فطائر معمرين بالطون

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • فطائر معمرين بالطون

    اليوم جبت ليكم فطائر معمرين بالطون أنا شخصيا كيعجبوني و راجلي وبنتي كيحماقو عليهم جربوهوم و ردو عليا لخبار.
    يالله نبداو باسم الله.

    مقادير العجين
    • كاس كبير ديال لحليب غبرة
    • 4 كيسان ديال الدقيق (ممكن تزيدي إلى ما تجمعاتش العجينة)
    • 2 كياسان ديال الماء دافئ
    • شوية الملحة
    • معلقة كبيرة الخميرة فورية
    • معلقة صغيرة الخميرة الحلوة ( بيكينغ باودر)
    • ربع كاس الزيت المائدة
    • شوية سنيدة

    مقادير الحشوة
    • بصلة متوسطة مشلظة
    • علبة الطون
    • 4 معالق معجون الطماطم
    • ملحةو فلفل أسود
    • زيتون أخضر مقطع
    التزيين
    • بيضة
    • شوية الحليب
    الطريقة

    كنخلطو جميع المقادير بطريقة عادية حتى كنحصلو على عجينة مجموعة ما قاسحة ما رطبة بزاف بين و بين ندلكوها مزيان ونخليوها تخمر.

    بينما تخمر العجينة كنحضرو الحشوة باش تبرد لينا

    كنشحرو البصلة ف شوية ديال الزيت حتى كذبال كنزيدو عليها معجون الطماطم و الزيتون ثم نضيف الخليط على الطون و نديرو شوية الملحة و الفلفل الأسود. و نخلوها تبرد

    فاش تخمر العجينة كنقسموها على شكل كويرات كبار كنطلقوهم بالدلاك و نقطعوهوم على شكل دوائر .نديرو وسط كل دائرة شوية الحشوة و نسدوها على شكل شوصون و نقرصوها من الجناب باش ما تحلش .

    ندهنوهوم بخليط البيض و الحليب ونخليوهم واحد 30h ساعة يخمرو و نعاودو ندهنوهوم و ندخلوهم للفران حتى يتحمرو.

    و بالصحة و الراحة.

    إلى جربتوهم انا متأكدة غادي يعجبوكم.

    ما تنساوش الردود







  • #2
    baynin ldad
    مشكوووووور والله يعطيك الف عافيه



    اللهم احفظ لي بناتي و اجعلهم من الصالحين اللهم اجعل بناتي مسلمات صالحات عابدات ذاكرات ..حافظات
    للقران الكريم..واجعلهم بارأت بوالديهم وأهلهم ..اللهم حسن خلقهم وخلقهم .وأعذهم من شياطين الإنس والجن

    تعليق


    • #3
      جزاك الله خيرررررررررررررررررر
      القران الكريم
      التفسير الميسر للقران الكريم

      تعليق


      • #4
        شكرا جزيلا لكن أخواتي أم الأميرة و سقيعة على مروركن الطيب
        لهلا يخطيكم






        تعليق


        • #5
          عند الحق تيجو رائعين انا تنعملهم مشكوووووور والله يعطيك الف عافيه

          تعليق


          • #6
            شكرا اختي على الوصفة,اكيد غادي يجيو لداد يا عسل
            تبارك الله عليك

            تعليق


            • #7
              الله اعطيك الصحة اختي

              تعليق


              • #8
                اختي واش قصدتي 30ساعة باش تخمر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
                مشكورة غاليتي





                تعليق


                • #9
                  أختي وحي الخاطر هذاك خطأ مطبعي أقصد 30 دقيقة
                  شكرا لهلا يخطيك






                  تعليق


                  • #10

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X