إعـــــــلان

تقليص
لا يوجد إعلان حتى الآن.

لازانيا صناعة منزلية 100x100 مرحبا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لازانيا صناعة منزلية 100x100 مرحبا

    تبث في 4/12/2010
    bent bladi


    باسم الله الرحمن الرحيم



    السلام عليكم و رحمة الله تعالى و بركاته



    المقادير ل2 لازانيات

    4 بيضات ملح الطحين اللي يجمع البيض العجين عادي شوية قاسح على ديال الخبز(بالسميدة الرقيقة تتجي أفضل)

    الصلصة الحمراء / البولونيز


    2 علب طماطم فحال هادي 2بصلات كبار محكوكين رقاق 4ثومات محكوكين 3أوراق سيدنا موسى ملح إبزار شوية الملون الإصطناعي/ تصفيرة /زيت الزيتون/ رابعة الكفتة/معجون الطماطم/ القسبور و المعدنوس تنقطعهم دائما مع الثوم و تنحتفظ بهم فالمجمد

    البيشاميل

    8 ملاعق زبدة 8ملاعق طحين ملح كوزة 1لتر حليب 1كاس قشدة طرية شوية الملح

    500فروماج البيتزا


    الطريقة


    العجين


    جمعت العناصر




    حتى حصلت على عجين أقسح شوية من ديال الخبز



    عملت منو كويرات



    درت الماء و شوية الملح فطنجرة فوق النار،ووجدت حوض صغير فيه الماء بارد و بديت تنطلق العجين بآلة المعجنات (لي رسلاتها لي أختي أم ريان&مهدي من إيطاليا هدية الله يجعلها من سيدات الفردوس ) على رقم 6و هاد العملية نقدرو نديروها طبعا غير بالمدلك إيلا ماعنداش الآلة



    و قطعتها بالجرارة على شكل مستطيلات




    ومني غلى الماء بديت تنحط فيهم وحدة وحدة شي دقيقة واحدة تقريبا حتى تيتفتح اللون ديالهم شوية المهم ماتاياخدوش بزاف ديال الوقت باش يتصلقو




    و تنديرهم فحوض الماء بارد،و تنصفيهم



    الصلصة الحمراء

    درت الزيت فالمقلاة حتى سخن شوية و زدت عليه البصلة حتى تشحرت شوية



    و زدت الكفتة حتى تشحرت




    و خليتهم حتى نشفوا من الماء زدت الثوم+أوراق سيدنا موسى



    زدت طماطم فحال هادي



    بعد ما طحنتها فالخلاط +ملح+ إبزار +شوية الملون الإصطناعي/ تصفيرة



    مني ثقالت الصلصة




    زدت شوية القسبور و المعدنوس +الثوم +معجون الطماطم.




    البيشاميل

    ذوبت الزبدة




    و حمرت فيها الطحين شوية



    وزدت الحليب و الملح و القرفة ثم الكوزة تغالطات لي مع القرفة ههه غير حيت كنت زربانة و القراعي ديالهم تيتشابهوا المهم درت القرفة بالغلط و خليتها قلت نجرب كيفاش غادي يجي المذاق هاد المرة، جا مزيان الحمد لله




    بقيت تنحرك حتى ثقالت لا صوص بيشاميل زدت عليها القشدة الطرية



    حركت خليتها 2دقائق و طفيت عليها النار



    المونطاج

    فإناء الفرن درت البيشاميل ثم غطيتها باللازانيا ثم صلصة الطاطم ثم الفروماج ثم البيشاميل (الصورة فقط لتوضيح الخطوات من اليسار إلى اليمين



    وكررت العملية طبقة ثانية لازانيا ثم صلصة الطاطم ثم الفروماج قلت نصورها لكم باش نوضح أن الطريفات لي مامقادينش يمكن لهم يترتبوا فالطبقة الوسطى بهاد الشكل



    ثم طبقة ثالثة غطيتها بالبيشاميل، و رسمت خطوط بمعجون الطماطم فوقها



    تيتباعوا هنا ساشيات ديال معجون الطماطم فحال هادوا قطعت الجنب ديالو بالمقص و هو لي زوقت به



