إعـــــــلان

تقليص
لا يوجد إعلان حتى الآن.

أول عراضة لك؟؟؟؟؟ آجي نتعاونو عليها/ تمت إضافة بعض المقادير

تقليص
هذا موضوع مثبت
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أول عراضة لك؟؟؟؟؟ آجي نتعاونو عليها/ تمت إضافة بعض المقادير




    عروسة جديدة ألف مبروك وربي يثبت الغرس، الناس جايين يباركوا لكم انت و راجلك، و قررتوا أو غالبا راجلك هو اللي قرر يدير لهم ضيافة، خايفة، تالفة، مضطربة، و لكن باغية تبيني حنة يديك و تحمري لراجلك وجهو و ترضي ضيوفك؟ توكلي على الله، وآجي نعطيك بعض الأفكارو الإقتراحات، و انتي قرري من بعد:

    1. نظفي دارك و شمسيها و هويها





    وجدي الفوطات،



    لي ناب والمنادل صبنيهم و حدديهم +
    لي ناب ديال البلاستيك عادة تيتحتاجو بحساب ثلاثة فالطابلة أو أكثر على حسب شحال من نوع ديال الأكل.
    و لكن اقتراحي هو
    حسب أنواع الأكل اللي غادية تقدم و طريقة تناولها، بمعنى إلا كنت غادية تصبي لضيافك الأكل ديالهم كل واحد فالطبق الخاص به، و حطيتي من الأول قدام كل واحد عدد الأطباق المناسب لأنواع الطعام، بلاش منهم غير واحد يكفي: قدمي الأكل فوق الناب ديال الثوب و المنادل ديالو مباشرة حتى يكملو و فوقت تقديم القهوة و الشاي، من الأول اختاري زوج ديال لي ناب ديال الثوب زوينين، فرشي الأول بلا منادل، وفوقو واحد ديال البلاستيك ، عاد الآخر ديال الثوب و المنادل ديالو، و حطي الأطباق و الكيسان و الملاعق و الشوك و السكاكين،( الناب ديال البلاستيك غادي يمنع تسرب أي سائل وقع بالغلط أثناء الأكل).و لما يكملو تناول الديسير هزي الناب الفوقاني و ديال البلاستيك لي تحتو و وزعي المنادل ديال الناب الأول, تنظن هذا أريح لك حيت كلما غيرتي ناب بلاستيك غادية تكوني مضطرة لتغييرالأطباق..إلخ



    فويطات صغار بعدد المدعوين+ 6 احتياط باش تبلليهم بماء زهر أو ماء و كولونيا و تحطيهم وراء الماكلة للضياف باش يمسحوا يديهم باش تنقصي عليك روينة غسيل اليدين: إلا الحال بارد خاصهم يتقدمو سخان: حطيهم فطبق زجاج و من الأحسن يكون هو نفسو لي غادية تقدميهم فيه غطيهم بالبلاستيك الغذائي و دخليهم زوج دقائق للمايكرووند، وإيلا الصيف غير باردين.



    2. المواعن:الصواني ديال آتاي, طباسل، كيسان، زلايف، شوك، ملاعق، سكاكن ....إلخ كلشي يتغسل و يتمسح و يتوجد على تيساع .



    وجدي أيضا بلاستيك غذائي/علب بلاستيك بالأغطية ديالها / 4 أحواض= بانيوات بلاستيك كبيرة/1 بانيو بلاستيك كبير:

    -البلاستيك الغذائي: أول ما ترجعي طبق أكل رئيسي انتهاوا منو الناس، غطيه مزياان بالبلاستيك الغذائي حتى يمشيو الناس و نشوفو آشنو غاديين نديرو به.
    -علب البلاستيك: غادين نحتاجوها فالأخير، من بعد و نقول لك.
    -4 أحواض= بانيوات بلاستيك كبيرة: حطيهم بجانب بعض فالمطبخ، أول ما تهزي الطباق و الكيسان ..إلخ من فوق الطبلة، حطي الأطباق فبانيو، الكيسان فبانيو...إلخ باش يسهال عيك الغسيل ديالهم
    -بانيو بلاستيك كبير: حطي فيه أطباق التقديم الكبيرة

    3.ديري كريم لرجيلاتك, ماسك لشعرك و لوجهك, حيت الناس جايين يتضايفو و يشوفوك خاصك تكوني مشرقة، ووجدي آشنو غادية تلبسي على تيساع: تيبقى القفطان البلدي المغربي فرأي أحسن اختيار، مستور، شكل جميل،
    مع شي تخميلة وتزارة مريح للشغل.


    التعديل الأخير تم بواسطة أم عمر وسلمى; الساعة 24-09-2012, 19:09.

