شوارما بالدجاج بحال دالزنقة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شوارما بالدجاج بحال دالزنقة

    مقادير العجينة
    250غ الطحين الابيض

    1بيضة+نصف معلقة صغيرةالخميرة الخبز
    1معلقة كبيرة السكر+معلقة صغيرة الملح+ماء دافى العجن
    الطريقة خلط المقادير الجافة من بعد زيد البيضة والماء بشوى بشوى حتى ترجع العجينة مخلطة مزيان ومدلوكة بحل العجينة د الخبز
    نخلوها ترتاح مدة15دقيقة نقسموها الى كرات صغيورين بحال اللى فى الصورة


    من بعد نطلقو العجينة بالمطلق ونخلوها رقيقة ورشو شوى طحين باش مدلسقشى العجينةنعملو مقلة تقيلة فوق العافية دكون سخونة وعاى عافية متوسطة
    ومن نعملو الخبز فى المقلة نقلبوها داغية باش دنتفاخ ومنين نكملو الخبز كامل نعملوه فى بلاستيكة باش مايقصاحشى




    دابة نشوفو الحشوة
    نص كيلو الصدر الدجاج او بيبى انا عملت بيبى خليتو ليلة كاملة مرقد فى الثوم وقشو وعصير الليمون

    ومن خرجت من الثلاجة جبت غير
    الدجاج وقطعت طريفات رقوقين


    ومن بعد نعملو الدجاج في مقلاة فيها شوية الزيت ونزيدو عليها الابزار والملح والعطرية الخاصة بالشورما ونحروها مزيان باش تدخل العطرية مزيان فى الدجاج وخليها حتى طيب







    هنا قطعت البصلة كبيرة مربعات صغيرة وعملتا فوق العافية مع شوى الزيت و الملح والابزار بلا متحمر ومن بعد زيت فوق منا شوى شبلور طفت البوطة




    ومن بعد ضيفت البصل على الدجاج




    وباش دعطيها نكهة خاصة بحال دالمطاعم او احسن شفت هده الفكرة فى واحد المنتدى وجربتها وفعلا كاتجى بحال دالمطاعم
    جيبت واحد الفحمة مشعولة وفرشتلا كاغيط المنيوم فى وسط الدجاج وعملت فوق الفحمة شوى الزيت اوالزبدة ونغطيها حتى تاكد بحال ريحة الشواومن بعد زولا عندك دخليها هههههههه










    ودبى وصلنا لاصوص
    نصف كاس صغير طحينة+1سنيونة الثوم محكوك+ماح+ملعقة كبيرة زيت زيتون+واحد دانون مسوس+عصير الليمون حسب الدوق انا عدلت ليمونة


    يخلط اولا الثوممع الملح حتى يدوب تقريباثم يضاف الطحينة والليمون ونخلطو مزيان ومن بعد نزيدو الدانون بشوى وفى الاخير زيت الزيتون(خلطتو فى مولنيكس)











    وهنا جبت البصل+ مطيشة + الكورنيشو (وزيدو الخس انا مكنشى عندى)قطعتوم مربعاتصغار وزيت عليهم لا صوص لعدلت





    وفى الاخير جبت الخبزفتحتوودهنتو



    بشوية لا صوصووزديت عليهم



    البصلة+مطيشة+كورنيشو اللى مخلطين بلاصوص اللى عدلت





    لوتوم عملتوم فى الة خاصة بانينى وقدمتوم مع لصوص









    لا تنسونى صاحبة الموضوع من خالص الدعاء لها ولزوجها واولادها
    منقول







  • #2
    اختي شنو هي العطرية ديال شاورما

    تعليق

    المتواجدون الآن 1. الأعضاء 0 والزوار 1.

    أكبر تواجد بالمنتدى كان 2,525, 26-09-2016 الساعة 21:58.

    شاركي الموضوع

    تقليص

    يعمل...
    X