إعـــــــلان

تقليص
لا يوجد إعلان حتى الآن.

البيتزا للي درت اليوم . العجينة كتجي هشييييييييشة و بنينة و الحشوة انتوما و دوقكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • البيتزا للي درت اليوم . العجينة كتجي هشييييييييشة و بنينة و الحشوة انتوما و دوقكم

    بسم الله الرحمان الرحيم

    اللهم صل على سيدنا محمد الحبيب و على آله و صحبه أجمعين

    اليوم و جدت بيتزا للي مولفة نديرها و العجينة و لله الحمد كتجيني هشيشة و مداقها زوين

    بصح غير قبلو عليا راني مصورتش المراحل كاملة, حتى طيبتها نصف طياب و عمرتها عاد صورتها ليكم

    هادي اول مشاركة ليا فقسم المعجنات و نمنى تجربوها و تعجبكم و الله لا يحشمنا


    مقادير العجينة

    *الدقيق القياس للي بغيتي حسب عدد الأفراد(بالنسبة ليا 600g)

    *3معالق زبدة ( أو زيت حسب الاختيار بصح الزيت نصف كاس)
    *خميرة كيماوية على حسب العجينة للي راه توجدي ( انا ندير 1 ألزا)
    * الملح + السكر
    *بيضة
    *معلقة زعتر
    *راس معلقة صغيرة خميرة الخبز (غير شوية)
    *معلقة صغيرة فلفلة حمراء
    * حليب دافئ أو الماء دافئ للي بغيتي باش تجمعي الخليط

    (شي مرات كنزيد فيها بصلة محكوكة حتى هي تزيدها البنة و تبقى اختيارية)


    الطريقة

    تاخدي الدقيق + الزبدة دوبيها و بسِيه بها مزيان و تزيدي باقي المقادير الملح+السكر+الزعتر فرتتيه بين يديك+معلقة فلفلة حمرا+الخميرة الكيماوية و خلطيهم مزيان حتى يتجانسو ومن بعد زيدي خميرة الخبز للي تكوني دوبتيه فالماء دافئ و زيدي البيضة و جمعي الخليط بالحليب دافئ حتى تحصلي على جعينة البيتزا .

    و انتوما حادكات ما شاء الله عليكم بلى منكتر الشرح راه منكم تعلمت بزااااف و مزالني نتعلم


    العجينة خليوها ترتاح و بداو توجدو الحشوة للي بغيتو



    انا اليوم عملتها بسيطة و جات لذيذة و لله الحمد

    خديت 3 ماطيشات و حكيتم و درت معاهم الملح+البزار+الكمون+زيت الزيتزن(أو الزيت العادية)+ معلقة صغيرة زعتر(فرتتيه بين يديك) وصبري ضوية و زيدي 2 معالق مطيشة صوليص (Solis) و خليتهم يتشحرو مزيان

    خديت 2 بصلات كبار و قطعتهم + 2 خيزو كبار و حكيتم . درتهم فالمقلة و درت معلقة صغير زبدة و شوية ملح و شوية بزار و4/1 دامة البنة و غطيت عليها و خليتها الطيب

    خديت لحم الديك الرومي و قطغعت قطع صغيرة و درتليه غير الملح و قليتو, مللي حطيتو بديت نفرتتو (بحال الدجاج مللي نصاوبو البسطيلة)

    حكيت شوية كاشير و خلتو و قطعت الزيتون الأخضر دوائر رقيقة و حكيت شوية فرماج أحمر

    مللي طابت العجينة نصف طياب خرجتها و دهنتها و هي مزالها سخونة ب 2 مثلثات البقرة الضاحكة, غير دوزي يدك عليها و هو يدوب بالحرارة وراه يعطيها لذة زينة انا بعدا تعجبني
    من بعد خويت لاصوص و البصلة + خيزو و لحم ديك الرمي للي وجتهم و زيتنها بالكاشير محكوك و الزتون و الفرماج الأحمر و صورتها ههههه عاد دخلتها تكمل طيابها

    هادي صورتها فنصف طياب

    اضغط على الصورة لعرض أكبر.

الإسم:	Photos-0244d.jpg
مشاهدات: 2
الحجم:	48.6 كب
الهوية:	17420481

    هادي الصوةر مللي خرجتها من الفرن

    اضغط على الصورة لعرض أكبر.

الإسم:	Photos-0249.jpg
مشاهدات: 2
الحجم:	83.8 كب
الهوية:	17420482


    و هذا مورصو لأخت للي تدخل الأولى هههههه

    بالصحة و الراحة
    اضغط على الصورة لعرض أكبر.

