شنو كتوجدي الا اتعرضتي لشي مناسبة؟يعني اشنو كتدي معاك كضيفة او معروضة عند الناس?

تقليص
هذا موضوع مثبت
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شنو كتوجدي الا اتعرضتي لشي مناسبة؟يعني اشنو كتدي معاك كضيفة او معروضة عند الناس?

    السلام عليكم و رحمة الله

    اكيد كل وحدة فينا لما كتكون معروضة كتبقى تفكر شنو توجد?
    وشنو تلبس ?
    و شنو تدي في الكادو ?
    ومعاياش الخ...
    لان هاد الشي عندو قواعدو
    و اصول ماشي كلنا كيعرفها خصوصا الجيل الجديد عكس جدودنا للي كانو كيعرفو باصالة و اداب الضيافة او العراضة على حد سواء

    لهدا بغيت نتشاركو هاد العادات والتاويل ديال التوجاد وحتى الاستعدادات القبلية....

    وربما ايضا بعض الصور تعطينا افكار ...


    المهم ارجو التفاعل من الاخوات
    و متقولوش مكتعرضوش
    وشكرا

  • #2
    و عليكم السلام و رحمة الله

    موضوع زوين

    بالنسبة لي حسب العراضات

    يعني لو كانت عراضة لعشية مثلا كاسكروط عند صديقة او قريبة
    فمكنمشيش بيدي خاويين ، لابد نوجد مندي معايا (پلاتو ديال الحلوة او السابلي او مشكل مالح رغيفات مسيمنات او حريشات او بطيبطات او مملحات او حلو)

    لو كانت عراضة غذاء مثلا فكندي معي باني مشكل من الديسير يعني كنشري فواكه منوعة و نعملها فسلة و نزينها و ندخل بيها

    لو كان عراضة عشاء فكندي معي حلى كيك اما ديال الدار لو عندي الوقت او مشري

    المهم هو اني لما نكون ضيفة نضايف على خفيف باش مندخل بيدي خاوين

    لو كانت اول مرة غنمشي عندها فكندي بالاضافة للاكل بروك يعني كادو للدار باش متكونس دخلتي خاوية
    و طبعا الكادو حسب نوع الزيارة رسمية او عادية
    و اللباس ايضا

    و حسب واش غير بيني و بينها او غيكون نسا اخرين معروضات يعني الظروف هي للي كتحكم


    اما فالمناسبات مثل الاعراس و السبوع و الحضور بشكل عام
    فايضا حسب شكون للي عارضة عليا يعني درجة قرابتها لي
    (ماشي القرابة العائلية انما القرابة الشخصية يعني طريقة تعاملنا مع بعض هي للي كتحدد اش عنقدم واش غنوجد)

    لو كانت شخص عادي كنقدم ليه كادو حسب امكانياتي فداك الوقت يعني للي عندي كنقضي بيه
    لو كانت قريبة لي فلو عندي فلوس كنعطي جوا (اغلبية كنفضل نهدي فلوس بدل كادو ) لو مكانوش عندي ديك الوقت يعني مبلغ يليق بالمهدى له و كانت قريبة لي فالشخصية يعني كنعرفها و كتعرفني مزيان بحال الاخوات فكناخر تقديم الانڤلوب حتى يكونوعندي فلوسها و كنعتذر طبعا و كنقدم هدية رمزية

    طبعا فالمناسبات الكبيرة (خطوبة، عرس....) كنلبس لباس تقليدي اغلبية كنكري لبسة تليق بالمناسبة مع فولار و سباط و ساك مناسبين ،
    و لما كندخل كندخل معي بواتتة شكلاط او حلى او ورد او ديسير پانيي ...
    طبعا حسب نوعية العراضة فدار فقاعة فمنزه...