  • #2
    مع إضافة المقادير و الطريقة


    اقتراحات حسب الميزانية:

    ميزانية بسيطة:


    جرت العادة المغربية أننا تنستقبلو الضياف بأتاي و الحلوة أول ما تيسخنو بلاصتهم، آتاي ما فيه مشكل، الحلوة تيخصنا نوجدوها على الأقل بثلاث أيام و نرتبوها فالبلاطويات باش تبقى محافظة على الطعم و الشكل ديالها، اقتراحي هو عجين صابلي واحد خرجي منو شكيلات حسب ذوقك و إمكانياتك، عجين صابلي اقتصادي و تيخرج كمية كبيرة بزاااااف:
    رابعة مركرين4كيسان زيت 4 كيسان سنيدة4 بيضات 4 خمارات 4 فاني رشة ملح
    الطحين حسب الخليط العجين تكون ما قاسحة ما مرخوفة.
    طبعا بعدما تقسميها و تنسميها،على حساب الإضافات لي بغيتي تزيديها: كاكاو، لوز، كوك، كاوكاو،شكلاط إلخ... نوعي منها الأشكال و الألوان,(حاولي تطحنيها شوية أو تخدميها مزيان بيديك مع السوائل حتى تذوب)

    و حتى إلى بقات عندك العجينة سدي عليها فأكياس بلاستيك و ديريها فالثلاجة راها تتصبر حتى ل 15 يوم.
    و يكون أحسن إيلا كنت عروسة جديدة تسبقي شوية التمر و الحليب+ ماء زهر


    و غاديين نوجدو أيضا كيكة و نزوقوها بالشكلاط و الكوك أو كاوكاو

    طريقة السيدة أمينة سامي
    http://www.anaqamaghribia.com/vb/showthread.php?95202-

    باش نقدموها فالأخير مع القهوة كحلة، و صينية أخرى ديال أتاي و الحليوات اللي وجدنا.
    2.السلطة:


    الروزمصلوق+ الطون +خيزو محكوك غليض و معصور+ زيتون أسود مقطع + ذرة + كورنيشونمحكوك غليض+ مايونيز+ إبزار+ ملح+زيت زيتون+ شوية عصير الحامض, جمعي العناصر كلها، دهني طبسيل غارق أو سوبيير بالزيت عمريها بالخليط غطيها جيدا بالبلاستيك الغذائي و دخيها للثلاجة تجمع راسها، قلبيها مباشرة فطبق التقديم و زيني غير الجناب بالخس بلا ما تفرشيه حيت غير تذبال و يضيع، و زوقي الجناب بشوية الخضر مسلوقة و الزيتون و البيض مسلوق، و ما تخوي على الخضر مسلوقة الدريسينغ: صلصة الخل و الحامض و زيت الزيتون و الملح و لبزار إلا قبل التقديم مباشرة, و بالنسبة لطريقة التقديم تنصح بمشاهدة رابط
    وصفة السيدة راجية حسن الخاتمة
    :
    http://www.anaqamaghribia.com/vb/sho...C3%E1%E6%C7%E4

    3. اقتراحات أطباق اللحم حسب عدد و جنسية الضيوف و الإمكانيات المادية المتاحة:
    كسكس اللحم بالخضر و التفاية من الفوق،

    طريقة السيدة wassila_yousra
    http://www.anaqamaghribia.com/vb/showthread.php?112261-

    طبعا يمكن استعمال الكسكس الجاهز و إضافة التفاية عند التقديم

    طاجين لحم بالخضر،




    نقلليو اللحم مع
    و الملح والبصل و الطماطم و شوية الثوم و الزيت الزيتون و ليبزار و الخرقوم والملون الغذائي و سكين جبيرو التحميرة /اختيارية ورشيشة صغيرة قرفة /اختيارية، فطنجرة الضغط مزيان ونرويوهم بالماء الكافي، و نسدو الطنجرة حتى يطيب اللحم، ثم نصبو القليل من المرق فالطاجين و نحطو قطع اللحم و نستفو فوقها الخضرلي اختارينا نخضرو بها بطريقة جميلة،نرشوها بالقسبور و المعدنوس وشوية الثوم مقطعين و نصبو باقي المرق ، نغطيو الطاجين و نحطوه على صفيحة و نخليوه يطيب فوق نار هادئة و من الأحسن الفحم، نزينوه حسب الذوق و نقدموه .

    سفة الشعرية مدفونة باللحم مبخر,


    وصفة السيدةamina_l_2009
    http://www.anaqamaghribia.com/vb/showthread.php?162945-

    بخري اللحم بالطريقة المعهودة، و فطبق التقديم، ديري طبقة ديال السفة ثم طبقة ديال اللحم، ثم غطيها جيدا بطبقة أخيرة ديال السفة و زينيها حسب ذوقك.

