كسكسو بالتفايه والخضر المعسله

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كسكسو بالتفايه والخضر المعسله

    ثبت في 17/8/2010...أم رزان

    السلام عليكم ورحمة الله

    الكسكسو بالتفايه كل المغربيات كيعرفوه واليوم زدت عليه اضافه بسيطه
    نخليكم مع المقادير والطريقه
    الدجاج
    الزعفران الحر
    الخرقوم البلدي
    الملون الغدائي
    الملح
    الابزار الاسود
    الابزار الابيض
    سكنجبير
    السمن
    كنشرملو الدجاج ديالنا ونخليوه جانبا






    التفايه ...البصله مشنفه
    السكر حسب الذوق
    القرفه
    ماء الزهر
    شويه ديال الزعفران شعره
    شويه ديال البسيبيسه والا مكانش شويه ديال الكوزه
    شويه ديال قاع قله او الهيل
    قبيصه ديال الملحه باش نزولو الحلاوه
    شويه ديال الابزار الابيض
    شويه ديال القرنفل مدقوق
    الزبيب مفزك


    الخضرة المعسله
    خيزو مقطع ومبخر
    الكرعه الحمرا مقطعه
    مطيشه مقطعه صغيره
    السكر حسب الذوق
    ماء الزهر
    القرفه






    للتزيين
    البيض مسلوق
    شويه ديال اللوز مفسخ ومقلي
    شويه ديال الكركاع




    الطريقه
    الكسكسو كل النساء كتعرف طيبو
    كنديرو الدجاج مع بصله مشنفه وزيت الزيتون وربيطه ديال القزبر والمعدنوس ومنمرقو بالماء الكافي ونقفلو الكسكسو ديالنا
    وكل مره نريحوه بالماء وشويه ديال الزيت (انا كندير غير زيت زيتون)
    ندوزو للتفايه
    كندير على نار مهيييييييييله البصله اللي قطعنا وقطرناها مزيان بلا ماده ذهنيه حتى تطلق الماء ديالها وطيح
    كنزيد عليها الزبيب والعطريه وفي الاخير السكر وماء الزهر مع التحراك والمراقبه باش متحرقش حتى تعلك





    *الخضره المعسله
    كندير كل خضره على حدى مع شويه ديال الزبده ونغطي عليها حتى تولي كتمعك
    نزيد نمعكها بالفرشاة وندير شويه ديال ماء الزهر والقرفه والسكر حسب الذوق وقبيصه ديال الملحه باش نكسر الحلاوه
    منين كتعسل كنزولها



    *التقديم
    كندير الكسكسو عادي وندير الدجاج ونسقي وندير التفايه
    ونزين بالخضره المعسله ونغير الشكل ديال كل خضره باش نفرق بيناتها
    نزينها بالكركاع الا كان والبيض مسلوق واللوز










    وبصحتك وراحتكم





    كنتمنى يعجبكم وتجربوه ورمضان كريم

  • #2
    السلام
    تباركلاه عليك اختي شهيتيني و مع انا عزيز عليا الكسكسو بالتفايا و كملتس ليا بالخضرة حتى هيا
    إذا كانت النفوس كبــــارا ********* تعبت في مرادها الاجســام

    تعليق


    • #3
      المشاركة الأصلية بواسطة dojali مشاهدة المشاركة
      السلام
      تباركلاه عليك اختي شهيتيني و مع انا عزيز عليا الكسكسو بالتفايا و كملتس ليا بالخضرة حتى هيا
      وعليكم السلااااااام ورحمة الله
      ربي يخليك الحبيبه ولهلا يحوجك خوديه بالصحه هههههههههههههههههه
      رمضان كريم

      تعليق


      • #4
        تبارك الله على الحادكة الله إعطيك الصحة









        تعليق


        • #5
          الله إعطيك الصحة

          تعليق


          • #6
            :s1737:[]تبارك الله :s1737:






            ]
            اللهم اني لا اسالك رد القضاء و لكني اسالك اللطف فيه


            تعليق


            • #7
              تبارك الله عليك كشهي
              sigpicيَـآ رَب ُ ،’
              لآ تَجعَلْ آلدُنيَـآ ، تُفَرقُ بَينَ قلبيِنِ مَـآ تعَـآنقَـآ إلآ مِنْ أجْلِكْ ،’

              تعليق


              • #8
                تبارك الله عليك، طبسيل دايزو الكلام، الله يعطيك الصحة. شهيتيني واخا عاد تغديت هههه







                تعليق


                • #9
                  السلام عليكم ورحمة الله وبركاته

                  غاليتي

                  تبارك الله عليك

                  كسكسو واشمن كسكسو انا بعدا كنحمااااق عليه

                  سلمت يداااااك

                  لا تحرمينا من جديدك المميز

                  لك مني تحية منسمة بالعنبر

                  دمت بـود



                  تعليق


                  • #10
                    تبارك الله عليك الغاالية و شكرا على الوصفة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X