    لو كنت معروضة على برى يعني لغذاء او قهوة او عشاء
    فمطعم او مقهى فكنقتارح المشاركة فدفع الحساب طبعا الطرف الثاني لا يقبل ههههه
    لكن كنردها بعراضة مماثلة فمكان مغاير لما تتاح لي فرصة

    هادشي للي تفكرت دابا
    ويلى تفكرت شي حاجة اخرى نرجع نكتبها


    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله



    تعليق


    • #3
      لواه الحبيبة ديالي حتى حنا كنتعرضو
      أنا يا للا ماكنحيرش بزاف ماعندي مشكيل المهم نبان أنيقة هناني الله مكنمشيش الكوافورة ماشي ماعنديش الشعر ههههههههههه كنلبس الفولار أكنختارو فنفس اللون ديال القفطان ماكياج خفيف و صندالاا ديال الحضور بالطالون تكون ف نفس اللون ديال الساك الكادو كنكون موجداه قبل احطاه كيساين غي نهزو ملي نكون واجدة هههههههههههه

      تعليق


      • #4
        شكرا على الموضوع وخلينا نتعاودو شوية نستافدو ونفيدو
        اول شيء الى كانو الناس الي عارضيني ناس بسطاء وعاديين ومداخلة معاهم كندي شي حاجة في ايدي من صتع يدي نعاون بها يا في تدواز اتاي يا حاجة تنفع الي عارضيني من بعد
        الى كانو ناس ما داخلاش معاهم بزاف ومستواهم اعلى مني شوية لابد نلبس مزيان وندي كاطو وورد

        تعليق


        • #5
          Ana akheti kanetekarefess meli kankon me3eroda ya3eni
          kan khassar felous f kewafoura wila beghit nebedel kanekeri ikesisewarat o3ad kadou beha9 mou akharan reja3et kane3eti
          felous

          تعليق


          • #6
            انا يلالة تندخل الحمام تندير حمام مغربي على حقو و طريقو وفاش تنخرج تنصاوب مساج لرجلي وتنصاوب يديداتي وتنقطع ضفراني ونقادهوم بالمبرد وتندير الوجهي الماسك ومن بعد تنلبس وتندير حجابي يكون فلون لبسا وندير ساك وسباط فنفس لون
            يلاكانو ناس لاباس عليهوم تندي الكادو وبلا كانو على قد الحال تنعطي فلوس
            ويلا كنت معروضة عند العائلة يعني غير غدا تندخلو معانا ديسير والموناضا وسافي

            "اللهم اني اعيذ مافي رحمي بكلماتك التامة من كل شيطان وهامة,ومن كل عين لامه

            اللهم اني اسألك أن تحفظه و تجعله معافى كامل الخلقة دون زيادة أو نقصان

            اللهم حسن خلقه وخلقه وسهل حمله ومخرجه واجعله قرة عين لي واجعله من عبادك الصالحين"


            آمين يارب العالمين

            تعليق


            • #7
              00000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000
              سلام انا بعد ملي كنتعرض كنمشي كالوعد مع السعد معا عندي واحد زوج بنات ما يخالوني ندير واااااااااااااااااالو ههههههههههههههههههههههههههههههههههههههههههههههه

