الروز بالدجاج بطريقتي البسيطة المصورة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الروز بالدجاج بطريقتي البسيطة المصورة

    [info]
    ام فردوس
    [/info]السلام عليكم ورحمة الله وبركاته



    ان شاء الله ينال استحسانكم هذ الطبق
    هو سهل و غير مكلف
    و كيليق للايام العادية كيف كيليق يتقدم فالعراضة


    المقادير:

    دجاج (منقي و مغسول اما الدجاجة كاملة او مقطع حسب عدد الاشخاص)
    بصلة كبيرة مشلضة
    2 فصوص ثوم محكوكين
    ملعقة كبيرة مطيشة الحك
    ربيع مكرض
    بزار
    سكينجبير
    خرقوم
    كنور ضامة البنة زعفران
    او زعفران شعرة حر لو متوفر
    ملح
    زيت
    الروز اصفر حبة طويلة

    الطريقة:

    كناخذو الدجاج ديالنا نزيدو عليه كل المقادير
    الا الروز
    كنخليوه يتشرب البنة و العطرية
    و نديروه يتشحر فالكوكوط








    و كناخذو كيس ديال الثوب شبكة افضل شي
    (و ممكن استخدام الكسكاس ديال الكوكوط ايضا يفي بالغرض)
    و نعملو فيه الروز و نعقدوه
    و بعد ميتشحر الدجاج و باقي المقادير
    كنحطو فوقو الكيس ديال الروز
    و نضيفو الماء الكافي للي غيطيب لينا الروز
    دائما كما هو معروف كل جبانية او كاس ديال الروز
    كيقابلها 3 جبابن اوكيسان ديال الماء

    و كنسدو الكوكوط ديالنا
    كيطيب الروز و الدجاج فنفس الوقت
    و كيكون الروز متشبع بنكهة التوابل و الدجاج
    و كل حبة مفروقة على ختها كيف كيبان فالصور










    و كتقدموه بالصحة و الراحة
    بنفس طريقة تقديم الكسكس او السفة











    يعني كتقادو الروز اولا فالطبسيل
    و تسڭيوه بالمرق للي كيكون واقف
    ديال الدجاج كيف مبين فالصور











    هي طريقة سهلة و كيجي لذيذ و ايضا يفيد لو جاوك الضياف على غفلة
    سهل التحضير و التقديم و مقاديرو سهلة و فالمتناول

    و ممكن بدل الدجاج تعملو اللحم او الحوت
    المهم هو ان الروز يتطبخ بهاذ الطريقة
    فكتكون فيه نكهة زوينة و مكيتعجنش


    و ممكن تقدموه بعدة طرق
    انا قدمتو بطريقة تقليدية مسڭي

    ممكن تقدمو الرز بوحدو و الدجاج مع المرق بوحدهم
    او ممكن لما يطيب الدجاج تدخلوه يتحمر فالفرن
    فكيكون مشهي و لذيذ و يليق يتقدم للضياف


    ان شاء الله نكون ضفت ليكم شي مفيد
    و عذروني على قلة التواجد بناتي و اخواتي الحبيبات
    وصفاتي المصورة



    أعمالي المصورة


  • #2
    اختى باين لذيذ من تقديم الطبق شكرا غادي نجرب ورد عليك لخبار

    تعليق


    • #3
      كيشهي الله يعطيك الصحة اختي ام امنار
      تم ثتبيت الوضوع





      اللهم احفض لي ابنائي اميمة ومحمد ادريس واجعلهم درية صالحة بارة طيبة هم وابناء المسملين

      تعليق


      • #4
        وعليكم السلام ورحمة الله وبركاته
        ممممممم شحال توحشت شهيواتك يا قرة عيني
        الله يعطيك الصحة
        فعلا طبق شهي و كيحمر الوجه
        شحال من مرة عتقني قدام الضياف
        الله يجعلو في ميزان حسناتك


        ان غبت عنكم
        و ساغيب في يوم من الايام
        فاتمنى من العلي القدير
        ان يكون لي نصيب خير بما خطته يدي
        يصلني بدعائكم لي
        اينما كنت فوق الارض او تحتها


        أمنارAmanarre
        أم ريان و كاميليا
















        فهرس اطباقي المصورة (متجدد ان شاء الله)




        ترقبن جديد وصفاتي المصورة بإذن الله



        تعليق


        • #5
          Hada tabaq sahl mahl oldiiiiiiid,ad njarbo bi idn allah,chokran akhti,

          تعليق


          • #6
            تبارك الله عليك اختي

            اكيد باين لديد و كيشهي

            شكرا

            تعليق


            • #7
              الله يعطيك الصحة

              تعليق


              • #8
                طبق شهي ,الله يعطيك الصحة

                تعليق


                • #9
                  تبارك الله عليك اختي ام امنار،طريقة زوينة و طبق تيشهي
                  تيقولو اذا مشبهاتش البنت لامها حرام
                  سؤال: واش لدرنا الروز فالكسكاس منحتاجوش نديروه فزيف؟ و حتى فهاد الحالة تنغطيوه بالما؟

                  تعليق


                  • #10
                    السلام عليكم ورحمة الله وبركاته
                    تبارك الله عليك أختي أم أمنار طبق مشهي .تسلم الأيادي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X