إعـــــــلان

تقليص
لا يوجد إعلان حتى الآن.

شنيك بالخميرة البلدية..وطريقة تحضير الخميرة في الدار

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شنيك بالخميرة البلدية..وطريقة تحضير الخميرة في الدار

    19/04/2010
    مغربية و افتخر


    كنتمنى تكونو كاملين بخير



    هاهي الشنيك الي انقدم ليكم اليوم وهي بالخميرة البلدية








    الموضوع اينقاسم ل تلاتة الاقسام
    القسم الاول هو تعريف بالخميرة البلدية
    القسم التاني هو طريقة تحضير الخميرة البلدية في الدار
    القسم الثالت هو شنيك بالخميرة البلدية



    كنتمنى انكم تستافدو من هاد الموضوع
    يقدر يجيكم طويل شوية ولكن كنضن اننا الى كنا كنصوبو الحاجة وحنا فاهمينها وفاهمين الالية باش تتوجد غادي نقدرو نبدعو فيها اكتر



    نبداوعلى بركة الله



    القسم الاول الخميرة البلدية



    الخميرة البلدية او الخميرة الام هي مادة كنستعملوها باش كنصوبو الخبز وبزاف الانواع ديال الحلوى بحال الكرواصة والكيكة وما شابه..
    وهي كنعوضو بيها الخميرة ديال الكحول او الخميرة الكيماوية 100في100 ..وهي اقدم طريقة لصنع الخبز.
    كيرجع التاريخ ديالها لقدماء المصريين الي بالتاكيد كانو كيديرو الخبز فطير مفيهش الخميرة ومكيجيش زوين لانه كيجي رقيق وقاصح وشي نهار نساو الخبز مطيبوهش تا الغد و ملي طيبوه اكتاشفو انه جا منفوخ ورطب بحال الخبز ديال دابا.
    ومن تما اكتاشفو ان الخبز الى خمر كيجي زوين ومن تما انتاشر عند اليونان.. وفي التوراة كنلقاو انهم استعملوها من قديم. ودابا منتاشرا بالخصوص في بعض الدول متل ايطاليا والمانيا وسويسرا وفرانسا واميريكا ..ومع الاسف انقارضات في المغرب.
    وخاصكم تعرفو ان هاد النوع ديال الخميرة كيعطي بزاف الخصائص للخبز منها
    -ان الخبز كيصبر وحتى كرواصة والبريوش بصفة عامة اي تقدري تاكليه من بعد يومين و تلاتا كخصك غير تسخنيه لاهو واتلقايه بحال الى يله طيبتيه
    -انه ككون عندو مداق خاص لان كيف كنعرفو الخميرة العادية تتكون من نوع واحد ديال الباكتيريا في حين ان الخميرة البلدية تتكون من بزاف الانواع ديال البكتيريات الي تتكون منتاشرا في الجو وهي الي تتعطي البنة للخبز بحال ديال العروبية.
    -ان الخبز كيجي منفوخ مشي مضقص اي وسط منو فراغات ديال الهواء مفشفش زعما.
    -ان ككون سهل في الهضم وكيعاون حتى في هضم مواد اخرى الى كناكلوها معاه.
    طولت عليكم ولكن كان ضروري ندير هاد المقدمة باش تعرفو هاد المعلومات المهمة او تتدكروها.



    القسم التاني طريقة تحضير الخميرة البلدية في الدار



    كاين الكتير منها انا اختاريت هادي



    اتحتاجي ل
    150g فورص
    جوج معالق يوغورت طبيعي
    معلقة العسل
    ماء غازي والماس متلا الى مكانش ديري ما عادي
    والكمية ديالو اتكون على حسب النوه ديال دقيق ديالك غالبا اتكون نصف كمية الطحين اي 75g



    الطريقة













    كنعجنوها وندلكوها مزيان.. القوام ديالها ككون بحال العجينة ديال البيتزا








    وديريها في شي وعاء وغطيها بزيف يكون فازك وحطيها في مكان دافي تقريبا48 ساعة






    Up




    من بعد كناخدوها ونخلطو معاها قدها ديال الطحين ونزيدوعليها نصها ديال الماء



    متلا لقيتي فيها 300 اتزيدي عليها 150 ديال الما
    وتعجنيها بالماء تاني بحيت انك تدلكيها مزيااااااان



