بيتزا حلوة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بيتزا حلوة



    السلام عليكم و رحمة الله و بركاته،
    اليوم جبت ليكوم وصفة ساهلة و اقتصادية و يمكن ليك تنوعي فيها كما بغيتي. هي فالحقيقة، الفكرة شفتها فواحد المدونة فرنسية ولكن أنا بدلت فيها و درتها بطريقتي.
    المهم، هاد البيتزا الحلوة راه بحال المالحة غير كتزيدي الفانيل فالعجينة. ولكل سيدة طريقتها فعجينة البيتزا.
    الطريقة اللي كندير كالتالي:
    كناخد1 بيضة،1 م ك زيت العود، 1 م ك زبدة رطبة، 2 م ك سنيدة، م ص مركز فانيل، م ص خميرة ديال الخبز، م ص خل، دقيق. كنعجن بماء دافيء حتى تولي العجينة لينة كنغطيها و نخليها تخمر نصف ساعة. من بعد، كنكورها على شكل كرصة. كندهن لاطة ديال الفران، كنحطها فيها و كنبدا نكرص حتى تولي رقيقة. من بعد كنثقبها بالفورشيط مزيان باش ما تنفخش لينا و كندهنها بالزبدة دايبة مزيان، كنقطع الفواكه الي عندي و كنستفهوم فوق العجينة. كنخلط شوية فانيل مع السنيدة و كندردها فوق الفواكه باش يتكرامليزاو و تكون نكهة زوينة. كنزيد شي مربعات ديال الزبدة من الفوق و ندخلها طيب فالفران بحال البيتزا العادية.





    أنا كنفضلها على تارت الفواكة و كل واحد و ذوقو كنتمنى تعجبكوم، جربوها و ردو عليا الخبار.



    بالصحة و الراحة








  • #2
    تبارك الله عليك الله إعطيك الصحة


    تعليق


    • #3
      تبارك الله عليك
      sigpicيَـآ رَب ُ ،’
      لآ تَجعَلْ آلدُنيَـآ ، تُفَرقُ بَينَ قلبيِنِ مَـآ تعَـآنقَـآ إلآ مِنْ أجْلِكْ ،’

      تعليق


      • #4
        romaysati, safiya, الله يبارك فيكوم، شكرا على الردود المشجعة







        تعليق


        • #5
          تبارك الله عليك بيتزا رائعة و ساهلة
          sigpic

          ma petite loulou

          تعليق


          • #6
            شكرا hamidouwa نورتي الصفحة بمرورك







            تعليق


            • #7
              منضر البيتزا كيشهى الله يعطيك الصحة

              تعليق


              • #8
                شكرا أختي إيمان







                تعليق


                • #9
                  انا عرفها غادي طلع زوينة حنت دقت هذا النوع من البيتزا الله يعطيك الصحة

                  تعليق


                  • #10
                    فكرة جديدة اختي الله يعطيك الصحة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X