krapfen او البيني تقريبا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • krapfen او البيني تقريبا

    تبث في 07/05/2010
    bent bladi


    السلام عليكم ورحمة الله وبركاتة




    هاد ال krapfen كيتباع هنا في ايطاليا في كل القهاوي

    ولكن للاسف ان الغاالبية يا اما ككون فيه الشراب يا اما شحمة ديال الحلوف وقليل فاش تلقايه مفيه والو
    خو زوين بزاااف وكيتباع تا كونجلي وتتطيبيع في الدار مازال هاداك مضمون مفيه والو لان ككون كاتبين فيه المكونات
    وكانت واحد الاخت قالت ليا بانه كيعجبها وتتشهاه ولكن ما تتقدرش تشريه وواعدتها انني اننزل ليها الطريقة ديالو بحال الي كيتباع في الزنقة





    قبل نعطيكم المكونات بغيت نشير لان نوعية الدقيق الي اتستعملي هو الفورص العادي والفورص ديال الحلوى

    بالنسبة للاخوات الي في ايطاليا
    الفورص العادي كيف عارفين ككون مكتوب فيه tipo00
    والفورص التاني الي خاصك تستعملي والي ممكن ديريه تا في الوصفة ديال الهجينة المورقة الى ملقيتيش ديال البيتزا هو الي مكتوب في tipo0
    الى بفيتي النتيجة تكون احسن طبعا
    انا صورت لكم الي كنستعمل وكناخدو من كاريفور ب 1.24 اورو ممكن تلقايه في بلاصة اخرى ارخص
    هاهي الصورة








    المقادير


    480GR دقيق فورص ديال الحلوى الاخوات الي في ايطاليا ياخدو tipo0
    120g فورص عادي
    ادا ايولي عندك في المجموع 600g
    200gr حليب
    120gr بيض انا جاتني هي جوج بيضات ونص البيض متوسط الحجم
    90gr سنيدة
    80gr زبدة
    16gr خميرة الخبز
    باكيةديال فاني انا درت الي سائل حيت مكانش عندي
    8gr ملح

    للحشو كريم باتيسيير او كونفيتير
    كريم باتيسيير ممكن تشري الي واجد اوتوجديه في الدار الى بغيتي الطريقة راني نزلت جوج في ميلفوي الاولى والتانية دخلي لفهرس مواضيعي واتلقايهم بالتفصيل

    للتزيين
    سكر كلاصي وسنيدة



    الطريقة

    اتخلطي الدقيق وتاحدي منو 180gr
    دفي الحليب
    والخميرة


    دوبي الخميرة في الحليب


    وزيدي عليها الدقيق ونتي تتخلطي






    تا ميبقاوش فيها كويرات ديال الدقيق

    غطيها بالبلاستيك الغدائي وخليها تا تخمر ويولي 3 اضعاف الحجم ديالها


    انا خليتها 3 الساعات

    صوبتها مع 9 مع 12 كانت واجدا

    الى عندك الفران ممكن ديري فيه 25 تل 30 درجة ممكن تخليها فيه هاكدا اتخمر لك دغييا وما اتخسرش
    انا الفران عندي مكيبدا السخونية فيه تل 50 درجة

    او ممكن تسخنيه وطفيه وتخليه تا يبرد سوية وتخليها فيه
    باش متاخدش وقت

    بصقة عامة نتي اتبغي تاكليها في العشية
    ممكن تبغي التوقيت الي درت انا انقولو لكن


    نكملو

    هاهي ملي خمرات

    اتاخدي البيض وطربيه مزيااااان مع السنيدة ممكن ديري الطراب الكهربائي




    اتحطي العجينة ديالك في وعاء وتبداي تزيدي سوية ديال البيض ديالك وشوية ديال دقيق ونتي تتعجني تا يمتازجووتزيدي تاني



    ملي تكمليهم زيدي الملح وفاني وخلطيهم


    نت بعد دوبي النص ديال الزبدة و النص الاخر يكون بحرارة المطبخ
    انا كنت حاطها فوق الفران نيت نصها داب