    و بطرف سكين عملت زواقة الميلفوي



    و دخلتها للفرن على 200درجة مدة 45دقيقة تقريبا حتى طابت و طلعتها لفوق حتى تحمرت و قدمتها

    للتذكير هاد المقادير خرجوا لي 2 فحال هادي واحدة لشي ناس و واحدة لينا. يعني لعمل واحدة نصف المقادير كافية



    اللهم أدمها نعمة و بارك لنا فيها و احفظها من الزوال

    لا تنسوني و أهل بيتي من صالح دعواتكم

  • #2
    تبارك الله عليك بالصحة و الراحة
    سرعة الايام مخيفة!
    ما إن أضع رأسي على الوسادة إلا وأشرق نور الفجر..
    ما إن أستيقظ إلا وحان موعد النوم..
    تسير أيامنا و لا تتوقف !
    وأقول في نفسي : حقاً السعيد من ملأ صحيفته بالصالحات ..
    - والسؤال الذي أقف عنده بماذا ملئت صحيفتي !؟
    وهل أنا أسير للأمام أم للخلف !؟
    يا ترى ما هو وزني عند الله!؟
    أقف وأحاسب نفسي فالأيام تمشي بسرعة ولن يبقى إلا العمل الصالح
    فتن الدنيا تموج بنا والأحداث تتسارع من حولنا والأموات يتسابقون أمامنا..
    "
    " "فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ"

    تعليق


    • #3
      الله يبارك فــــيــــك

      تعليق


      • #4
        السلام عليكم ورحمة الله وبركاته
        الله يعطيك الصحة أختي أم آدم.من مدة وأنا باغيا نجربها ودبا شجعتيني لأنها باينة بنييييييييييينة والزواقة ديال ميل فوي جات روعة.ماشاء الله عليك عزيزتي
        الله يديمها نعمة ويحفظها من الزوال يا رب

        تعليق


        • #5
          تبارك الله عليك وعطاك الله الصحه










          عِندمَا تُمسكُ سَيفاً لِتقْتُلني ..

          إحذرْ أن يَجْرَح يَدُكَ فتُؤلمُنِي ..

          تعليق


          • #6
            تبارك الله عليك طريقة زوينة

            تعليق


            • #7
              ماشاء الله لازانيا مشهية ومنظرها وااااااعر
              تبارك الله عليك مشرفتي والله جازيك بالخير

              تعليق


              • #8
                بارك الله فيك اختي
                الله يعطيك الصحة وبزاف ديال الفلوس باش تبرعي

                تعليق


                • #9
                  الله يعطيك الصحة
                  http://tickers.doctissimo.fr/get_tic...uttexte=khalil [http://www.anaqamaghribia.com/vb/ima...ine=1330975154sigpic

                  تعليق


                  • #10
                    تبارك الله عليك بالصحة و الراحة
                    اللهم انك عفو كريم تحب العفو فاعفو عنا

                    اللهم فرّج همي و يسّر أمري و أرحم ضعفي و قلّة حيلتي و أرزقني من حيث لا أحتسب يا رب العالمين

                    لا اله الا الله محمد رسول الله

                    تعليق


                    • #11
                      تبارك الله عليك رائع

                      تعليق


                      • #12
                        السلام عليكم
                        شكرا أخواتي الغاليات كل أخت باسمها على المرور الكريم أسعدتني إطلالتكم. تحياتي

                        تعليق


                        • #13
                          المشاركة الأصلية بواسطة bent bladi مشاهدة المشاركة
                          ماشاء الله لازانيا مشهية ومنظرها وااااااعر
                          تبارك الله عليك مشرفتي والله جازيك بالخير
                          مشرفتي الغالية بنت بلادي مرورك أسعدني و تثبيتك للموضوع شرفني
                          الله يجازيك بكل خير تحياتي و شكري

                          تعليق


                          • #14
                            تبارك الله عليك









                            تعليق


                            • #15
                              مشكوووورة اختي هي فعلا كتجي زوينة انا ديما كنصوبها وكتجي احسن من اللازانيا لي كتباع كتجي خفيفة عليها
                              نشكووووورة مرة اخرى حبيبتي








                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X