مقادير سفة مدفونة لأم محمد ياسين

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مقادير سفة مدفونة لأم محمد ياسين

    هي لولا اى لالة أم محمد ياسين نحط لك المقادير
    بنسبة لدجاج شرملتو بلقزبر او معدنوس وتومة زعفران لحر لخرقوم بزار سكين جبير لملحة بصلة مشلدة او شوية د سمن ومعلقة د زبدة وشوية د زيت
    شرملتو وحطت ف طنجرة وخليتو إتقلة ومن بعد مرقت وسدت عليه ملي طاب حيدت ودرت بلاصتو بصلة مقطعة وخليتها طيب او تشرب ما يبقاش فيها روا بحال د البسطيلة
    من بعد شديت دجاج فرتتو حيدت ليه لعضام خليت غا لهبرات صافي ملي فورت سفة 7 د لفورات دهنته بزبدة ودرت فيها شوية سكر وفرشت شوية منها ف لقصرية وعد حطيت دجاج لي فرتتنة ولمرقة لي ختارت وعقدت او غطيتها بسفة تاني و زوقتهة كيف كتشوفو
    إو نتمنى تعجبكم حيت هي جات لديدا و راجلي عجبتو بزاف -
    الملفات المرفقة

  • #2
    تبارك الله عليك غزالة
    اسعدني تواجدي في هذا الجمع المبارك
    شكرا لكل من تبدل من اجل نفع اخواتها في الله


    تعليق


    • #3
      الله يعطيك الصحة .








      تعليق


      • #4
        شكراً لكم اخواتي لتناء وتشجيع

        تعليق


        • #5
          تبارك الله عليك مالك كنتي مخبيا علينا هاد الحداكة كاملة الله يعطيك شي درية صالحة تعاونك فالماكلة هههههه




          اللهم احفض لي بنتاي و اجعلهما من الصالحات و بارك اللهم لي فيهما و اجعلهما من الشاكرات

          و تبت لي حملي وارزقني ولدا صالحا سليما معافى




          تعليق


          • #6
            شكراً لكم اخواتي ونتمنى ديمة نكون ف لمستوى

            تعليق


            • #7
              تبارك الله عليك الحبيبة جاتك غزالة ولكن انا عتدي طريقة سهلة ديال تفوار السفة غير ثلاث مرات او ها هي وجدات تشدي السفة دهنها بالزيت او ديربها تفور منين تفور المرة الاولى كبي عليها الماء البارد من روبيني او هي في الكسكاس وخليها تقطر ثم رديها تفور للمرة الثانية هذه المرة غادي توجدي الماء طايب وديري فيه شوية الملح او ديري فيه الشعرية من بعد ما تكون فارت او تخلطيها باش تشرب الملح ثم خليها تقطر او رديها تتفور للمرة الثالثة او ها هي السفة ديالك وجدات دهنيها بالزبدة او ديري ليها اللي بغيتي .
              على فكرة انا مبقيتش تندير سكر كلاصي تندير نسلي تتجي معلكة غزالة او عاد تنزوق بسكر كلاصي والقرفة كيف متعودين نتمنى تكون عجباتك الطريقة ديالي او بالصحة او الراحة .
              ام هيثم و نهيلة

              تعليق


              • #8
                بصحة وراحة اختي tbark allah 3lik

                تعليق


                • #9
                  شكرا لك أختي على الوصفة


                  تعليق


                  • #10
                    بصحة وراحة اى حبيبة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X