قدمي البريوش على مائدتك بطرق واشكال روعة متجدد باذن الله

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قدمي البريوش على مائدتك بطرق واشكال روعة متجدد باذن الله

    ثبت في 20/8/2010..أم رزان


    بسم الله الرحمان الرحيم

    رمضان مبارك سعيد للجميع
    هدي اول مشاركتي في هاد الباب اوا غير قبلو علي الله يجازيكم بالخير والاحسان
    كثيرا ما كنحيرو في الشكل باش نقدمو البريوش او البريوشات على مائدة الافطار او عند المساء في الكوتي او يكون مكمل لمائدة امام العائلة والاصدقاء
    بحيث مرة مرة كنبغو نغيرو من الاشكال المعتادة اللي ولفناها واللي عرفناها واعتادنا نقدمو بها البريوش
    بالنسبة للمقادير راها معروفة عند الجميع فقط ان كل وحدة منا عندها شي مقادير كتصدق في يديها
    انا هنا حبيت نغير فقط الشكل او صورة التقديم للبريوش
    من هنا غدي نقدم لك طرق تقديم البريوش وبشكل جديد نتمنى من الله تعالى يعجبك ويروقك وكدلك يشجعك تغيري التقديم
    اذا على بركة الله نبداوا
    البريوش الاول

    بريوش على شكل وردة بلا قالب مزوق من يدك فقط



    حضري عجين البريوش اللي حبيتي
    خليه يخمر التخمرة الاولى




    قطعيه كورات العدد هنا 3متوسطين ثم وحدة كبيرة جوج مرات كما في الصورة ثم كورة اخرى للوسط في الاخير
    بمعنى 3 متوسطين او1 كبيرة عليهم كدلك 3 صغار و1اكبر منهم + وحدة كورة للوسط



    سرحي الكورات ودهنها بالزبدة جيدا




    عملي كرصة فوق كرصة
    يمكن تدردري بيناتهم غبرة اللوز او كركاع مطحون او سنيدة بحسب الذوق
    اما الكورة الكبيرة غطي بها الكرصات من فوق





    قطعي كما في الصورة وفي العمق 4 الكرصات متساوية اكيد بسكين كبير



    وبداي تلوي الاطراف المقطعة الى الخارج كما في الصورة




    عملي من الكويرات الصغار نفس الشي وحدة فوق وحدة
    وعملي كرصة اكبر منهم باش تغطي الكرصات من فوق






    عمليها في الوسط الفارغ ديال الكرصات الاولين





    وقطعهم بحال كيف ما عملتي للكرصات الاولين وبداي تجري القطع الى الخارج باش تشكل عندك وردة من العجين البريوش وبلا قالب مزوق
    ملحوظة: خالفي الجهة ديال تقطاع للكرصات الثانين على القرصات الاولين باش تجي الوردة منوعة متفتحة وجميلة


    خدي كورة من العجين وضعيها في الوسط

    دردري السانوج عليها او الكوك او لوز او كاوكاو او جنجلان مدقوق او صحيح كما تحبين


    خليه يخمر مرة اخرى وعمليه في الفرن



    وبالصحة والراحة

  • #2
    salam 3alikoum ...
    tbarkalla 3like ...wa allah ya3tike saha...
    aiwa ana lawla rana7hode ha9i ontsana lmorrebe.... raha katchahi...

    تعليق


    • #3
      لم تظهر عندي الصورررررررررر

      تعليق


      • #4
        السلام عليكم ورحمة الله وبركاته
        شكراً لك اختي الكريمة بارك الله فيك على المجهود الطيب ياحبذا لو وضعت المقادير.

        تعليق


        • #5
          tbarkalah 3lik okhti rak fanana

          تعليق


          • #6
            ماشاء الله الله يعطيك الصحة

            تعليق


            • #7
              روعة غدي نجربها ونعطيك الاخبار تبارك الله عليك اختي عنبرة وماشاء الله واللعه حتى روعة واكيد غدي نجربها راها عجباتني بزاف

              تعليق


              • #8
                تبارك الله عليك و الله يعطيك الصحة


                تعليق


                • #9
                  راااااااائعة الله يعطيك الصحة


                  تعليق


                  • #10
                    تبارك الله عليك و الله يعطيك الصحة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X