    طاجين لحم بالفواكه الجافة و المكسرات،


    وصفة السيدة أسية
    http://www.anaqamaghribia.com/vb/showthread.php?94252-

    طنجية لحم بالحامض مصير،


    المقادير:بالنسبة ل1 كلغ ونصف لحم:
    ـ 1 كلغ ونصف الكيلو لحم خروف أو عجل.ـ ستة فصوص ثوم
    .ـ ملعقتان كبيرتان كمون.ـ ملعقة سكين جبير .ـ ملعقة بابريكا/تحميرة.ـ ملعقة قسبور يابس مطحون.ـ ملعقة ممزوجة زعفران حر+ خرقوم بلدي.ـ حامضة مصيرة مقطعة أربع قطع.ـ ملعقة كبيرة رأس الحانوت.(التابل والكروياء و الزنجبيل والقرفة والفلفل الأسود والكركم وشوش ورد الكل مفروم ناعم)
    ـ100g سمن بلدي حر.ـ نصف كأس زيت الزيتون.ـ نصف كأس زيت
    أركان و إذا لم يتوفر فكأس زيت زيتون.ـ كأس كبير و نصف ماء.ـ ملح حتى الآخر نذوق بعد النضج و جفاف المرق.
    طريقة التحضير:
    يوضع اللحم في الطنجية ثم باقي العناصر كلها يمزج الكل جيداً ,تغطى الطنجية بورق الألمنيوم بإحكام، ثم
    نثبته جيدا بالقنب، ثم نثقب ورق الألمنيوم نثقبة بخلة الأسنان ثم نأخذها إلى الفرناتشي أو نضع الجمر في طنجرة الضغط ثم نضع فيه قدر الطنجية واقفا طبعا أما إذا تعذر الحصول على القدر الخاص بالطنجية فإننا نضع قطع اللحم و باقي العناصر في طنجرة الضغط و نضيف الماء الكافي لطهوها, ثم نحكم إقفال الطنجرة و عندما تصفر نهدئ النار على الآخر و نتركها مدة ساعة إلا ربع بعد ذلك نراقب نضج اللحم : إذا نضج و بقي لدينا في الطنجرة مرق كثير,نزيل اللحم و نحتفظ به جانبا, نعلي النار و نترك الطنجرة فوقها حتى يخثر المرق يجب أن يكون قليلا وسميكا ثم نعيد اللحم. أما إذا لاحظنا عدم نضج اللحم فنتركه فوق النارالهادئة مثل السابق ربع ساعة أخرى حتى نتأكد من نضجه,
    وعندما تنضج نصبها في طبق التقديم.
    مروزية بالزبيب و اللوز.


    وصفة السيدة mounia maaroufi
    http://www.anaqamaghribia.com/vb/showthread.php?163048-


    تعليق


    • #3
      اقتراحات أطباق الدجاج حسب عدد و جنسية الضيوف و الإمكانيات المادية المتاحة:

      كسكس دجاج بالتفاية


      فيديوإحدى حلقات شهيوات بلادي موضحة فيه الطريقة



      طاجين دجاج بالخضر,

      نفس الطريقة النصيب ديال الدجاج المحمر فالطاجين مع إضافة الخضر حسب الذوق

      سفة الشعرية مدفونة بالدجاج,


      السفة
      نفس طريقة السفة السابقة،
      الدجاج :
      نعملوالدجاج مقطع و منظف من الجلد ومرقد مسبقا فالتوابل (مروزية/ اختيارية , بزار, زنجبيل, شوية ملح, زعفران حر شعرة, زعفران الملون,سمن) في طنجرة نضيف له البصل المقطع وأعواد القرفةوسمن يتقلى الكل مع زيت, نضيف له القليل من الماء فقط ونغطي الطنجرة حتى يطيب الدجاج ,لما يطيب الدجاج ندهنوه بشوية السمن و ندخلوه للفران يتحمر شوية نوقفو الدغميرة جيدا
      التقديم:
      نقسمو السفة لنصفين الأول نمزجوه جيدا بالدغميرة و نوضعوه فطبق التقديم، ثم نوضعو قطع الدجاج فالوسط، ثم نمزجو حليب مركز محلى مع الطبقة الثانية أو فقط سكر كلاصي و الزبدة، و نحاولو نغطيو بها الطبقة الأولى جيدا، ثم نزينها حسب الذوق.
      دجاج محمر بالزيتون و الحامض مصير,

      طريقة الأختjaimie
      http://www.anaqamaghribia.com/vb/showthread.php?157674-

      رفيسة حلوة بالدجاج.


