حرشة بالبلبولة د الشعير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حرشة بالبلبولة د الشعير

    كلكم كاتعرفو منافع الشعير. اوا انا غانعطيكم هاد الحرشة و الله يجازي السيدة لي عطاتها لي.
    الوصفة في الأصل كتعمل في مقلة تقيلة و لكن انا عملتها في الفران و جاتني أحسن من الوصفة الأصلية.
    المقادير :
    -كيلو الا ربع من البلبولة د الشعير(المول لي عندي كنعمل معاه هاد المقادير هو بنفس الحجم ديال مقلة تقيلة كبيرة يعني يمكن تعملي مقلة كبيرة و دهنيها و تعمليها فالفران)
    البلبولة خاصها تكون رقيقة حيت صاحبتي عملاتها بالبلبولة غليضة شوي و لاحضت انها كتبقى باينة.
    الا بغيتي تكون مقادة خودي البلبولة لي عندك دوزيها في غربال الطحين باش يزول منها الدقيق و دوزيها في غربال متوسط ماشي ديال الزرع ديال سكسو.
    -شوي الخميرة د العجين
    - شوي ملح
    - لتردالماء طايب طالق السبولة
    الطريقة
    عملي الخميرة تدوب مع شوي ماء دافي و حطيها في اناء غارق و زيدي عليها البلبولة و الملح وكبي الماء الطايب لي طالق السبولة حتى تغطي كل البلبولة. غطي الإناء و خليها شي ساعة حتى تكون البلبولة شربات الماء و نشفات. دهني المول و رشي شوي سميدة القمح و كبي البلبولة خاصها تكون ناشفة من الماءو بسطيها و رشي عليها سميدة القمح من فوق و عمليها فالفران.
    ملي تطيب خرجيها و سقيها بالعسل أو الزبدة او خليها بلاش المهم راها صحية و زايدون ما فيهاش ليدام و تنفع لصحاب الريجيم..
    اوا الا جربتوها دعيو معايا شي دعوة صالحة..
    ما شاء الله

  • #2
    تبارك الله عليك فعلا حرشة صحيـــــــــــــــــة ومزيااانة الله يعطيك الصحة والخير

    تعليق


    • #3
      تبارك الله عليك ديال صحاب الرجيم باينة غادي تجي غزالة نجربها اونرد عليك


      تعليق


      • #4
        اللهم صل على محمد وعلى آله وصحبه أجمعين
        بارك الله فيك حبيبتي على الوصفة بالفعل صحية وساهلة الله يعطيك الصحة
        الا بذكر الله تطمئن القلوب
        لااله الاالله وحده لاشريك له له الملك وله الحمد بيده الخير يحيي ويميت وهو على كل شيء قدير



        تعليق


        • #5
          بالفعل اختي حرشة صحية خاصني نجربها
          الله يعطيك صحيحتك
          sigpic

          تعليق


          • #6
            شكرا ..بصح بغيت نعرف واش ماء طالق سبولة هي مغلي مزيان...
            اذا غاب اسمى عن البال ودفن جسمي في الرمال.....فهذا هو خط يدي.....بين ايديكم فارجو الدعاء عن ظهر الغيب...










            ربي ارحم أبا لم يحرمني شيئا و لا تذقني حياة دون أمي ! — triste

            تعليق


            • #7
              الله يعطيك الصحة هد مدة وانا كنقلب على الطريقة شكرا

              تعليق


              • #8
                الله يعطيك الصحة اختي وشكرااااا جزيلا على الوصفة

                سؤال اختي واش الخميرة مكتضيعشي بالما طايب
                sigpic

                تعليق


                • #9




                  تعليق


                  • #10
                    تبارك الله عليك اختي صبوورة فعلا صحية بزاف غادي نجربها ان شاء الله اليوم على الله غير تصدق ليا

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X