              تعليق


              • #8
                ايوة موضوع غزال هادا باش نستافدو من الاخوات شوية انا منين تنتعرض تنهتم بشنو غندي اكتر من راسي لان راسي كنقدو حتى لاخر لحظة معنديش فيه مشكل كنوجد شي حاجة زوينة بيدي بتي فور حلبيوات شي حاجة فحال هاكا متاع الماكلة الى كان شي حد قريب كان شي حد بعيد كنشري معايا شي حاجة او لا كناخد شي حاجة عندي جديدة كنسد بيها داك الباب حيت عرضاتي كتار فحال تكون شي حاجة عندي ديال ديكورات فكرطونتتها او لا ثوب زوين او لا شي حاجة الى كانو ناس بلدين الى كانو ناس طبقة اخرى فكناخد شكلاط او زوين او شي كادو لداري الصغار الى عندهم و بنسبة لراسي كنكون دايرة ماسك قبل او انا تنوجد كنغسلو او ندوز سيشوار على شعري لانو مسشواري من عند ربي هههه دغيا كيسربيني او على حساب العراضة كنقادو اما مشيطة خفيفة بيدي شي نهار نحط ليكم طرق لمشيطات غزالين من يدي او لا كنخليه مطلوق و كنوجد حوايج لي غنلبس عند ناس اما تقليدي او عصري او حوايجي تلخروج راه كيكونو معروفين لبسة بصندالتها او صاكها و التحت متاعها او مكياج خفيف الى كانت حفلة ضيقة كان ناس بزاف كيكون مكياج مختلف او كتزيدي الرموش او العدسات او تلصاق لاخر هههههه مرسي على الموضوع
                sigpicاللهم اغفر لامي وابي ورحمهما كما ربياني صغيرا
                اللهم فرج همي وهم المسلمين ويسر امري وامر المسلمين

                تعليق


                • #9
                  Ana akhti mamnou3a 3liya la3rada rajli makaykhalini namchi la3rasat wala monasabat bsita lah y3awankom 3la 3radatkom tbarkelah 3likom
                  sigpic
                  رب اجعلني مقيم الصلاة ومن ذريتي ربنا وتقبل دعآء

                  تعليق


                  • #10
                    المشاركة الأصلية بواسطة sarahgirl مشاهدة المشاركة
                    لواه الحبيبة ديالي حتى حنا كنتعرضو
                    أنا يا للا ماكنحيرش بزاف ماعندي مشكيل المهم نبان أنيقة هناني الله مكنمشيش الكوافورة ماشي ماعنديش الشعر ههههههههههه كنلبس الفولار أكنختارو فنفس اللون ديال القفطان ماكياج خفيف و صندالاا ديال الحضور بالطالون تكون ف نفس اللون ديال الساك الكادو كنكون موجداه قبل احطاه كيساين غي نهزو ملي نكون واجدة هههههههههههه
                    تبارك الله عليك اختي
                    شكرا عى المرور

                    المشاركة الأصلية بواسطة OMO 3ISSAM مشاهدة المشاركة
                    Ana akheti kanetekarefess meli kankon me3eroda ya3eni
                    kan khassar felous f kewafoura wila beghit nebedel kanekeri ikesisewarat o3ad kadou beha9 mou akharan reja3et kane3eti
                    felous
                    باز ليك اختي
                    ايوا الا عندك 2 مناسبات او 3 في الشهر راها ميزانية ومانضة موظف

                    المشاركة الأصلية بواسطة amina_l_2009 مشاهدة المشاركة
                    شكرا على الموضوع وخلينا نتعاودو شوية نستافدو ونفيدو
                    اول شيء الى كانو الناس الي عارضيني ناس بسطاء وعاديين ومداخلة معاهم كندي شي حاجة في ايدي من صتع يدي نعاون بها يا في تدواز اتاي يا حاجة تنفع الي عارضيني من بعد
                    الى كانو ناس ما داخلاش معاهم بزاف ومستواهم اعلى مني شوية لابد نلبس مزيان وندي كاطو وورد
                    حادكة يالالا ماعندي مانسالك
                    شنو كتقصدي بكندير شي حجة من صنع يدي واش كتصدي كادو يعني طرز او خياطة او كتقصدي حلوة او شي شهيوة

                    المشاركة الأصلية بواسطة مغربية يناس مشاهدة المشاركة
                    انا يلالة تندخل الحمام تندير حمام مغربي على حقو و طريقو وفاش تنخرج تنصاوب مساج لرجلي وتنصاوب يديداتي وتنقطع ضفراني ونقادهوم بالمبرد وتندير الوجهي الماسك ومن بعد تنلبس وتندير حجابي يكون فلون لبسا وندير ساك وسباط فنفس لون
                    يلاكانو ناس لاباس عليهوم تندي الكادو وبلا كانو على قد الحال تنعطي فلوس
                    ويلا كنت معروضة عند العائلة يعني غير غدا تندخلو معانا ديسير والموناضا وسافي
                    الالا تبارك الله عليك وبصحتك الحمام

