الطحال معمر مبخر و محمر بطريقتي و من مطبخي كالعادة طبعا بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الطحال معمر مبخر و محمر بطريقتي و من مطبخي كالعادة طبعا بالصور



    تبث في 14/04/09
    bent bladi




    كي دايرين أالبنات الصحيحة المورال كلشي لاباس الحمد لله
    أولا بغيت غير نفسر لكم أخواتي أننا هنا مني تنبغيو نشريو اللحم الحلال تنديرو طلب لأي محل متخصص فالحلال و أغلبهم تيكونو بعاد علينا شوية (طوكيو) بعض هاذ المحلات تيكون عندهم موقع خاص تنشريو من خلاله والبعض الآخر عبر الهاتف أو الفاكس. مؤخرا عملنا واحد الطلب من عند واحد المحل لقينا عندو الطحااااااال ديااااااال البكريييييي وااااااو كانت مفاجأة لنا و فرحة كبيرة. طبعا اللحوم كلها تتجي مجمدة و تنوضعوها مباشرة فالمجمد و ما تنخرجوها إلا باش نطبخوها. و حتى أنا فحال أغلب السيدات مني تيبغي مول الدار ماشي لي كاري لنا لا أبو آدم يخرج للشغل تنسولو آشنو تبغي تاكول فالغذاء و نفس السؤال بالنسبة للعشاء طبعا البارح قالي عمري لينا هاداك الطحال :62:و خرج.
    طبعا هي لي ما تعاودش خرجت الطحاااااال و الكفتة من المجمد و بديت تنوجد فالمواد اللي غادية تخصني المهم فتحت كيس الكفتة كلشي فأمان الله فتحت كيس الطحال وانا نتصدم لقيتهم مقطعينو طراف صغيرة ههههههه هي والو هههه المهم بقيت تنبقشش حتى لقيت واحد الطريف هو لي بان لي يصلح للتعمار وبديت تنوجد الحشوة على حسابو

    أنا حكيت ليكم هاد الحكاية
    - أولا باش تعرفو معاناتنا برة بلادنا
    - ثانيا باش نقول لكم بلي واخا يبان ليكم صغيور راه دياااال البكري هههه
    -ثالثا حتى لأخير و نقولها لكم
    و دابا نبداو على بركة الله
    خديت الكفتة + الملح + البصلة + الثومة + قزبور و معدنوس+ كمون + تحميرة + إبزار + سكين جبير+ بيضة + شابلير/ بقسماط + مطيشة الحك.

    و درت كلشي فالطحانة الكربائية حتى تخلطو و تطحنو مزيان جمعتهم و وضعتهم فإناء



    وزدت عليهم شوية الفلفلة + الزيتون أخضر + الحامض مصير مقطعين مكعبات صغيرة + شوية الروز إلا كنت غادية تقدمي معه الخبز الروز بلاش أنا ضفتو حيت كنت موجداه غيرللعشا و ما حطيتش معاه الخبز


    و الآآآآآآن مع نجم السهرة مولاي السلطان ههههه هنا كنت فتحتو



    هنا عمرتو بالحشوة لي وجدت



    و هنا خيطتو



    فرشت لو البصلة مشلضة فالكسكاس و غطيتو وخليتو يفور



    تفكرت أني ما ثقبتوش فتحت عليه و ثقبتو بسكين رقيق و عاودت غطيت عليه و خليتو يفور ثلث ساعة تقريبا



    فاش بغيت نوضعو فالمول ديال الفرن مدهون بالزيت لقيت هاد شي خارج من الثقيبات



    نظفتهم بالشوكة مزيان و حطيتو فإناء الفرن و دهنتو بالزيت و دخلتو يتحمر على درجة حرارة عالية باش يتحمر غير من برى و ما ينشفش



    ها العريس خارج مزنك من الحمام هههه آنسيت محمر من الفران




    هاهو فالعمارية هههه آنسيت فصحن التقديم













    إيوا بالصحة و الراحة

    خليتكم على خير

    و ما تنساونيش أالحبيبات أنا و أهل بيتي من صالح دعواتكم


    إيه حقا كنت غاديا ننسى ثالثا ههههه

    - ثالثا باش لي عندها شي فكرة آشنو نقدر ندير بهادوك الطريفات ديال الطحال لي ما يصلاحوش للتعمار الله يجازيها بالخير هي و أهل بيتها تفيدنا بها جميع و شكرا


  • #2
    بسم الله الرحمن الرحيم
    تبارك الله عليك وعلى العريس,اه بغيت نقوليك الطحال المعمر,كيشهي
    جزاك الله خيرا

    تعليق


    • #3
      asalamoalaykom ogheti wa chokrane ala alwasefa deyaleke

      تعليق


      • #4
        يا ختي عليك وعلى شهيواتك ديما تيشهيوا
        تبارك الله عليك و خلاص
        اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُبِكَ مِنْ شَـرِّ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ .[البخاري 7/150]

        تعليق


        • #5
          مشكوووووور والله يعطيك الف عافيه

          تعليق


          • #6
            الله يحفضك من العين .
            مشكورة والله يعطيك الف عافيه
            تبارك الله عليك


            تعليق


            • #7
              تبارك الله عليك

              وصفة دايزها الكلام

              وفي لحقيقة نتي لي دايكزك الكلام

              ربي يحفظك

              طبخة رائعة

              وطريقة الحكي اروع

              ربي يحفظ ليك ادم

              تعليق


              • #8
                السلام عليكم

                أختي أم آدم

                تبارك الله عليك

                ما عندي ما نسالك

                وصفة رائعة

                وضحكتيني بزاااااااااااااااف

                هههههههههههههههههههههههههههههههههه

                تقبلي مروري أختي

                لك مني خالص الود

                تحياتي



                تعليق


                • #9
                  مشكوووووور والله يعطيك الف عافيه

                  تعليق


                  • #10
                    tbark allh 3lik alhbiba
                    rah maskhitch nkhrj mn sfha
                    lhlawt marahk
                    allah yfrhak b adam w abo adam
                    wykhalihom lik
                    chokran 3la alwsfa
                    momkin hadok trifat tchhrihom flmkla m3a
                    alhochwa whahoma wajdin
                    wrdi 3lina lkhbar wach zwinin

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X