صالح دعائكن أحبتي

  • #2
    [align=center]تبارك الله على الحادكة ديالنا طريقة مفهومة واغلبية المغاربة كيحماقو عليها وحتى البنات في المنتدى غيدعيو معاك اكيد الله يعطيك ماتمنيتي[/align]
    اللهم اني استودعك نفسي وزوجي واهلي وجنيني و مالي يا من لا تضيع ودائعه

    تعليق


    • #3
      المشاركة الأصلية بواسطة lailakamil مشاهدة المشاركة
      [align=center]تبارك الله على الحادكة ديالنا طريقة مفهومة واغلبية المغاربة كيحماقو عليها وحتى البنات في المنتدى غيدعيو معاك اكيد الله يعطيك ماتمنيتي[/align]

      ما حادكة ما والو الله يطول ليا عمرك شرفتيني بردك السريع :) و مشكورة على التقييم :p






      سأغيب لمدة ، لا تنسوني من صالح دعائكن أحبتي

      تعليق


      • #4
        اهلا بيك . القديد مهم عند كل العيالات لمغربياتو هادي هيا وقتو0 . ولكين انا سمحو ليا ماعنديش معاه .

        تعليق


        • #5
          شكرا ليك حبيبتي نايس ولكن عندي ليك واحد الاضافة
          الوالدة تديرها وتيجي بنين راه فيم ما نمشي نجيب معيا الخليع ديالها
          ااااااااااااه راه الخليع راني ما اغلطش
          انا نقوليك سر القديد اللي تيصايبوا بيه الخليع
          تتشدي اللحم تقطعيه طويل وتزيدي الكامون مدقوق وتزيدي القزبر حبوب مدقوق
          وتزيدي زيت الزيتون وتزيدي وهذا هو الأهم الثومة مدقوقة بقشورها
          مثلا الكمية انا نقوليك غير تقريبا ونتي ديري قياسك ل5 كلغ اللحم ديري 250غرام ثومة
          اوا نتي وقياسك ههههههههههه
          حبيبتي انتمنا نكون زدتك شي حاجة مفيدة
          اااااااااه ونزيدك راه هذا هو القديد اللي تتصايب بيه الخليع
          لأن في الطياب ديال الخليع راها ما تتزيد غير الكروية مدقوقة
          والشحمة
          تحياتي لك غاليتي وشكرا لك

          تعليق


          • #6
            المشاركة الأصلية بواسطة tafookt مشاهدة المشاركة
            اهلا بيك . القديد مهم عند كل العيالات لمغربياتو هادي هيا وقتو0 . ولكين انا سمحو ليا ماعنديش معاه .

            عندك الصح حبيبتي القديد مهم و خصوصا حنا إلى مادرناهش الوالدة بحال إلى ماعيداتش ههههههه مشكورة حبيبتي على مرورك الكريم






            سأغيب لمدة ، لا تنسوني من صالح دعائكن أحبتي

            تعليق


            • #7
              المشاركة الأصلية بواسطة نوارة ديزي مشاهدة المشاركة
              شكرا ليك حبيبتي نايس ولكن عندي ليك واحد الاضافة
              الوالدة تديرها وتيجي بنين راه فيم ما نمشي نجيب معيا الخليع ديالها
              ااااااااااااه راه الخليع راني ما اغلطش
              انا نقوليك سر القديد اللي تيصايبوا بيه الخليع
              تتشدي اللحم تقطعيه طويل وتزيدي الكامون مدقوق وتزيدي القزبر حبوب مدقوق
              وتزيدي زيت الزيتون وتزيدي وهذا هو الأهم الثومة مدقوقة بقشورها
              مثلا الكمية انا نقوليك غير تقريبا ونتي ديري قياسك ل5 كلغ اللحم ديري 250غرام ثومة
              اوا نتي وقياسك ههههههههههه
              حبيبتي انتمنا نكون زدتك شي حاجة مفيدة
              اااااااااه ونزيدك راه هذا هو القديد اللي تتصايب بيه الخليع
              لأن في الطياب ديال الخليع راها ما تتزيد غير الكروية مدقوقة
              والشحمة
              تحياتي لك غاليتي وشكرا لك
              حبيبتي كنت عوالة ندير وصفة على لخليع و مادام زدتي الإضافة ما بقى ليا ما نزيد تبارك الله عليك و الله يخلي ليك لميمة :)

              نورتي صفحتي






              سأغيب لمدة ، لا تنسوني من صالح دعائكن أحبتي

              تعليق


              • #8
                الله يعطيك الصحة الزين

                طريقتك زوينة ديال القديد .

                انا كنديروا بنفس المقادير وكا نزيد عليه التحميرة ( باش نحمرها ) الابزار - السكنجبير و قليل من الحار و الثومة مدقوقة و القليل من الزيت و كنضيف القيليل من خل الاعشاب ( الي سبق و قدمت طريقتوا)

                و نفس الطريقة مع الكرداس غير الكرداس كيتقطع اللحم طريفات و يضاف شوية الرية و شو يسة الشحمة مقطعة و العطرية الي ذكرتي وكتقطعي الكرشة الى دوائر

                و حتى هي دوزيها فالعطرية و ديري فيها طريفات ديال الخليط مشرمل مزيان بالعطرية و اكيد الملح بكثرة و جمعيه على شكل كرات بالمصران مقلوب و مخرلاوط .و شمشيه

                كنتمنى نفيدكم .

                تعليق


                • #9
                  المشاركة الأصلية بواسطة nice-women مشاهدة المشاركة
                  حبيبتي كنت عوالة ندير وصفة على لخليع و مادام زدتي الإضافة ما بقى ليا ما نزيد تبارك الله عليك و الله يخلي ليك لميمة :)

                  نورتي صفحتي
                  بالعكس حببتي ديريها لأن الوصفات ديالك بالتفصيل وممكن تفيد الكثير من الأخوات
                  وبوركتي على مجهوداتك القيمة
                  انها رائعة
                  طريقة شرحك ممتازة ومفهومة
                  لا تترددي في وضع الوصفة وسأدخلها أنا أيضا حبيبتي لأن كل وحدة فينا عندها طريقة
                  وباختلاف الطرق نتعلم الجديد والمفيد
                  شكرا لك غاليتي

                  تعليق


                  • #10
                    تبارك الله عليكم

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X