      الرزيزة بطريقة سريعة
      طريقة السيدة المتوسلة
      http://www.anaqamaghribia.com/vb/showthread.php?71421-

      نرشو مقلاة سخناها فوق النار بالزيت و نخبزو الرزيزات على نار متوسطة من الجهتين و هوما تيطيبو, و احنا تنحلوهم,و لي طابت نحطوها فمنديل نظيف و ندخلوها لكيس بلاستيك و نقفلو عليها, مني نكملو الكمية كلها نحلوها مزيان بيدينا و نبخروها
      الدجاج :
      نعملوالدجاج مرقد مسبقا فالتوابل (مروزية/اختيارية , بزار, زنجبيل, ملح, زعفران حر شعرة, زعفران الملون,سمن) في طنجرة نضيف له البصل المقطع وأعواد القرفةوسمن يتقلى الكل مع زيت, نضيف له الماء الكافي للمرق ونغطي الطنجرة حتى يطيب الدجاج ,لما يطيب الدجاج ندهنوه بالسمن و ندخلوه للفران يتحمر
      التفاية:
      نقطع البصل على شكل هلال و نزيدو عليه من مرق الدجاج + زبدة و نخليوه حتى يطيب، و فهاد الأثناء نغسلو الزبيب و نرطبوه فالماء، لما يطيب البصل، نضيفو الزبيب +القرفة مطحونة + العسل أو السكر، و نخليوه حتى
      ينشف من الماء ويتعسل .
      التقديم تبخر الرزيزة و توضع في طبق التقديم و تسقى بالمرق و يوضع الدجاج فوقها ثم التفاية,و تزين حسب الذوق.

      إلا كان عشاء و خصوصا فالحال بارد زيدي حريرة



      الحريرة

      نقلي قطع اللحم أو
      الدجاج مع البصلة محكوكة و العدس مرطب من قبل و الحمص مرطب من قبل و مقشر كرافس قسبور معدنوس سمن إبزار سكين جبير ضامة البنة عوض الملح خرقوم بلدي ملون غذائي، ثم نضيف القدر الكافي من الماء و نخليوها حتى تطيب قطع اللحم ، و فهاد الأثناء تنوجدو التدويرة ديال الطحين بالطحين و الماء وشوية خميرة الخبزأخف من عجين البغريرشوية الكل في الخلاط، و نخليوها. نضيف مطيشة مطحونة، و لما تغلى الطنجرة نحسبو عشر دقائق و ندوروها بخليط الطحين لي خمرو حركناه جيدا+ معجون الطماطم+ السمن+ بزار+ ضامة البنة,ننقصو النار و نزيلو الغطاء و نخليوها تغلي مدة عشر دقائق تقريبا ثم نضيف الشعرية ديال السفة و إلا بغيتي بيض مطرب+ القزبور و المعدنوس مقطعين و نحرك نغطيها و نطفي عليها. تقدم مع قطع الحامض و التمر.

      أو شوربة خضر خفيفة قدميها بعد السلطة

      شوربة خضر
      قطع لحم أو دجاج مكعبات خضر مكعبات بصل بطاطس طماطم بوارو/ كراث جزر لفت كرعة خضراء كرعة حمراء قسبور و معدنوس مقطعين بضع حبات ملوخية مشقوقين بالسكين باش يطلقو لينا الرغى و من بعد نزولوهم إيلا بغينا. نقليو قطع اللحم مع البصل فشوية الزبدة و زيت الزيتون و نضيفو باقي الخضر ضامة البنة عوض الملح شوية إبزارنحركو و نرويوها بالماء الكافي حتى تطيب و ندوروها بماء مخلط بالطحين أو بالنشا مايزنا من الأحسن و الشعرية و قسبور و معدنوس مقطعين و نقدموها بالصحة و الراحة

      ملاحظة: بالنسبة لاختيار الأطباق الرئيسية، نحاولو نعملوهم بنكهات مختلفة عن بعض مراعاة للتنويع، مثلا إلا عملنا طبق اللحم حلو نعملو طبق الدجاج حامض و مالح و العكس صحيح

      و مع الأكل اللي غادي يتكال بالخبز، قدمي شوية سلطات مطبوخة :زعلوك دنجال
      /زعلوك كرعة / فول مشرمل ..إلخ + زيتون


      فرقيهيم على الطابلة فطبيسلات صغارأو طويجنات فحال هادو.



      و ماننساوش طبعا،الماء/ الخبز/ المونادة.


      الخبزالمزوق بطريقة أم آدم2007
      http://www.anaqamaghribia.com/vb/showthread.php?164245-
      5.الديسير لعشر أشخاص: نص كيلو من كل حاجة: بنان/ تفاح/ كيوي/ فريز، احتفضي بخمسة الفريزات للتزيين و إلا بقات شي حاجة قطعيها هي و باقي الفواكه و حطيهم ف1لترعصير برتقال+ جوج معالق كبار سنيدة+ جوج معالق كبار ماء زهر أو شوية الفاني،هاد الكمية تخرج لك الخير و البركة، وديريها فكويسات الديسير، وزوقيها من الفوق بضانون فاني أو بنان و نص فريزة أونعناع المهم حسب الموجود و حسب الذوق