الإسم:	Photos-0251.jpg
مشاهدات: 2
الحجم:	65.6 كب
الهوية:	17420483


    قبلو على هاد الوصف للي على قد الحال
    بصح العجينة راها روعة بشهادة الجميع للي داقوها من يدي
    جربوها مغاديش تندمو


    ايوا شجعوني هادي اول مشاركة ليا فالطبخ ههههههههه


    كريدي البنك شنو غير فحياتك ؟

  • #2
    تبارك الله عليك.مممممممم كتشهي.ديك القطعة ديالي ياك؟

    تعليق


    • #3
      ديالك اختي بصحتك و راحتك

      تستاهليها و تستاهلي ماكتر راه عاد باقي ايلا بغيتي نزيدك على الراس و العين


      كريدي البنك شنو غير فحياتك ؟

      تعليق


      • #4
        تبارك الله عليك باينة لذيذة و كتشهي، اليوم إن شاء الله نحاول نجربها.

        اللهم إني أستغفرك من كل ذنب تبت إليك منه ثم عدت فيه وأستغفرك من كل عمل أردت به وجهك الكريم فخالطني فيه غيرك وأستغفرك من كل نعمة أنعمت بها على فاستعنت بها علي معصيتك وأستغفرك يا عالم الغيب والشهادة من كل ذنب أتيته في ضياء النهار أو سواد الليل في ملأ أو خلاء أو سر أو علانية يا أرحم الراحمين .. اللهم أمين يارب العالمين.



        تعليق


        • #5
          ربي يخليك أحبيبة

          تعليق


          • #6
            المشاركة الأصلية بواسطة beauty87 مشاهدة المشاركة
            تبارك الله عليك باينة لذيذة و كتشهي، اليوم إن شاء الله نحاول نجربها.
            الله يبارك فيك اختي شكرا على المرور الطيب

            جربيها وماتعكزيش و باذن الله غادي تعجبك راه العجينة هشيشة و لذيذة

            و الله لا يحاشمنا


            كريدي البنك شنو غير فحياتك ؟

            تعليق


            • #7
              المشاركة الأصلية بواسطة rose44 مشاهدة المشاركة
              ربي يخليك أحبيبة
              و يخليلك للي عزيز عليك


              كريدي البنك شنو غير فحياتك ؟

              تعليق


              • #8
                تبارك الله عليك
                نحاول نجربها باينة لذيذة بزاف
                (اللهم يسر ولا تعسر)





                * فهرس وصفاتي * متجدد
                http://www.anaqamaghribia.com/vb/showthread.php?t=247578&
                p=4985486#post4985486

                تعليق


                • #9
                  شكرا علي مروريك علي مجهوديك الله يعطيك الف عافية
                  اصـبِرْ لِكُلِّ مُصِيبَةٍ وَتَجَلَّدِ *** وَاعْلَمْ بِأَنَّ الْمَرْءَ غَيْرُ مُخَلَّدِ
                  وَإِذَا أَتَتْكَ مُصِيبَةٌ تُشْجَى بِهَا *** فَاذْكُرْ مُصابَكَ بِالنَّبِيِّ محمَّدِ

                  http://www.habous.gov.ma/index.php/ar/akadimia/-islammaroc/article?id=517

                  تعليق


                  • #10
                    المشاركة الأصلية بواسطة فاطمة التهامي مشاهدة المشاركة
                    تبارك الله عليك
                    نحاول نجربها باينة لذيذة بزاف
                    الله يبارك فيك و يطول عمرك اختي

                    جربيها و ردي عليا الخبار


                    كريدي البنك شنو غير فحياتك ؟

                    تعليق


                    • #11
                      المشاركة الأصلية بواسطة nour alhoda مشاهدة المشاركة
                      شكرا علي مروريك علي مجهوديك الله يعطيك الف عافية
                      بورك مرورك الطيب أختي


                      كريدي البنك شنو غير فحياتك ؟

                      تعليق


                      • #12
                        تبارك الله عليك اختي بيتزا غزالة كتشهي الله يعطيك الصحة
                        sigpic

                        تعليق


                        • #13

                          تعليق


                          • #14
                            المشاركة الأصلية بواسطة سائحة مشاهدة المشاركة
                            تبارك الله عليك اختي بيتزا غزالة كتشهي الله يعطيك الصحة
                            بورك مرورك الطيب أختي

                            بارك الله فيك و جزاك الجنة


                            كريدي البنك شنو غير فحياتك ؟

                            تعليق


                            • #15
                              المشاركة الأصلية بواسطة amina hafiane مشاهدة المشاركة
                              بورك مرورك الطيب غاليتي


                              كريدي البنك شنو غير فحياتك ؟

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X