                    المشاركة الأصلية بواسطة omochahd مشاهدة المشاركة
                    00000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000
                    سلام انا بعد ملي كنتعرض كنمشي كالوعد مع السعد معا عندي واحد زوج بنات ما يخالوني ندير واااااااااااااااااالو ههههههههههههههههههههههههههههههههههههههههههههههه
                    ضحكتيني
                    فكرتيني في راسي
                    غي انا ما كنديش معايا بناتي
                    اللهم نكلس في داري
                    حيت مبرزطات ومفششات
                    عاد تيبان ليهم الطواليط والنعاس والجوع...........

                    المشاركة الأصلية بواسطة دكتورة ام رشى مشاهدة المشاركة
                    ايوة موضوع غزال هادا باش نستافدو من الاخوات شوية انا منين تنتعرض تنهتم بشنو غندي اكتر من راسي لان راسي كنقدو حتى لاخر لحظة معنديش فيه مشكل كنوجد شي حاجة زوينة بيدي بتي فور حلبيوات شي حاجة فحال هاكا متاع الماكلة الى كان شي حد قريب كان شي حد بعيد كنشري معايا شي حاجة او لا كناخد شي حاجة عندي جديدة كنسد بيها داك الباب حيت عرضاتي كتار فحال تكون شي حاجة عندي ديال ديكورات فكرطونتتها او لا ثوب زوين او لا شي حاجة الى كانو ناس بلدين الى كانو ناس طبقة اخرى فكناخد شكلاط او زوين او شي كادو لداري الصغار الى عندهم و بنسبة لراسي كنكون دايرة ماسك قبل او انا تنوجد كنغسلو او ندوز سيشوار على شعري لانو مسشواري من عند ربي هههه دغيا كيسربيني او على حساب العراضة كنقادو اما مشيطة خفيفة بيدي شي نهار نحط ليكم طرق لمشيطات غزالين من يدي او لا كنخليه مطلوق و كنوجد حوايج لي غنلبس عند ناس اما تقليدي او عصري او حوايجي تلخروج راه كيكونو معروفين لبسة بصندالتها او صاكها و التحت متاعها او مكياج خفيف الى كانت حفلة ضيقة كان ناس بزاف كيكون مكياج مختلف او كتزيدي الرموش او العدسات او تلصاق لاخر هههههه مرسي على الموضوع
                    تبارك الله عليك وخلاص تيباني لي عندك دكتوراه في التاويل هههههههههه
                    ماعندي مانسالك

                    المشاركة الأصلية بواسطة amanarre مشاهدة المشاركة
                    و عليكم السلام و رحمة الله

                    موضوع زوين

                    بالنسبة لي حسب العراضات

                    يعني لو كانت عراضة لعشية مثلا كاسكروط عند صديقة او قريبة
                    فمكنمشيش بيدي خاويين ، لابد نوجد مندي معايا (پلاتو ديال الحلوة او السابلي او مشكل مالح رغيفات مسيمنات او حريشات او بطيبطات او مملحات او حلو)

                    لو كانت عراضة غذاء مثلا فكندي معي باني مشكل من الديسير يعني كنشري فواكه منوعة و نعملها فسلة و نزينها و ندخل بيها

                    لو كان عراضة عشاء فكندي معي حلى كيك اما ديال الدار لو عندي الوقت او مشري

                    المهم هو اني لما نكون ضيفة نضايف على خفيف باش مندخل بيدي خاوين

                    لو كانت اول مرة غنمشي عندها فكندي بالاضافة للاكل بروك يعني كادو للدار باش متكونس دخلتي خاوية
                    و طبعا الكادو حسب نوع الزيارة رسمية او عادية
                    و اللباس ايضا

