كريب معمرين

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كريب معمرين

    السلام عليكم ورحمة الله وبركاته
    هده اول مشاركة لي فى منتدى الطبخ
    كريب معمرين
    :s12229:
    مقادير لكريب2 بيضات
    450 غرام حليب
    1 لفاني
    شويت الملح
    معلقة صغيرة سكر سنيدة
    معلقة الى 2 معالق زبدة مدوبة
    الدقيق حسب الخليط , خص مايكون جارى مايكون خاتر لازم يبقى خفيف
    1 معلقة تع الكاكاو

    الحشو الاول
    2 تفاحات مقشرين ومقطعين مربعات
    معلقة زبدة
    50 غرام زبيب
    2معالق كباركاسوند cassonade او سنيدة

    الحشو التانى
    انا جربت وصفة قدمتها اخت في برنامج تع شميسة
    1 كلغ البرتقال محكوك ومسلوق
    375 غم سكر سنيدة
    10 الحبات قرنفل
    نصف لتر ماء سلق البرتقال

    الحشو التالت

    اجاص معلب 4 الانصاف
    شويت الزبدة

    صلصة الطوفى
    1 كاس ونصف شاي سنيدة
    200سنتلتر كريم créme fraiche
    معلقة الزبدة
    وقطرات من نسمت الكوك

    الطريقة

    نخلط الحليب البيض الملح لفاني السكر في الخلاط الكهربائى تم نزيد الدقيق تم نخلط ناخد تلث الخليط و نضيف عليه الكاكو وبهدا غد يكون عندنا 2 تع الخليط واحد عادى واحدبالشكلاط خليهم يرتحو على بال ماوجدت الحشوات

    الحشوة1
    نديرو الزبدة في مقلات فوق النار نزيد التفاح والزبيب ونخلوه يسخن من بعدنزيد الحلاوة ونخلوه يتعسل غلى خاطرو وعلى عافية مهيلة

    الحشوة 2
    ناخد البرتقال نحكوه في الحكاكة باش نزولوليه القشرة لانها كتكون مرة و نسلقوه مع القرنفل
    من يتسلق البرتقال ناخده نقسموه على 4 نحيد الخيوط والعضام
    ناخد نصف لتر من ماء السلق وفيه القرنفل ونحطوه فوق النار ونضيف البرتقال ولما يبد يغلى نزيدالسكر ونقص العافية ونخلوه يتعسل,"كياخد الوقت في التعسال بالحق النتيجة ممتازة"

    الحشوة 3
    كندوز الاجاص شوية في الزبدة ومن بعد نقطعوه على الطول

    الصلصة
    كندوب كاس سكر في معلقة الزبدة حتى يولي كارميل ومن بعد زيد لكريم وحضو من الحريق وبقاو تحركو حتى يتجانس الخليط من بعد كنزيد نصف كاس تع السكر وقطرات من نسمة الكوك ونحرك من تاني حتى يدوب السكر وتجانس الصلصة

    نطيب الكريب

    ناخد طبسيل ونعمرو لكريب 1 بالتفاح ناخد لكريب 2 ونعمروها بالبرتقال لغد نكون قطعناه بعدما تعسل وناخد لكريب3 لغدى تكون بالشكلاط ونحشوها بالاجاص

    نحط لكريب بتلاتهم في طبسيل ونصب عليهم خويطات من صلصة الطوفي
    وبصحة والراحة
    نتمنى مانكونش طولت عليكم بالحق هاد لكريب كي جو لداد

  • #2
    الله يعطيك الصحة


    تعليق


    • #3

      السلام عليكم ورحمة الله وبركاته



      :s11353:

      تعليق


      • #4

        تعليق


        • #5
          مشكــــــــــــوره










          عِندمَا تُمسكُ سَيفاً لِتقْتُلني ..

          إحذرْ أن يَجْرَح يَدُكَ فتُؤلمُنِي ..

          تعليق


          • #6
            اختى كيفاش دارتى الليمون بعد ما اتعسل واش قطعتيه
            وو شحال اديال الطحين تقريبا وشكرا لك








            تعليق


            • #7
              المشاركة الأصلية بواسطة AMINA RHAF مشاهدة المشاركة
              اختى كيفاش دارتى الليمون بعد ما اتعسل واش قطعتيه
              المشاركة الأصلية بواسطة AMINA RHAF مشاهدة المشاركة
              وو شحال اديال الطحين تقريبا وشكرا لك


              السلام عليكم ورحمة الله وبركاته
              اختي امينة رهف بالنسة لدقيق دايما كندير عينى ميزاني وبالملمس كنخد معلقة وكنهز بها الخليط الا كانت ناعمة وماشى خفيفة ومتقلاش كنتوقف عن زايادة الدقيق
              اما بالنسبة الليمون ففكل كريب عملت فيها ربع ليمونة الي قطعتها على طول بعدما تعسلت
              وصدقنى اختي هده الطريقة في تعسال الليمون كتجى لديدة خصوصا القرنفل لكيعطى مداق ممتاز وكحييد سقامة تع الحلاوة
              ومن كتعمري بها الكريب وديري من الفوق الطوفي ليفيه كبحال مداق الكراميل كيجى المداق تع الكريب خارق

              وكنفكر اختي نعسل جلفة الحامض والليمون بنفس الطريقة انشاءالله
              وشكرا لاخت من الدارالبيضاء لتقاسمت معنا الوصفة ديالها



              تعليق


              • #8
                رد: كريب معمرين

                بالصحة

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                شاركي الموضوع

                تقليص

                يعمل...
                X