    وتجمعيها كورة ولكن تكون الكورة ديالنا مفيهاش فراغات في الداخل ديالها يعني تكون كورة مسدودة على نفسها



    كتحطيها في وعاء مغطي تاني في مكان دافي 24h



    الى كان الجو سخون خليها حداك في الكوزينة الى كان بارد وعندك السخانة ديال الدار خليها حداها
    الى ما عندكش فمن الافضل ديريها وسط شي مانطا



    والنهار التالت تتكون جاهزة للاستعمال



    وهاهوالشكل ديالها













    هاد الخميرة ممكن تبقا عندك ديما



    والطريقة ديال انها تبقا صالحة ومزيانة هي انك تربيها



    اتقولي لي كيفاش



    الطريقة انك كل نهار تكرري نفس العملية



    ملي تنقصي منها متلا للعجينة ديال الخبز ديالك عاودي عبريها وزيدي عليها قدها طحين ونصها ماء ودلكيها مزيان وغطيها واحتافضي بيها للغد



    انا اختاريت ليكم هاد الطريقة لانها هي الاسهل



    كاين بزاف الطرق ممكن ببحت بسيط في الانترنت تلقايهم



    وانا متاكدة انك الى جربتيها ما اتبقايش تستغني عليها الى مكنتيش معكازة طبعا لان نتيجتها مرضية بزاف كيف دكرت من قبل في كل المعجنات ديالك



    ندوزو دابا للقسم الاخير من موضوعنا




    ولكن في الرد التاني



    هناك من يبحت عن السعادة وهناك من يصنعها

  • #2
    القسم الثالت شنيك بالخميرة البلدية

    القسم الثالتشنيك بالخميرة البلدية
    المقادير


    Uploaded with ImageShack.us

    250g خميرة بلدية الي وجدنا
    275g دقيق هاد القاعدة عامة تا بالنسبة لباقي المعجنات متلا كرواصة الي كنت نزلت لكم ممكن ديروها بنفس الطريقة وزيدو باقي المكونات الي قدمت لكم
    ومن الافضل في المعجنات الي تتستعملي فيهم العجينة مورقة ديري الدقيق ديال الحلوى
    معلقة صغيرة ديال الملح
    100gسنيدة
    225gزبدة
    نص كاس ماء
    حليب اتجمعيها بيه غالبا تتحتاجي لنص كاس تل كاس لان على حسب نوع الدقيق
    معلقة صغيرة النشا ديال بطاطة حرش ممكن تعوضيه بالنشا ديال الدرة مايزينا كيف سبق قلت لكم ان الدور ديالو انه كساعد لينا الخبز يتنفخ ويجي رطب ومشي مضقص
    شوية الزبيب
    كريم باتيسيير
    شوية الكونفيتير دهنيه بيها من تخرجيها من الفران ممكن ديري العسل

    الطريقة

    بالنسبة للكريم باتيسيير انا تنوجدها بهاد الطريقة
    3صفر البيض و 8معالق سنيدة 8معالق مايزينا ونص لتر حليب
    كنطرب كلشي ونشعل عليهم عافيا مهيلة دون التوقف على التطراب تا تبدا غير شوية تتقال ونطفي عليها ونستمر في التطراب شوية
    وهاهي واجدا


    Uploaded with ImageShack.us

    كنخلطو المكونات ديالنا
    والزبدة خدي منها 125g




    كنجمعو العجينة وندلكوها مزيااااااااااااااااااااااااااان
    مزيان مزياااان

    وباش تعرفيها انها دلكات هي او اي عجينة انك تولي تهزي طرف منها وتجبديه بلا ما يتقطع ليك لدرجت انها يبان لك لخيال ديال صباعك من تحتها بلا ما تتقطع بحااااال هكدا





    فيها تامارا نييييت ولكن النتيجة تتكون راااااائعة و رحم الله عبدا عمل عملا فاتقنه

    وهنا ملي دلكتها




    خليها ترتاح واحد ربع ساعة وارتاحي تانتي وشربي ليك شي كاس ديال العصير حيدي عليك السخفة هههههههه