      6.آتاي+
      قهوة بلا حليب مع الحلوة + الكيكة.
      وإلا كان غداء والناس غادين يبقاو حتى للعشية, خلي الكيكة حتى تحطيها مع بغرير
      طريقة السيدة أمينة سامي
      http://www.anaqamaghribia.com/vb/content.php?340-

      مسمن/الرغايف
      بالنسبة للمسمن المربع /الرغايف باش يجيك منفوخ و مورق مزيان، ما تنذوبش الزبدة، غير تنخلط معاها شوية الدقيق حرش أو سميدة رقيقة+ شوية خميرة الحلوة أو شوية الخل و بعد المرات بزوج, و تنعجن كلشي على شكل بومادا، تنطلق العجين بالزيت، و تنسرح فوسطو شوية من خليط الزبدة، و تندير دائما مسمنة فقلب مسمنة يعني 2x1 : تنطوي الأولى, تنسرح وحدة أخرى و تندهنها بنفس الخليط و تندير فقلبها الأولى الطوية للتحت، حتى تنكملهم كلهم، و نغسل إيدي ونسخن المقلاة نار معتدلة و مني تسخن، نرش شوية الزيت حيت الطياب ديال لمسمن تيبغي الزيت باش يجيك محمر و زوين, و تنبدأ نخبز بأول مسمنة صاوبتها.
      حرشة
      بطريقة
      المشرفة الغالية السيدةأم الحلوين
      http://www.anaqamaghribia.com/vb/showthread.php?69988-

      قريشلات
      بطريقة المشرفة الغالية السيدة أم نواف
      http://www.anaqamaghribia.com/vb/showthread.php?28134-=

      مع القهوة بالحليب و آتاي.




      طرق تحضير بعض أنواع القهوة
      وصفة المشرفة العامة الغالية السيدة نوارة ديزي

      http://anaqamaghribia.com/vb/showthread.php?12317-

      مع كلمات الترحيب و الحفاوة, و الإبتسامة على الوجه, عراضة اقتصادية و تتحمر لوجه، خصوصا إذا كنت على وضوء وسميتي الله قبل ما تبداي التحضيرات، و ذكرتيه كثيرا وانت تتحضري تيجي بالتجريب الأكل بنين و فيه البركة بإذن الله

      تعليق


      • #4
        السلام عليكم
        سيري الله يعطيك الصحة هادشي متول وزوين












        تعليق


        • #5
          ميزانية متوسطة:

          زيادة على الإقتراحات السابقة غادية نضيف البعض:

          1. تمر معمر و حليب بماء زهر.



          2.آتاي+ حلوة صابلي و حلقي عليها بالكوك و كاوكاو و الشكلاط + حلوة اللوز.




          3. .سلطة جاردينيير متنوعة، أو فحال السابقة، و زوقيها بشوية الكروفيت مسلوق أو شاركيتريcharcuterie



          4. اقتراحات أطباق الدجاج حسب عدد و جنسية الضيوف و الإمكانيات المادية المتاحة:
          زيادة على الإقتراحات السابقة غادية نضيف البعض
          دجاج معمر بالفيرميسيل و القشيوشات و محمر


          بسطيلة الدجاج و اللوز,



          بسطيلة الدجاج بطريقة الحوت
          تقدري تقدميها فهاد الشكل:



          طاجين دجاج بالشومبينيون و لكريم فريش


          دجاج معمر بسفة الكسكس و اللوز و الكركاع و الزبيب, معسل و مخضر بالفواكه الجافة.

          وصفة المشرفة الغالية بنت بلادي

          http://www.anaqamaghribia.com/vb/showthread.php?44293-




          5.اقتراحات أطباق اللحم حسب عدد و جنسية الضيوف و الإمكانيات المادية المتاحة:

          زيادة على الإقتراحات السابقة غادية نضيف

          طاجين اللحم بالشومبينيون و لكريم فريش





          6. فواكه الموسم و زيدي عليها رشيشة ديال الفواكه الجافة و المكسرات،
          أو سلطة فواكه فحال السابقة +قطع أناناس+ زبيب مغسول و مرطب فالماء من قبل و مسقطر + كريم فريش+ مكسرات+شكلاطة للتزيين, أو طارط فواكه متنوعة.



          7.آتاي + قهوة + الحلويات السابقة + كيكة أو طارط مكسرات.




          وإلا كان غداء والناس غادين يبقاو حتى للعشية, خلي الكيكة أو طارط المكسرات حتى تحطيها مع بغرير، مسمن، حرشة، بريوش, قريشلات مالحين, مع القهوة بالحليب و آتاي.







          تعليق


          • #6
            ميزانية مريحة:

            2.كاطو سواري + عصائر.


