بريوش شيلسي {أو بريوش شنيك} من مطبخ أم سندس بالصور وخطوة خطوة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بريوش شيلسي {أو بريوش شنيك} من مطبخ أم سندس بالصور وخطوة خطوة

    oum hedayah بتاريخه

    السلام عليكم حبيباتي اليوم جبت ليكم هاد البريوش غزاااال اسمو بريوش شيلسي إذا جرتوه تنأكد ليكم أنكم ماغاديش تندموا و ضروري غادي تبقاو تديروه للإشارة فالوصفة لقيتها في واحد المنتدى أجنبي

    المقادير:
    1 بيضة وحدة
    225مل حليب دافي
    2 معالق كبار ماء الزهر
    75غرام سنيدة
    معلقة ملح
    50غرام زبدة دايبة
    خميرة الخبز على حساب الجو يعني راكم عارفين في البرد تنكترو على في الحال دافي
    500غرام فورص {عينكم ميزانكم في الأخير}

    للزينة:
    معلقة كبيرة زبدة دايبة
    طريفات من الشكلاط و أنا استعملت حتى قشور الليمون معسلين

    رابط تعسيل قشور الليمون


    الطريقة:
    تندوبو السكر والخميرة في الحليب


    تنطربو البيضة مع الملح


    تنضيفو خليط الحليب على البيض


    تنزيدو عليهم الزبدة المدوبة


    وتنبداو نضيفو الدقيق بشوية وحنا تنجمعو


    تنغطيو العجين ونخليوه يخمر


    منين الحجم ديال العجينة تيتضاعف تقريبا تجبدوه وندلكوه شوية


    تنرشو سطح العمل بالطحين


    وتنورقو العجين على شكل مستطيل كبير متوسط السمك


    تندهنو العجين بداك الزبدة اللي دكرنا في مقادير الزينة وتنرشو فوقها الشكلاط وقشور الليمون المعسلين


    تنبداو نلويوها على راسها وحنا تنخويوها من البرد


    من بعد تنجيبو سكين حاد وتنبداو نقطعو على شكل حلقات


    تنعملو الحلقات في مول مدهون بالزبدة ومرشوش بالدقيق ونحاولو مانزاحموهمش بزاف حيت تتنفخ بزااف


    أنا عملت من هاد المقادير 2 البريوشات الأولى طيبتها والتانية جمدتها فرشت ليها الفيلم الغدائي في المول وصففتها وغطيتها بالفيلم مرة تانية ودخلتها حتى تجمدت وحيدتها من المول ورجعتها للمجمد النهار اللي غادية نحتاجها غادية نحطها مجمدة في المول مدهون بالزبدة ومرشوش بالدقيق ونخليها الليل كلو بيدما تدوب وترجع تخمر مرة تانية وفي الصباح كيف نفيق نطيبها وها الفطور واجد سخون بلا محنة;)


    البريوشة الأولى هاهي منين خمرت شوفو كيف بدات تتلاصق مع بعضها


    دخلتها للفرن اللي سخنت قبل


    وهاهي منين وجدت بالصحة


    وهاهي عن قرب صدقوني تتجي بنيييينة بزااااف


  • #2
    [info]أختي آسفة ارجو منك قراءة قوانين المنتدى يمنع الكتابة بالحروف الغير عربية [/info]
    وللجواب على سؤالك فراه مادهنتها بوالو غير هاكاك دخلتها للفرن

    تعليق


    • #3
      تبارك الله عليك مشرفتي غزاااال ماشاء الله الله يعطيك الصحة اختي
      5 دنجمات من عندي
      [/QUOTE]

      تعليق


      • #4
        بسم الله الرحمن الرحيم
        السلام عليكم ورحمة الله وبركاته
        تبارك الله عليك هدا البريوش كيشهي تسلم ايديك

        تعليق


        • #5
          المشاركة الأصلية بواسطة oum hedayah مشاهدة المشاركة
          تبارك الله عليك مشرفتي غزاااال ماشاء الله الله يعطيك الصحة اختي
          5 دنجمات من عندي
          ربي يخليك غاليتي ومشكورة حبوبتي على التثبيت

          المشاركة الأصلية بواسطة محبة للخير مشاهدة المشاركة
          بسم الله الرحمن الرحيم
          السلام عليكم ورحمة الله وبركاته
          تبارك الله عليك هدا البريوش كيشهي تسلم ايديك

          مشكورة أختي على المرور وعلى الكلمات الجميلة

          تعليق


          • #6
            السلام عليكم ورحمة الله تعالى وبركاته
            باسم الله ماشاء الله ولا قوة الا بالله
            الله يحفظك وتبارك الله عليك والله يجعلها ليك في الميزان المقبول
            وشكرا لكي على افادة الجميع وخصوصا المبتدئات طريقة ساهلة وفكرة ممتازة بارك الله فيكي وبيكي
            اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

            تعليق


            • #7
              شكرااااااااااااااااااااااا

              تعليق


              • #8
                تبارك الله عليك جات رائعة
                بسم الله الرحمن الرحيم


                لا تنسى ذكر الله ;)
                :s11556:

                تعليق


                • #9
                  هاديك لي بقات في المجمد ديالي ياك
                  الله اعطيك الصحة و تبارك الله عليك حبيبتي و بالصحة المحيبقات الجداد ههه

                  تعليق


                  • #10
                    [caution]
                    ارجوا قراءة قوانين المنتدى يمنع الكتابة بالحروف الغير عربية
                    [/caution]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X