خبز بالحليب Panini al latte

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • خبز بالحليب Panini al latte

    25/05/2010
    مغربية و افتخر




    السلام عليكم ورحمة الله وبركاتة





    من بعد الغياب هاد الايام على المنتدى بمواضيعي جبت ليكم هاد الطريقة ديال الخبز بالحليب
    وهي معروفة هنا في ايطاليا كيقولو ليه Panini al latte وان شاء الله قريبا اننز لكم طريقة ديال الخبز بالخميرة البلدية وانواع كتيرة ومتنوعة











    هاد الخبيزات ممكن ديريهم بالحجم الي بغيتي والاستعمال ديالهم كدلك متعدد
    اما تخليهم تاكلي بيهم اي حاجا اوتديريهم سندويتش تعمريهم باشما تشهيتي
    ولو غير فرماج وكاشير كيجي زوين
    انا متاكدة ان الي داقتهم اتبقا ديما كديرهم لانه كيجي رطب بزااااف وبنييييين



    نخليكم دابا مع المقادير


    320ml ديال الحليب
    40gr سنيدة
    25gr خميرة الخبز
    7gr ملح
    50gr زبدة
    500gr دقيق ابيض ممتاز في المغرب خدو ديال الحلوى وبالنسبة للاخوات الي في ايطاليا خودي الي مكتوب فيه tipo0 او farina manitoba الي بغات راني ننزل لها الصورة ديالو



    الطريقة



    خلطي الخميرة مع معلقة ديال السنيدة وزيدي عليها الحليب وخلطيهم مزياااان






    باقي السنيدة زيديها على الحليب هي والملح
    ودوبي الزبدة





    وخلطي كل المكونات مع الدقيق





    عجنيها تا تجمع لك وخليها ترتاح 15mn




    ومن بعد دلكيها





    ديريها في وعاء وخليها تخمر على الاقل 2h
    ممكن انك ديري الفران على درجة حرارة بين 25و30 وتخليها تا يضاعف الحجم ديالها الى كنتي زربانة





    ملي يضاعف الحجم ديالها




    حطيها فوق سطح العمل وديريها كويرات


    انا هادو درت فيهم 30gr



    هاكدا كيجيوني انا زوينين للسندويتش بحال الشكل ديال الهمبركر وكنحتفض بالي بقا ليا في المجمد


    ملي ديريهم كويرات دهنيهم بالحليب



    وخليهم يخمرة على الاقل نص ساعة باش يتضاعف الحجم ديالهم






    دهنيهم تاني ببياض البيض ودخليهم للفران



    تا يطيبو






    ممكن دردري عليهم جنجلان او لي بغيتي قبل ديطبيهم وممكن كدلك ديري منو تا في العجينة













    هناك من يبحت عن السعادة وهناك من يصنعها

  • #2
    أنا الأولى دخلت هادوك الخبيزات دياولي إوى الله يعطيك الصحة غزالين و تيشهيو

    تعليق


    • #3
      bsa7tak khti w ra7tk
      barak allaho fik
      هناك من يبحت عن السعادة وهناك من يصنعها

      تعليق


      • #4
        تبارك الله عليك
        سبحان الله وبحمده سبحان الله العظيم

        تعليق


        • #5
          ام وائل فين كنتى غابرا علينا تواحشنا الوصفات الرائعة دياواك

          خبيزات رائعين الله يعطيك الصحة
          sigpic

          ma petite loulou

          تعليق


          • #6
            الله يعطيك الصحة


            تعليق


            • #7
              mmmmmmmmmm taychahiw tabarkalah alik akhti lah i3tik sa7a
              [B]يارب يا حي يا قيوم..أسألك بكل اسم سميت به نفسك..أو أنزلته في كتابك..أو علمته أحداً من خلقك..أو استأثرت به في علم الغيب عندك..أن تعطي زوجي من خيرك أكثر مما يرجو..وتسخر له ملائكةً من عندك وجنوداً في الأرض....اللهم عظمني في قلب زوجي..واجعلني ماء عينه ودم قلبه ودفئ حياته..واسعدني ولا تشقيني معه..يا أرحم الراحمين[/B]



              تعليق


              • #8
                تبارك الله عليك
                جاوك زوينين
                [frame="2 98"]
                اللهم اغفر لوالدتي وارحمها واعف عنها
                واكرم نزلها ووسَع مُدخلهاا واغسلها بالماء والثلجِ والبْردِ
                ونَقّهِا من الذنوب كما ينقى الثوب الابيض من الدنس،
                وارحمنا إذا صرنا إلى ما صارت إليه وجازها بالحسنات إحسانا
                وبالسيئات عفوا وغفرانا وافتح أبواب السماء لروحها برحمتك
                يا أرحم الراحمين.
                [/frame]


                تعليق


                • #9
                  tbarkelah 3lik hadchi rae33333333333333333

                  تعليق


                  • #10
                    تبارك الله عليك والله يعطيك الصحة على الوصفة جات فوقتها مع الصيف كتنفع بزاف
                    [CENTER]










                    فهرسة شهيواتي
                    http://www.anaqamaghribia.com/vb/sho...d.php?t=433526

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X