            موسوعة العصائر
            وصفة المشرفة الغالية السيدة أم فردوس

            http://www.anaqamaghribia.com/vb/showthread.php?75585-

            3.آتاي مع حلويات لوز+ شكلاطة



            الشكلاط للافراح و المناسبات المشرفة الغالية السيدة أم هداية:

            http://www.anaqamaghribia.com/vb/showthread.php?94674-

            4.سلطة بالخضر و الشاركيتري charcuterie و الفروماج


            أو بالخضر+ كافيار,سومون فيمي، سوريمي, فواكه البح
            ر



            5.
            إلا كان عشاء أحد الإقتراحين السابقين أو شوربة سمك



            قدميهم مع قطبان بيبي أو لحم أو دجاج أو كفتة أو بريوات مالحين أو مملحات متنوعة أو تشكيلة متنوعة مما ذكر





            6. اقتراحات أطباق اللحم:

            زيادة على اقتراحات اللحم السابقة، تيبقى الشوى هو سيد أطباق اللحم فالمناسبات


            المشوي
            وصفة المشرفة الغالية السيدة نورالإسلام
            http://www.anaqamaghribia.com/vb/showthread.php?20140-

            تيترافق طبعا بآتاي زيادة على الماء و المونادة و مانساوش الملح و الكمون و بعض السلطات المطبوخة و الخبز أكيد


            أو الضلعة معمرة و محمرة



            وصفة المديرة الفاضلة السيدة الواثقة بالله
            http://www.anaqamaghribia.com/vb/showthread.php?10-

            وطبعا إلا غيرنا شوية فالطياب و طريقة التقديم، النتيجة غادية تكون متميزة و جديدة



            7.اقتراحات أطباق الدجاج

            زيادة على ما سبق ممكن إضافة اقتراح بيبي معمربسفة الكسكس و اللوز و الكركاع و الزبيب و محمر فالفران



            أو بسطيلة بالحمام


            أو كوكليات معمرين



            8. اقتراحات أطباق السمك
            بسطيلة السمك و فواكه البحر

            وصفة المشرفة المبدعة السيدة أمنار
            http://www.anaqamaghribia.com/vb/showthread.php?118373-

            طريقة اللف على شكل سمكة أم آدم2007
            http://www.anaqamaghribia.com/vb/showthread.php?61140-

            طريقة اللف على شكل نجمة البحرأم آدم2007
            http://www.anaqamaghribia.com/vb/showthread.php?167660-=



            حوتة كبيرة معمرة بالحشوة ديال بسطيلة الحوت أوبالشرمولة ومعمرة بالكروفيت و الكلمار أو حسب الذوق فالفران




            تعليق


            • #7
              9. بالنسبة لاقتراح الديسير

              فواكه الموسم و/ أو كاطو كلاصي فالصيف أو سلطة فواكه جمعي فيها من كل فن طرف




              كاطو كلاصي راقي ديال الباتسري


              وصفة السيدة سليوة لحليوة


              http://www.anaqamaghribia.com/vb/showthread.php?160619-

              قطيفة مغربية بالكريمة و الفواكه
              أوبالكريمة و المكسرات


              البسطيلة بالحليب المسماة قطيفة

              وصفة السيدة زهرة أركانة

              http://www.anaqamaghribia.com/vb/showthread.php?165547-

              10.آتاي + قهوة + الحلويات السابقة + طارطات .



              وإلا كان غداء والناس غادين يبقاو حتى للعشية, بغرير، مسمن، حرشة، بريوش,فيينوازري, قريشلات مالحين, مع القهوة بالحليب و آتاي.






              طلعي تاني للفوق و شوفي مزياااان و فكري، و تشاوري.




              تعليق


              • #8


                صافي بدات تتضح عندك الصورة؟ إيوا دابة قولي باسم الله و على الله توكلت وخودي ورقة و قلم و كتبي آشنو قررتي تصاوبي،
                وآشنو بغيتي تديري فالأكل و الحلوة و المشروبات و الديسير، حسب ميزانيتك، و عدد ضيوفك، و الأكل اللي عارفة راسك غادية تقنيه. و المواد و المقادير اللي خاصك تقدايها، ثلاث أيام قبل العراضة خاصك تبداي فالتوجاد ديال الحلوى، الأكل اللي غادي يدخل للفران طيبيه و ديريه فالمجمد حتى لليلة ديال العراضة و خرجيه من المجمد باش يتطلق و قبل التقديم دخليه للفرن يتحمر باش تقدميه مباشرة ما حدو ساخن، الشوربات أيضا ممكن توجديهم من قبل و تخليهم فالثلاجة حتى يسخنو فوقتهم,تصلقي الخضر ديال السلطة، تصاوبي السلطات المطبوخة، ممكن تطيبي كلشي على تيساع و تحطي فالمجمد أو الثلاجة، يبقى نهار العراضة غير التسخان بالنسبة للماكلة و الخبز و المونطاج بالنسبة للسلطات، و التقديم طبعا.


