لعبة هادي طريقتي وانت

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لعبة هادي طريقتي وانت

    كلنا عارفين انه مدينة عندها طريقة فبزاف ديال الحوايج بساط فالطبخ ولكن طعمهم تيفرق متلا بحال تزيين الطاجين وخصوصا تعسال السفرجل او مطيشة او التزيين بالبرقوق ... او الشرمولة او تقديم السلطة والتتبلة ......داكشي علاش طاح فبالي نستافدو من بعضنا وكلا وحدة تكتب هادي طريقتي تم تكتب وانت
    نبداو بالسفرجل وتنتمنى متحشمونيش وترفضو ههههههه


    انا تنقطعوا شرائح رقاق تنفوروا من بعد تنعملو مع الماء وشوية السكر القرفة و شوييية ماء الزهر ونخليه تيتعسل مزيااااان تم نخضر بيه الطاجين
    هادي طريقتي وانت
    اسعدني تواجدي في هذا الجمع المبارك
    شكرا لكل من تبدل من اجل نفع اخواتها في الله



  • #2
    شكرا اختي على الموضوع هادي طريقتي المتواضعة في طياب السرفجل

    كندير اللحم يتقلى عادي كيف المعتاد وكنحك مطيشة اولى جوج على حسب الكمية اللي عندي وكنرميها فوق اللحم وكنزيد عليه السفرجل مقطع خضر هكداك وكنضيف ليه معلقة كبيرة ديال القرفة وكندير الماء الكافي اللي غيطيب فيه اللحم والسفرجل وملي كيطيب كنحل الكوكوت ونزيد معلقة العسل او السكر على حسب شنو بغيت وها المرقة ديالي واجدة ومعسلة وثقيلة
    لا تعسال السفرجل بوحدو لا والو

    هادي طريقة مكناسية نتمنى تجربوه والله حتى تهناو من تفوار وتعسال ديرو كلشي دقة وحدة

    تعليق


    • #3
      نبد انا الاولى مع اني غير مبتدئة ولكن هد الطريقة وراته لي ماما الله اخليه لي
      انا كنغسلو كنقطع كل وحدة على 4 أكنفلحهم من جهة القشرة أكندرهم يتصلق مع أملحة من بعد كنعسلو مع سيدة و القرفة اكنخضر به الطجين من بعد اختي ونكتب على باقي العناصر ادعي امعاي غير بالشفاء





      تعليق


      • #4
        انا كنطيب اللحم مع مرقة كنكون مفورة لسفرجل و ديراه فلفريكو, ملي نبغيه كنجبد قياسي كنديرو فطنجرة و نضيف ليه شوية البلول ديال اللحم, شي نص كاس تقريبا وقرفة وسنيدة وزبدة . نخليه فوق البوطة حتى يشرب البلول ويتعسل. و دابا قولولي على اللوبية الخضرة كفاش كتطيبوها, انا كنسلقلها عاد نرميها مع المرقة

        تعليق


        • #5
          شكرا ليكم على التفاعل اختي كازاوية من مورا التفاعل مع السفرجل غادي نقولو اللوبيا الخضرا
          اسعدني تواجدي في هذا الجمع المبارك
          شكرا لكل من تبدل من اجل نفع اخواتها في الله


          تعليق


          • #6
            شكرا أختي على الموضوع...

            أنا طريقتي في اللوبيا الخضرا...

            كانسلق اللوبيا او نبخرها..كانشد مقلة ندير فيها شوية الزبدة +بصلة محكوكة في الحكاكة

            الغليظة كانزيد عليها ضروس الثومة محكوكين كايتشحرو كانزيد عليهم اللوبيا ثم ضامة البنة

            و الابزار و التحميرةحت كاتشحر و نطفي عليها...هاد الطريقة كاتقدم كسلطة..

            أما الى ابغيت نديرها في المرقة كانطيب اللحم بوحدو...

            و اللوبيا كانبخرها و من بعد كانشحرها في المقلة مع الزبدة و كنور ملي كانبغي نقدم

            كانحطها فوق اللحم ...كاتجي رائعة احسن من انها تطيب معاه






            تعليق


            • #7
              شكرا ليكم
              اسعدني تواجدي في هذا الجمع المبارك
              شكرا لكل من تبدل من اجل نفع اخواتها في الله


              تعليق


              • #8
                تسمحوا لي نشركم
                انا مني تتشحر اللحم مع بصلة وتومة توابل ونصف مصيرة من تني نضف طماطم لتشحر ترمي لوبيا وتطيب هي واللحم في مرة

                تعليق


                • #9
                  بارك الله فيك لطرحك هدا الموضوع القيم

                  أما طريقتي بالنسبة للوبيا الخضراء هي كنسلق اللوبيا شوية ثم أضيفها مع المرق لتكمل النضج
                  أتمنى أخواتى الكريمات أن توضحوا لنا كيفية طبخ البسباس مع القوق
                  تحياتي لكم

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  شاركي الموضوع

                  تقليص

                  يعمل...
                  X