    وتدخليها في العجينة ديالك

    اتولي تتلصق ليك


    متخلعيش منها غير غير بقاي دلكيها تا تجمع ليك ونولي هكدا



    دلكيها مزياااااااااااان مزيااااان

    وديريها في وعاء وغطيها بالبلاستيك الغدائي

    وخليها تخمر وممكن ديريها في الفران كيف قلت في الخميرة


    يتبع
    هناك من يبحت عن السعادة وهناك من يصنعها

  • #2
    ملي يولي الحجم ديالها 3 ديال الاضعاف عاد ممكن تخدميها
    انا تغديت ونعست تا فقت مع 4h هاد طليت عليها يعني تقريبا 3ساعات ونص
    وهاهي كيف لقيتها







    هزيها وحطيها في سطح العمل بلا ما تدلكيها تاني


    اتسرحيها بالمدلك اتجيك ساااااااااهلا
    متنسايش نرشي شوية الدقيق من التحت باش متلصقش لك






    وديري ليها طوية ديال 3 بحال الي في العجينة المورقة غير مرة





    خليها واحد القسم ولا قسمين


    وسرحيها تاني من الاحسن لعجينة تبقا شوية غليظة


    انا درت الكاس باش طبعتها متوسط ممكن ديريهم كبار ولا صغار
    بصفة عامة اتخرج لك 18 قد دياولي





    خليها تاني تخمر


    ساعة اوكتر لان الى خمرت مزبان تتجي حسن
    الى خليتيها تخمر ادا 5 وربع اطيبيها





    هاهي عن قرب



    تاني غطيها بالبلاستيك الغدائي باش تخمر لك وتاني الى كنتي زربانا ممكن ديريها في الفران الي مسخن على 25 تل 30



    العجينة الي اتشيط لك



    جمعيها ودلكيها تاني





    غطيها ودخليها للتلاجة تل الغد وديريها في الفطور من بعد انوريك الطريقة


    تتقليها في الزيت من الجهتين




    يتبع
    هناك من يبحت عن السعادة وهناك من يصنعها

    تعليق


    • #3
      هاهي ملي طابت

      كيخص الجوانب يبقاو بيضين
      والفوق ولتحت يتحمر

      هاهي من الداخل







      وتتديري تقيبة صغييييرة متبانش وتعمرب جيل الحلواني بالكريم باتيسيير وديري الحشوة ديالك

      اوالكونفيتير

      هوما كصوبوها في الا صل بالماكينة وفي الحشو كيديرو واحد البرا صغيرة بحال دسال السورانك وهي الي تدخلو بيها الكريم باتيسيير بحيت من تتشريها تتبان لك كلخا مسدودة وتتضني انهم عمروها عاد طيبوها


      الي تتعمريها بالكريم باتيسيير تتدردري عليها السكر كلاصي
      الي تتعمريها بالكونفيتير تديري عليها السنيدة
      والي خاويا مديري ليها والو هههههههههههه


      تفكرت داك الي قال ليهم البيضبن ديالي والكحلين تاهوما ديالي هههههههههههه

      العجينة الي شاطت لك في الغد جبديها من التلاجة


      وخليها ساعا وخدميها بنفس الطريقة وممكن ديريها هاكدا



      وبصحتك وراحتك
      ما انشكلاهمش لان من اتجربيهم نتي اتقولي راييك
      ما يبانش لكم الوقت طويل وتخلعو را كشدهم غير الخميرة اما را ما فيهم لا تامارا لا والو



















      هادو الي درت في الفطور

      هناك من يبحت عن السعادة وهناك من يصنعها

      تعليق


      • #4
        تبارك الله عليك

        تعليق


        • #5
          الله يبارك فيك
          هناك من يبحت عن السعادة وهناك من يصنعها

          تعليق


          • #6
            تبارك الله عليك الله إعطيك الصحة


            تعليق


            • #7
              الله يجازيكم بخير
              هناك من يبحت عن السعادة وهناك من يصنعها

              تعليق


              • #8
                عطاك الله الصحه بسم الله ما شاء الله دائما متميزه










                عِندمَا تُمسكُ سَيفاً لِتقْتُلني ..

                إحذرْ أن يَجْرَح يَدُكَ فتُؤلمُنِي ..

                تعليق


                • #9
                  تبارك الله عليك

                  تعليق


                  • #10
                    tbarkallah 3lik

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X