                نهار العراضة فيقي بكري، نظفي دارك و هويها


                و قبل ما يدخلو الضياف بساعة جيبي طورشون بلليه بالماء عصريه مزيييييان و ضيفي عليه شي معطر مركز ديال الشموع المعطرة و مسحي به الخشب ديال الصالون فين غادين يكلسو الناس، و النوافذ و البيبان، باش تبقى الريحة زوينة، و دوزي به تجفيفة على الدار.

                و سيري قادي لاميزونمبلاس ديال الطوابل الناب السرابت لي كوفير كل حاجة تشد بلاصتها




                و دابا سيري تلبسي و ديري الماء يطيب لآتاي هاهوما الضياف علاين يدخلو....


                خذي نفس عميييق و فتحي الباب و استقبلي ضيوفك و انت مبتسمة بكل ثقة و هدوء و بلا انفعال و بالحفاوة المغربية المعهودة و عبارات الترحاب النابعة من القلب أهلاااا أهلا مرحبا نهار كبيير هذا تفضلوا ... دخليهم و جلسيهم، و أعطيهم خمس أو عشر دقائق ديال الصواب، و استسمحيهم باش تمشي توجدي آتاي، طبعا إلا تعمر قدامهم دائما وفق عادة الضيافة المغربية يكون أحسن, عاود اعطيهم الصواب و لما يبقى لموعد تقديم الأكل ساعة لأن المفروض أنك حضرت كلشي من قبل كيفما اتفقنا، استأذنيهم سمحوا لي خوذوا راحتكم الدار داركم...إلخ ،و انتي غادية للمطبخ جمعي الصينية و الحليوات حطيهم فعلبة بلاستيكية و سديها و طرفيها، الكيسان فبانيو و البراد فبانيو آخر، و الصينية مسحيها وحطيها فمكانها، باش مايكثرش عليك الشغل و تحافظي على إيقاع النظام اللي وجدتي له من قبل

                بداي بالأكل لي تيخصو يسخن
                فالفرن ديريه فالفرن و الإيدام اللي غادي ينزل من الشوى+ الإيدام اللي غادي ينزل من البسطيلة ما ترميهمش, صفيهم كل واحد على حدة، و ديريهم فقريعات زجاجية ينفعوك لاحقا فعمل رغايف الفران مثلا ، و قادي السلطة، الخبز، الماء،المشروبات، السلطات المطبوخة سخنيها و حطيها فالطبيسلات أو الطويجنات، و رجعي جمعي الصينية من قدام الناس إيلا كانوا غاديين ياكلوا فنفس المكان، أما إيلا كنت غادية تقدمي الأكل فصالون آخر أو غرفة أخرى طلبي منهم يتفضلو لها، و طبعا فهاد الحالة راه خاصك تكوني حاطة الطباسل و الكيسان و الملاعق و السكاكن و الشوك و المنادل من قبل، و مني ياخد كل واحد مكانه، بداي تنزلي قدامهم هاداك شي لي قسم الله ، الخبز أولا، الشوكة و الملعقة الكبار ديال التقديم, ثم الماء و المشروبات، ثم السلطة الكبيرة، وطبعا من الأحسن أنك تقدمي الحصص لكل واحد فالطبق ديالوغيييير بالقياس و ردي البال باش لي بان لك خاصو مزال زيده أولا باش تبيني أنك مهتمة بإطعامهم بإيديك و هذا طبعا قمة حسن الضيافة، ثانيا، باش حتى إيلا رجع شي أكل يبقى نظيف ، دائما بكل هدوء و بدون ارتباك ثقة / ابتسامة / ترحاب




                من بعد ما تحسي بالناس قربوا يكملوا استأذنيهم باش تنزلي السلطات المطبوخة و الطبق الرئيسي بعدما تهزي بالطبع طبق السلطة و ترجعيه للمطبخ و تغطيه جيدا بالبلاستيك الغذائي لي اتفقنا عليه من قبل, نفس الخطوات بالنسبة للأطباق الأخرى حتى الديسير، كل ما ترجعي طبق للمطبخ، غطيه جيدا بالبلاستيك الغذائي حتى لمن بعد

                كملوا ضيوفك من الديسير، قدمي لهم الفويطات اللي سبق و بللتيهم بماء زهر أو الماء مخلط مع ماء كولونيا، و عصرتيهم، دافيين فالحال بارد و إيلا كان الصيف باردين,
                و جمعي الطباسل و الكيسان...إلخ فبلاطو بالحاجة بالحاجة حطيها فالبانيوات المعلومين لي فالكوزينة، حتى تخوي الطابلة، ضروري ماغادي يكون شي فتات...إلخ جيبي منديل باش تمسحي و شي حاجة فاش تجمعي لفتات، ديهم للكوزينة عاد رجعي جمعي الناب الفوقاني و ديال البلاستيك لي تحتوغير بالتاويل، و فرقي المنيدلات ديال الناب الأول فوق منو.

