القريشلات أو البويوس مقادير وطريقة رائعة و ناجحة و بضمانتي "الخطوات مصورة"

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • القريشلات أو البويوس مقادير وطريقة رائعة و ناجحة و بضمانتي "الخطوات مصورة"

    السلام عليكم ورحمة الله وبركاته
    جبت لكم أخواتي مقادير و طريقة للقريشلات أو قريصات أوالبويوس كما نسميهم في الشمال
    "طنجة و ما جاورها
    و هي طريقة مضمونة و ناجحة و اللي مكيصدقشي عندها طريقة عمل القريشلات فتعمل و تعتمد طريقتي و بضمانتي و تحت مسؤوليتي
    نبتدي باسم الله الرحمان الرحيم
    المقادير
    غدي نحتاجو في الأول
    2 بطاط متوسطين مسلوقين و مقشرين و مهرسين شوي أو مقطعين نطحنوهم في الخلاط مع كاس حليب و شوية ملحة و بشر ليمونة أو بشر برتقالة حسب رغبتك ""أنا عملت بشر برتقالة



    كيرجع لنا كما في الصورة مثل كريم ثقيل أو مثل دانون
    الآن نجيب 2 بيض و ملعقة كبيرة زبدة مذوبة و باردة و نص كاس زيت
    و كاس كبير سكر ""ممكن تتحكم في كمية السكر"" و شوي خميرة الخبز دايبة في شوية حليب
    ""أنا عملت خميرة الخباز الفورية بلا متدوب كتنعمل مباشرة

    نخلط هاذ العناصر بيدك أو بالخفاق أو بالخلاط فحال فحل

    كيرجع كما الصورة
    يتبععععععععععععععععععععععععععععععععععععععععععععععععععع
    الملفات المرفقة





  • #2
    نكمل باذن الله
    الآن نخلط كلشي الخليط الثاني نزيد عليه خليط البطاط و نحركو جيدا

    يرجع هاكدا

    الآن كنجمعوه بالطحين نحتاجو:
    4 كاس طحين و ملعقة صغيرة بيكن بودر " خميرة حلوة"
    أنا احتجت 4 كاس طحين ناقصين 2 معالق كبار
    و على حسب نوعية الطحين كاين اللي كيتشرب سوائل كثير و كاين العكس
    المهم انت عملي في الاول 2 كاس طحين و ملعقة ص بيكن بودر و بدىي تزيدي الطحين شوي شوي
    متجيش قاصحة كتبقى شوي رطبة و تلصق

    بعد العجن

    نغطوها تخمر نص ساعة

    يتبعععععععععععععععععععععععععععععععععععععع
    الملفات المرفقة




    تعليق


    • #3
      نعمل قريصات



      خليت شوي العجين و جيبت فواكه مجففة مثلا فريسة أو أي شي تبغيه "و هاذ الخطوة طبعا اختيارية"" قطعهم صغار و خلطهم مع العجين





      تخمروا
      بعد ما عملت القريصات غطيتهم بالبلاستيك "نايلون" و خليتهم 1 ساعة و نص و لا 2 ساعات على حسب الجو وقبل ما تخبزهم دهنهم بصفاربيضة مضاف لها نقطات الخل حركهم و ادهن القريصات كما الصورة


      يتبععععععععععععععععععععععععععععععععععععععع
      ملحوضة مهمة ملي كنت كنعمل القريصات كنت مرة مرة تندهن يدي بالزيت
      لأن كما قلت العجين رطب و كيلصق فلازم تدهني يدك مرة مرة
      الملفات المرفقة




      تعليق


      • #4
        السلام عليكم ورحمة الله وبركاته


        تبارك الله عليك غاليتي شادية اوا ماقدرت نتسنى حتى تكملي الوصفة
        الله يعطيك الصحة و الخير و افرحك بالشفاء باباك يارب امييييييييين
        عجباتني بزااااااااف طريقة غادي نجربها بادن الله


        وحي القبور

        http://www.anaqamaghribia.com/vb/sho...098&highlight=

        تعليق


        • #5
          و هاذي النتيجة و الله العظيم أحسن بزاف من اللي كينباعوا برى
          راطبين و هاشين و لذاذ



          و سلامتكم
          و ان شاء الله تعملوهم و تدعو لي
          ملاحظة مهمة : كاس العباراللي قست به قياسه 250 مللتر
          بالنسبة للتنويع ممكن تعملي مثل القريشلات العاديين تحطي فيهم النافع=اليانسون و الجلجلان =سمسم و متعملشي بشر الحوامض على حسب رغبتك و الموجود عندك
          الملفات المرفقة




          تعليق


          • #6
            المشاركة الأصلية بواسطة ام الحلوين مشاهدة المشاركة
            السلام عليكم ورحمة الله وبركاته


            تبارك الله عليك غاليتي شادية اوا ماقدرت نتسنى حتى تكملي الوصفة
            الله يعطيك الصحة و الخير و افرحك بالشفاء باباك يارب امييييييييين
            عجباتني بزااااااااف طريقة غادي نجربها بادن الله
            وعليكم السلام ورحمة الله وبركاته
            مرحبا مرحبا بك الحبيبة في أي وقت ماكين مشكل الموضوع موضوعك و انت على الراس و العين و طلباتك أوامر
            الله لا يخطيك الحبيبة بردودك و دعواتك الجميلة مثلك
            و غير جربي طريقتي راها مضمونة 100%100
            تحياتي لك




            تعليق


            • #7
              تبارك الله عليك ألحبيبة
              أعجبتني الطريقة باضافة البطاطا
              ان شاء الله نجربها ونرد عليك
              ما يكون باس عند الوالد والله يشافيه يااارب

              تعليق


              • #8
                السلام عليكم ورحمة الله وبركاته .
                شـكــ وبارك الله فيك ـــرا لك ... لك مني أجمل تحية .

                تعليق


                • #9
                  السلام عليكم
                  تبارك الله عليك باين عليهم مزيونين
                  [/URL][/IMG]

                  تعليق


                  • #10
                    تبارك الله عليك يا أختي
                    طريقة ممتازة
                    حتى أنا كانستعمل لبطاطا فالقراشل و بالفعل تايجيو رطبين و غزالين فالمداق
                    اللهم إني أسألك بأني أشهد أنك أنت الله لا إلاه إلا أنت الواحد الفرد الصمد الذي لم يلد و لم يولد أن تسهل أمر أحبتي و تفرج همهم و تيسر غايتهم.



                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X