المفاجأة كيفما واعدت الزميتة الأسطوووورية ديال ماما دخلو يا الحادكات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • المفاجأة كيفما واعدت الزميتة الأسطوووورية ديال ماما دخلو يا الحادكات

    السلام عليكم و رحمة الله و بركاته
    كما وعدت أنا جبت للأنيقات الحادقات ماشي المعكازات جبت ليهم اليوم الزميتة التاريخية ديال منطقة الشاوية اللي أنا تنحدر منها الزميتة مفيدة جدا نظرا للمواد اللي تتحتوي عليها و يمكن الإحتفاظ بها لمدة طويلة علما بأن قديما كانوا الحجاج تياخدوها معاهم في طريقهم إلى الحجاز مني ماكانتش وسائل النقل متوفرة و بالتالي كانت طريق السفر لطولها تتحتاج لشي أكل يكون تيصبر أطول وقت ممكن و في نفس الوقت غني بالطاقة فكانت الزميتة. أما الآن فالناس صبحو تيوجدوها بمناسبة رمضان ولكن بصراحة أنا شخصيا تتعجبني فوقت البرد القارس مع واحد الكويس سخون ديال آتاي مشحر.
    في الواقع هي شوية صعيبة في التوجاد و ما تاتقدر عليها غير للا و مولاتي و لكن بصراحة تتستاهل و أنا تنصح الأخوات الحادكات اللي بغاو يجربوها يبداو غير بواحد الكمية بسيطة حتى يشوفو المهم ما نزيدش نطول عليكم أكثر نشمرو و نبداو على بركة الله.

    9kg كيلو قمح + 4,5kg كيلو شعير + 4,5kg ذرة + 2kg حمص + 3 حبوب الصوجا+ 3kg زريعة الكرعة + 3kg زريعة الكتان 3kg إيلان( يتغسلو ويتشمسو و يتنقاو و نديوهم لعند مول الفران راه تيحمرهم ب10 دريال للكيلو/ ماما كانت تتحمرهم فوق جفنة بحال ديال مول الزريعة على فورنو ديال العراسات في السطح ديال الدار ) + 3 كوزات + 250g قرفة + 250g نافع + 250g حبة حلاوة + 250g كروية + 250gملحة حية 65g كوزة صحراوية+125 مسكة حرة + 125gزعتريابس +125g فليو يابس +125g لويزة يابسة + 125g نعناع يابس+ 125g قشور برتقال يابسين.
    هاد العناصر كلها نجمعوها في خنشة كبيرة و نديوها للطاحونة و مني تجي ندوزوها في الغربال الرقيق ونقسموها على كميات نحطوها فأكياس بلاستيكية نقفلوها جيدا و نحتفضو بها فشي سطل ديال الحلوة مثلا تيتسد نحطوه فمكان دافيء بعيد عن الرطوبة.

    سالينا من التحضير و طريقة الإحتفاض التخزين دابا غاديين ندوزو لطريقة الإستعمال. كاينين 2 طرق للتقديم أهم حاجة أنك تقدميها في فصل الشتاء مع شي كاس ديال أتاي مشحر برزتو;).

    -الأولى: أنك تذوبي واحد الكمية حسب الحاجة ديال الزبدة و العسل و تخلطي معاهم القدر الكافي من الزميتة مع إضافة الجلجلان محمر و بعض المكسرات المحمرة و المطحونة الأخرى حسب الذوق لوز.. كركاع ...إلخ و تتخلطي حتى الحصول على قوام فحال ديال سلو تشكليه و تفنديه حسب الذوق.

    -الثانية (و بصراحة هادي هي الطريقة اللي تتعجبني بزاف ) أنك تتغلي 2كؤوس ماء + 6 ملاعق كبار سكر +4 ملاعق كبار زيت زيتون + القدر الكافي من الزميتة( خصها تجي فحال سيريلاك) حطيها فطبيسلات و رشي عليها جلجلان محمر و قدميها مع الشاي سخون مني يكون البرد للفطور وللا فالعشية بالصحة و الراحة .


    ـ

  • #2
    اللا يعطيك الله الصحة نتي وماماك تنفع فلبرد واخا بدا كايسخون لحال مي وصفة مزيانة

    تعليق


    • #3
      تبارك الله عليك اختي
      اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُبِكَ مِنْ شَـرِّ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ .[البخاري 7/150]

      تعليق


      • #4
        tbarklah 3lik akhti nti wlwalida sfof momtaz mkawat lah y3ti sihiha lwalida

        تعليق


        • #5
          تبارك الله عليك اختي
          باين عليها بنينة
          مشكورة على المجهود

          تعليق


          • #6
            الله يعطيكم الصحة
            sigpic

            تعليق


            • #7
              اهلا و سهلا بكن اخواتي بصحتكم و راحتكم راكم تستاهلوها و تستاهلو اكثر منها, شرفتوني و نورتو هاد الصفحة لهلا يخطيكم يا الحبيبات.

              تعليق


              • #8
                [flash=http://assa97.jeeran.com/azzoz.swf]WIDTH=650 HEIGHT=800[/flash]



                فقد الأحبة في الله غربة

                والتواصل معهم أنس ومسرة
                هم للعين قرة
                فسلام على من دام في القلب ذكراهم
                وإن غابوا عن العين قلنا
                يا رب احفظهم وارعاهم




                تعليق


                • #9
                  الله يسلمك و ينجيك يا الحبيبة شرفتيني

                  تعليق


                  • #10
                    شكرا اختي.


                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X