                إيلا بانوا لك المواعن قلال و قادرة تغسليهم فغضون ربع حتى لنصف ساعة مثلا، أو كانوا بعض الضيفات لي تيفهمو فالصواب و ناضوا معاك للكوزينة باش يساعدوك توكلي على الله، و قضي الغرض هو الأول، أما إذا كان العكس،خليهم حتى لمن بعد و وجدي زوج صواني واحدة
                لآتاي ولآخرة للقهوة بلا حليب، و الحليوات المعلومين و قدميهم للناس، دائما حافظي على نفس الإيقاع ثقة / ابتسامة / ترحاب، حتى يمشيوا الضياف فحالهم راضيين.

                كان الوقت متأخر و حسيتي براسك متعبة لا يكلف الله نفسا لا وسعها، جمعي لي خاصو يتجمع فالثلاجة و سيري ترتاحي حتى للغد، كنت قادرة تبيتي دارك و كوزينتك نظيفة توكلي على الله،بدلي حويجاتك و لبسي شي حاجة مريحة و بداي بالمكان اللي كلاوا فيه الضياف، من بعد الكوزينة، من بعد شي تجفيفة مزياااانة للدار، خذي دوش

                صاوبي شي طبيسيل / ات من الأكل النظييييييف باش تسيفطيه /هم مع راجلك فسبيل الله للعساس / الكونسيارج ...إلخ لأن الأكل كيفما اتفقنا سربيتيه للضياف كل واحد فطبسيله يعني الأكل لي بقى فأطباق التقديم، و لي غطيتيه مني رجعتيه، المفروض أنه بقى نظيف و طبعا ما تنسايش تخلي منو باش للغذاء ديال الغد وإيلا كان كثير ما فيها باس تذوقي منو الجيران، و حتى الأقارب, و إيلا بقاوا شي لحيمات أو دجاج عينك ميزانك، قطعيهم صغار و ديريهم فالمجمد حتى تعمري بهم من بعد رغيفات أو بريوات...إلخ



                ملاحظة :هاد الموضوع نزلتو لمساعدة الأخوات لي فحاجة ليه بنية خالصة لوجه الله تعالى، وطبعا منتدانا زاخر ماشاء الله بأشكال و أنواع الوصفات الراقية و الناجحة و اللي تليق و تشرف في المناسبات و الضيافات, بعض الوصفات والصور اللي فالموضوع أخذتها من المنتدى و البعض الآخر من النت لتقريب الصورة، و توضيح الفكرة، و أيضا لاقتراح بعض الطرق الجميلة و المبتكرة في التقديم، أستسمح أصحابها و أقول لهم أنكم مأجورون بإذن الله تعالى، كما أعتذر من أخواتي اللي منزلين وصفات مشابهة ما قدرتش نزلها لضيق المجال وتنتمنى من أي أخت عندها شي إضافة ما تبخلش بها علينا، و شكرا. تحياتي :)






                لا تنسوني و أهل بيتي و كل أخت كريمة ساهمت في هذا الموضوع من صالح دعائكن أخواتي بصلاح الدين و الدنيا و الآخرة
                أختكم في الله أم آدم2007

                تعليق


                • #9
                  تنتمنى من أي أخت عندها شي إضافة ما تبخلش بها علينا، و شكرا.

                  تعليق


                  • #10
                    تبارك الله عليك ما عندي ما نقول الله يعطيك الصحة
                    حسبي الله لا إله إلا هو عليه توكلت وهو رب العرش العظيم

                    تعليق


                    • #11
                      جزاك الله خيرا أختي





                      تعليق


                      • #12
                        مشكورة اختي على المجهود الله يجزيك الجنة تبارك الله عليك الله يعطيك الصحة
                        http://tickers.doctissimo.fr/get_tic...uttexte=khalil [http://www.anaqamaghribia.com/vb/ima...ine=1330975154sigpic

                        تعليق


                        • #13
                          ما عندى ما نقول ولا نضيف على لي عملتى غير صلاة على نبي محمد وربي يحفظك ويحفظلك ولدك وفعلا مجهود يسحق تنوه انا غير صورة واحدة ادا نزلتها تتحمقنى ربي يحفكظ وصافى

                          تعليق


                          • #14
                            مجهود جبار و موضوع رائع انا بعدا ستفدت منو بزاف الله يجعل كل كلمة كتبتيها في ميزان حسناتك وعندي واحد الطلب ياريث ديري لينا كل طبق و المرافقات ديالو مثلا الا درت الدجاج محمر باش غنرافقو واللحم حتى هو و هكدا

                            تعليق


                            • #15
                              تبارك الله عليك
                              sigpicيَـآ رَب ُ ،’
                              لآ تَجعَلْ آلدُنيَـآ ، تُفَرقُ بَينَ قلبيِنِ مَـآ تعَـآنقَـآ إلآ مِنْ أجْلِكْ ،’

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X