زيتون بلدي مرقد على يدي بالطريقة التقليدية بالمراحل المصورة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • زيتون بلدي مرقد على يدي بالطريقة التقليدية بالمراحل المصورة


    بسم الله الرحمن الرحيم

    السلام عليكم ورحمة الله وبركاته


    اخواتي و بناتي الغاليات ان شاء الله يعجبكم الموضوع
    مكنتش نويت نحطو لاني كنظن ان الكل كيعرف هاد الطريقة السهلة لترقاد الزيتون
    لكن امنار اصرات عليا فإن شاء الله تكون اضافة مفيدة







    ترقاد الزيتون فالدار بالطريقة البلدية عندو 2 اشكال
    الشكل الاول للي كيتفلح بالموس
    كل زيتون كتفلح على 4 بالموس و تترقد

    و الشكل الثاني الاسهل و للي كياخذ وقت اقل
    و لي كنسميه شد بجغ و لوح هههه
    و كنعملوها عادة لما كنبغيو نوجدو كمية كبيرة (مخزون السنة ) من الزيتون المرقد

    فوقت جني الزيتون ( ابتداء ا من شهر سبتمبر كل سنة)
    كنشريو الزيتون الاخضر بكمية كبيرة و كنرقدوه على يدنا فالدار






    و المقادير للي غتحاتجو هي :


    زيتون اخضر
    ماء
    ملح
    (حامض اختياري)


    الادوات :



    حجر (تيمومة)
    او يد المهراز
    خشبة او قطاعة للعمل فوقها
    بيدووات بلاستيك او او بواقيل فخار كتسد


    الطريقة:

    ممكن نختاصروها في 3 كلمات : شد ،بجغ ،لوح هههههه

    بعد منغسلو الزيتون مزيان و نقيوه من اي شوائب




    كنشدو الزيتونة ندڭوها بالتيمومة او بيد المهراز















    للي معندهاش تيمومة تستعمل يد المهراز





    حتي تفتح كيف مبين فالصورة










    و كنديروها فبيدو او سطل او قلة حتى كنعمروها بالزيتون








    و كنضيفو عليه الماء (الماء بوحدو بلا اضافة)






    كنسجلو تاريخ اول ترقاد لاننا غنبدلو الماء 3مرات مدة 30 يوم
    الزيتون كيكون جاهز للاكل و كتخف منو المرورة و الحرورة بعد 30 يوم من الترقاد

    بعد 10 ايام كيخصنا نبدلو الماء




    و بعد 10 ايام اخرى يعني 20 يوم كنبدلو الماء مرة اخرى



    و بعد 10 ايام اخرى يعني 30 يوم بالتمام و الكمال

    كنبدلو الماء مرة اخرى و هاد المرة كنملحوه القياس للي بغينا
    (ملعقة كبيرة لكل بيدو 5 ليتر)




    و ممكن تعملو معه الحامض بعد 30 يوم و تصيروه او تحمضوه للطويجنات



    و كيولي الزيتون جاهز للاستهلاك





    تعملوه فطويجناتكم او مع زويتة بلدية و تفطرو بيه

    او تشرملوه باي خضر او عطرية كتفضلو






    المهم انه كيكون عندكم الزيتون البلدي البيتي على مدار السنة فالدار
    كل موسم كتعملو نفس العملية بالكمية للي تكفيكم لمخزون السنة






    شخصيا الزيتون ديال الدار للي مصايب بيدي مكيخطانيش
    و كنفضلو على زيتون الزنقة حيت واخا ديال الزنقة زوين
    لكن كلو مصايب بالصودة و بمواد ممكن منعرفوهاش
    و حتى مكان تخزينو ممكن ميكونش نقي
    اما ديال الدار كتعمليه بللي تشهات خاتطرك بلا اضافات صناعية


    ان شاء الله تفيدكم الطريقة البسيطة التقليدية
    و لا تنسوني من صالح الدعوات
    وصفاتي المصورة



    أعمالي المصورة


  • #2
    تبارك الله عليك اختي الغالية حتى انا كنرقدو بنفس الطريقة ديالك ونادرا ما نشري الزيتون ديال الزنقة...مع انه بنين لان الواحد يخاف من كثرة المواد لي فيه..وشكرا..مكرهتش اختي تقولينا شي تشرميلة ديال الزيتون لان كل منطقة وكيف تعمل...وجزاك الله عنا كل خير
    اذا غاب اسمى عن البال ودفن جسمي في الرمال.....فهذا هو خط يدي.....بين ايديكم فارجو الدعاء عن ظهر الغيب...










    ربي ارحم أبا لم يحرمني شيئا و لا تذقني حياة دون أمي ! — triste

    تعليق


    • #3
      تبارك الله عليك اختي العزيزة

      اختي انا كنشرملو بعدة طرق اما مع الربيع و الثوم او الكامون و الحامض
      او مع السودانية و الربيع
      او مع الخضر مرقدة
      او مع خيزو محكوك رقيق و الحامض معصر و الربيع
      الطرق و التشرميلات متنوعة حسب الذوق و المتوفر فالمطبخ
      وصفاتي المصورة



      أعمالي المصورة

      تعليق


      • #4
        لهلا يخطيك
        sigpic

        تعليق


        • #5
          بارك الله بك و حفظك
          وصفاتي المصورة



          أعمالي المصورة

          تعليق


          • #6




            l]

            تعليق


            • #7
              مشكوووووور والله يعطيك الف عافيه
              http://http://www.anaqamaghribia.com...d.php?t=418650sigpichttp://http://www.anaqamaghribia.com...ine=1417424800

              تعليق


              • #8
                تبارك الله عليك اختي

                تعليق


                • #9


                  تعليق


                  • #10
                    chokrab bazzaf a lalla


                    اللهم وفق بيني وبين زوجي واجمع بيننا على خير ..اللهم اجعلني قرة عين لزوجي واجعله قرة عين لي واسعدنا مع بعضنا واجمع بيننا على خير ..اللهم اجعلني لزوجي كما يحب واجعله لي كما احب واجعلنا لك كما تحب وارزقنا الذريه الصالحه كما نحب وكما تحب .. اللهم اهدني واهدي زوجي واجعلنا من اهل بيت صالحين..

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X