إعـــــــلان

تقليص
لا يوجد إعلان حتى الآن.

حوتة في الفرن بالصور... أكيد غتجربيها إوا مرحبا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حوتة في الفرن بالصور... أكيد غتجربيها إوا مرحبا


    تبث في 04/11/09
    bent bldi


    الســلام عليكن و رحمة اللـه و بركـاته


    الحبيبات ديالي جبت ليكم ليوم طبق السمك في الفرن من مطبخي والجميل في هاد الوصفة هي أنه كيوجد بسرعة و كيجي كيشهي بزاااف و جميل في المنظر.


    فأرجو من الأخوات المشرفات يثبتوا الموضوع وشكرا.



    نبداوا على بركة الله


    [frame="7 60"]


    المقاديـر :

    سمكة (أنا خديتها غير صغيرة تقريبا كيلو حسب العائلة) + 2 خيزو + 2 بطاطس أو واحدة كبيرة + 2 مطيشات محكوكين + ورقة سيدنا موسى

    الشرمولة :

    2 قبيطات صغار من القزبور و البقدونس المفروم
    1/2م ص فلفل أسود +1م ك الفلفل الحلو
    1/2م ص الزنجبيل بودرة +2/1 م ص الخرقوم
    ربع م ص من الكمون + ملح
    3 الفصوص ديال الثوم مدقوقين
    ضامة البنة ديال السمك
    2 م ص مطيشة مصبرة
    1/2م ص هريسة "حسب الرغبة"
    بعض أوراق الزعتر محكوكين
    عصير 2/1 ليمونة حامضة أو 2 م ك خل
    كاس صغير زيت الزيتون

    للتزيين :

    حامض مرقد + زيتون + فلفل مشوي

    دابا نخليكم مع الصور مع الشرح.



    1- ندق القزبور و المعدنوس مع الثوم و الملح. نضيف باقي المقادير باش نكون الشرمولة ونقسمها على 3.


    2- نشرمل الحوتة بالقسم الأول ديال الشرمولة و نفرش البلا ديال الفران بورق ألمنيوم، نستف خيزو و بطاطا مقطعين (الخضر إما مسلوقين نص سلقة أو مرقدين في الماء في الثلاجة ليلة كاملة). ونزل الحوتة فوقهم نضيف ورق الغار.

    3- نصب الثلث الثاني ديال شرمولة من فوق الحوتة ونضيف الزيت.

    4- نجمع ورق الألمنيوم مزيان وندخلها للفرن. (كفنتها مسكينة ههههه)

    5- هادي لاصوص بالمطيشة محكوكة زدت عليها الثلث الباقي ديال شرمولة و شوية زيت العود و درتها تطيب.

    6- لاصوص ملي طابت خص تكون عاقدة مزيان.

    7- ها الحوتة ملي خرجات من الحمام آآآآ سمحولي من الفران هههه. أنا عريتها من بعد 20د و خليتها تحمر من الفوق واحد 10د.

    8- دابا نزلتها في طبق التقديم زينت جناب الطبق بالخضر و لاصوص سرحتها فوق الحوتة و زوقت بالفلفل المشوي، الحامض مرقد و الزيتون (عملت الأخضر مبقاليش الأحمر).


    9- إواااا هاني كي زيتكم آآآآ بغيت نقول كي جيتكم ؟؟؟؟ والحبيبات ديالي بالصحة و الراحة ونتمنى نعجبكم ملي دوقوني.



    مابقاليكم غير تجربوها والديكور كل وحدة و شطارتها و صدقوني غتعجبكم بزاف وممكن ديروا حوتة كبيرة وتعمروها و تقدموها للضيوف
    [/frame]




  • #2
    الله يعطيك الف الصحه

    تعليق


    • #3
      شكرا hanoua الله يعطيك ألف صحة



      تعليق


      • #4
        حوتة دايزها الكلام الله يسلم لك ادياتك اختي.
        اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
        اللهم احفظ زوجي وأبنائي من كل شر وأقر عيني بهم آمين.




        تعليق


        • #5
          تبارك الله عليك اختي حوتة وشمن حوتة .
          شهيتني فيها.

          تعليق


          • #6
            لديدة الله يعطيك الصحة

            تعليق


            • #7
              هادشي زين و محيدق، تباك الله عليك إن شاء الله نجربها.

              تعليق


              • #8
                تبارك الله اختي حوتة هده والله شحيتيني فيها
                الله يعطيك الصحة وبصحتكوم

                تعليق


                • #9
                  تبارك الله اختي

                  تعليق


                  • #10
                    شكرا للأخت إسراء نورتي الصفحة بوجودك



                    تعليق


                    • #11
                      Barklah alik katchahi

                      تعليق


                      • #12
                        الله يبارك فيك تودا و شكرا



                        تعليق


                        • #13
                          الله يعطيك الصحة انا ماشية نجربها دابا شهيتينيي

                          تعليق


                          • #14
                            الاقتباس غير متاح حاليا

                            شكرا أختي Bent Bladi على الرد تمنيتك دوقيها.
                            وشكرا على التثبيت لهلا يخطيك



                            تعليق


                            • #15
                              شكرا لكل من :

                              noure02 - nouhamoun - و الكوثر2 - أم إسراء و سعد (غير جربيها كتجي غزالة والله)



                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X