    ومن بعد سرحيها بالمدلك مستطيلة

    Uploaded with ImageShack.us

    وسرحي الزبدة ديالك الي بقات الي من الافضل تكوني دايراها في التلاجة




    تم سرحيها على التلتين ديال العجينة وطويها طوية ديال 3


    الطريقة اتلقاوها مفصلةديال العجينة المورقة في موضوعي ديال كرواصة او الشنيك مورقة

    ودخليها للتلاجة واحد 2 ساعات

    من بعد خرجيها وسرحيها تاني وديري طوية ديال 4









    رجعيها للتلاجة 20mn

    وتاني طوية ديال 4 ورجعيها للتلاجة 20mn

    صافي وسرحيها مستطيل ممكن تخليه عريض الى بغيتيها تجيك كبيرة انا تنفضل كلشي صغير
    ومن الافضل تبقا شوية العجينة غليظة مترقيهاش بزااااف




    دهنيها بالكريم باتيسيير والزبيب وروليها بحيت انك تخليها شية مرخوفة







    ودخليها للمجمد 45mn

    وملي تخرجيها قطعيها وخليها تخمر على الاقل 3ساعات

    وبالصحة والراحة
















    هادي التطبيق ديال مرات خويا للشنيك ديالي






    هناك من يبحت عن السعادة وهناك من يصنعها

    تعليق


    • #3
      تبارك الله عليك

      تعليق


      • #4
        تبارك الله عليك اختي
        و صفات تستحق التثبيت
        الله يعطيك الصحة
        و لا تحرمينا من جديدك
        [frame="2 98"]
        اللهم اغفر لوالدتي وارحمها واعف عنها
        واكرم نزلها ووسَع مُدخلهاا واغسلها بالماء والثلجِ والبْردِ
        ونَقّهِا من الذنوب كما ينقى الثوب الابيض من الدنس،
        وارحمنا إذا صرنا إلى ما صارت إليه وجازها بالحسنات إحسانا
        وبالسيئات عفوا وغفرانا وافتح أبواب السماء لروحها برحمتك
        يا أرحم الراحمين.
        [/frame]


        تعليق


        • #5
          شكرااااا على المعلومات القيمة و اللي ان شاء الله راح نستفادو منهاو يعطيك الصحة على الشنيك جاك يهببببببل يعطيك الف عافية
          اللهم انت ربي لا اله الا انت خلقتني و انا عبدك و انا على عهدك و وعدك ما استطعت اعوذ بك من شر ما صنعت و أبوء لك بنعمتك علي أبوء بذنبي فاغفرلي فانه لا يغفر الذنوب الا أنتsigpic

          تعليق


          • #6
            تبارك الله عليك وعلى مرات خوك .....شنيك جاها روعة
            اذا غاب اسمى عن البال ودفن جسمي في الرمال.....فهذا هو خط يدي..... لا تزال قبورنا تبنى ونحن ماتبنا ................ياليتنا تبنا قبل ان تبنى






            .gif[/IMG][/URL]
            اوسمتي




            G][/URL]
            ربي ارحم أبا لم يحرمني شيئا و لا تذقني حياة دون أمي ! — triste

            تعليق


            • #7
              تبارك الله عليك و الله يعطيك الصحة



              [fot1]
              بدون الردود

              تجف المواضيع
              [/fot1]

              تعليق


              • #8
                اللهم بارك وشكرا على هاد المعلومات القيمة اختي
                تبارك الله عليك
                اللهم صلي وسلم وبارك على سيدنا محمد وآله وصحبه أجمعين





                تعليق


                • #9
                  شكرا اختي على هدا المجهود بارك الله فيك

                  تعليق


                  • #10
                    barak allaho fikom
                    هناك من يبحت عن السعادة وهناك من يصنعها

                    تعليق


                    • #11
                      الله يعطيكمم الصحة
                      ما شاء الله روعة



                      تعليق


                      • #12
                        شكرا على لموضوع والوصفة الرائـــــعـــة

                        تعليق


                        • #13
                          الله يعطيك صحة
                          ربي فرج كربي و يــــــسر لي أمري عاجلاً غير أجل
                          يارب

                          تعليق


                          • #14
                            تبارك الله عليك باينين لذاذ
                            وشكرا على المعلومات بالنسبة للخميرة
                            الله يرزقك الجنة

                            تعليق


                            • #15
                              تبارك الله عليك اختي
                              و الله يعطيك الصحة

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X