أكلة لذيذة جدا شكلها يفتح الشهية و غير مكلفة لا نقودا ولا جهدا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أكلة لذيذة جدا شكلها يفتح الشهية و غير مكلفة لا نقودا ولا جهدا

    السلام عليكن إخوتي رمضان كريم
    ما نطولش عليكوم الوصفة لذيذة بزواف و هي عبارة عن بغرير عادي معمر بلي قسم الله إليكن المقادير :
    بغرير عادي كميما مولفين نصايبو و تقريبا شي 24 بغريرة هاكاك
    واحد صاشية فيرميسيل أو شعرية صينية
    البصلة عينك ميزانك
    و الدجاج محمر داكشي للي شاط ليك من المائدة
    و دابا طريقة التحضير :
    لموهيم بغرير طريقتو عادية كيما مولفين نصايبوه غير هو خاص نوجدو الحشوة هيا اللولى عاد نصايبو بغرير حيت إلى كان هاد الأخير بارد كيفقص الواحد عاد باش يتسد و إلى رشقاتلو و إلى كان عندك بغرير واجد و كنتي غاتلوحيه سخنيه فبانيني و بداي تعمري
    يلاه دابا الحشوة كتشدي البصلة شي 2 كبار تقريبا كتشلضيهم مزيان و ديريهم يتشحرو مزيان حتى يهبطو و من بعد صلقي الفيرميسيل و خليه محطوط تايتسنا نوبتو و رجعي لديك البصلة و زيدي عليها داك الدجاج و من بعد إلى بغيتي الطبق حلو زيدي على داك الدجاج و البصلة السكر و ديري بحالا غادي تعسليه و لكن ماشي بزاف و إلى بغيتي الطبق مالح زيدي التوابل عادي غير متكتريش الملحو من بعد بقاي تحركي تايندامج هادشي و زيدي الفيرميسيل و دمج الحشوة مزيان و من بعد حطيها على جنب
    و وجدي البغرير إلى ما كانش أما إلى كان كيما سبق و قلت سخنيه و بداي تهزي الحشوة و تعمري في البغريرة غير ما تعمريهاش بزاف باش تسد و سديها كيفاش ساهلة غادي بحالا تنيها و ماتخليش الحشوة تخرج من الجوانب و ضغط بصبعك علا الجوانب مزيان غير عنداك تقطع ليك البغريرة
    آه نسيت واحد القضية الله يتبتنا عل الشهادة إلى درتي الحشوة حلوة ممكن تزيدي شوية ديال اللوز مهرمش فيها
    و مني تبغي تقدميها آ لالة يا إما ديريها ف بانيني و راه كاتجي بحال الخبز الخاص ببانيني تماما ولا دخليها الفرن غير تشم السهد كما تنقولو و صافي
    و تقدم بالصحة و الراحة

    و السلام عليكن و رحمة الله تعالى و بركاته

  • #2
    chokran

    تعليق


    • #3
      تبارك الله عليك.

      تعليق


      • #4
        تبارك الله عليك احبيبة والله جازيك بكل خير يا ربي امين
        فانتضار المزيد من عندك اختي
        [/QUOTE]

        تعليق


        • #5
          تبارك الله عليك و الله يعطيك الصحة

          تعليق


          • #6
            تبارك الله عليك الحبيبة فعلا طريقة غزالة و غير مكلفة جزاك الله خيرا














            تعليق


            • #7
              شكرا الحبيبة
              fati-basmaسابقا
















              تعليق


              • #8
                العفو أنا كنتمنا تجربوها و تعجبكوم ^^

                تعليق


                • #9
                  إخوتي إلى بغيتو ممكن تديرو فبلاصت الدجاج الكفتة ديال بيبي غير شوية و ضيفو ليها شوية ديال البطعة ديال الخبز فازكة بشي شوية ديال الحليب و راه نفس الطريقة
                  بالصحة و الراحة

                  تعليق


                  • #10
                    تبارك الله عليك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X