                    و حسب واش غير بيني و بينها او غيكون نسا اخرين معروضات يعني الظروف هي للي كتحكم


                    اما فالمناسبات مثل الاعراس و السبوع و الحضور بشكل عام
                    فايضا حسب شكون للي عارضة عليا يعني درجة قرابتها لي
                    (ماشي القرابة العائلية انما القرابة الشخصية يعني طريقة تعاملنا مع بعض هي للي كتحدد اش عنقدم واش غنوجد)

                    لو كانت شخص عادي كنقدم ليه كادو حسب امكانياتي فداك الوقت يعني للي عندي كنقضي بيه
                    لو كانت قريبة لي فلو عندي فلوس كنعطي جوا (اغلبية كنفضل نهدي فلوس بدل كادو ) لو مكانوش عندي ديك الوقت يعني مبلغ يليق بالمهدى له و كانت قريبة لي فالشخصية يعني كنعرفها و كتعرفني مزيان بحال الاخوات فكناخر تقديم الانڤلوب حتى يكونوعندي فلوسها و كنعتذر طبعا و كنقدم هدية رمزية

                    طبعا فالمناسبات الكبيرة (خطوبة، عرس....) كنلبس لباس تقليدي اغلبية كنكري لبسة تليق بالمناسبة مع فولار و سباط و ساك مناسبين ،
                    و لما كندخل كندخل معي بواتتة شكلاط او حلى او ورد او ديسير پانيي ...
                    طبعا حسب نوعية العراضة فدار فقاعة فمنزه...


                    لو كنت معروضة على برى يعني لغذاء او قهوة او عشاء
                    فمطعم او مقهى فكنقتارح المشاركة فدفع الحساب طبعا الطرف الثاني لا يقبل ههههه
                    لكن كنردها بعراضة مماثلة فمكان مغاير لما تتاح لي فرصة

                    هادشي للي تفكرت دابا
                    ويلى تفكرت شي حاجة اخرى نرجع نكتبها
                    افكارك هائلة اختي امنار
                    وبالمناسبة مني جيتي لموضوعي حصلتي هههههههه
                    انا اعبر لك عن اعجابي بمواضيعك ووصفاتك
                    انا في الحقيقة من بين الوصفات الي كنزعم عليها في المنتدى هي الوصفات ديالك
                    ايلا جاتني شي مناسبة كنبدا بهم
                    واخا ماكتابليشي نتعامل معاك في التجارة
                    راني سبق لي اتصت بيك هادي 3 سنين قبل عيد الاضحى بايام باش نشري داك اروبو العجان اللي فيه 5 ااستعملات وكان ب 1500 درهم
                    بغيت 2 لي ولاختي
                    قلتي لي سالات الكمية الي عندي وغادي نجيبهم من عند السيد اللي تيبعهم
                    اتصلت بك شي 2 د المرات لقيتو باقي ما جاش
                    وطبعا الفلوس طاااااااارت
                    ومابغيتش نشري شي حاجة اخرى
                    وراه اختك باة الى يومنا هادا كتعجن بيديها
                    مشكورة على المرور والتثبيت

                    المشاركة الأصلية بواسطة madame elhabri مشاهدة المشاركة
                    Ana akhti mamnou3a 3liya la3rada rajli makaykhalini namchi la3rasat wala monasabat bsita lah y3awankom 3la 3radatkom tbarkelah 3likom
                    باز ليك اختي
                    يمكن عاد مزوجين كاين شي رجالة ما يخليو عيالاتهم يتحركو بحرية حتى كيولدو او لا؟
                    واش حتى في امناسبات ديال عائلتو ماتحضريش ؟ مايمكنش
                    على الاقل راكي كتتعرضي انت واياه عند العائلة شي عشاء او غداء المهم
                    شاركي معانا ادا فات ليك زرت شي حد اصدقاء او عائلة ماشي بالضرورة تكون العراضة فشي مناسبة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X