إعـــــــلان

تقليص
لا يوجد إعلان حتى الآن.

الخبز ديال الشحمة بالصور بطريقة مدينتي الحبيبة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الخبز ديال الشحمة بالصور بطريقة مدينتي الحبيبة

    بسم الله الرحمان الرحيم

    السلام عليكم اخواتي وحبيباتي

    كيف حالكم؟؟؟؟

    ان شاء الله في احسن حال

    ليوما جبت ليكم الخبز ديال الشحمة ديال مدينتي الحبيبة

    انا اختاريت نقدمو حيت شفت ان الطرق ديال خبز الشحمة متعددة

    ايوا المهم بلاما نطول عليكم ،انا غادي نعطيكم المقادير والطريقة مع التوضيح بالصور ،ونتمنى يلقى استحسان عندكن حبيباتي

    على بركة الله :
    كنحتاجوا فلفل حلو +فلف حار على حسب الذوق ،الي مكنتيش من محبي الحار ممكن ليك تستغني عليه + بصل + قزبر ومعدنوس


    كنحك الفلفل فالحكاكة الغليظة وكذلك البصل طبعا من بعد منكون غسلتهم مزيان ،من بعد كنزولو ليهم هذاك الماء ديالهم،كنعصرهم مزيان حتى كيبقاو ناشفين،كنقطع الربيع،الشحمة _بالنسبة للشحمة كنطحنها فالطحانة الكهربائية ديال الكفتة ،او ممكن دقيها ،المهم خصها يبقى عندها ملمس ناعم لين وهذا هو محل الاختلاف مع باقي الطرق ،حيت شفت اننا حنايا كنعمرو بيها وهي مطحونة او مدقوقة ماشي مشحرة فوق النار مع البصلة وباقي العناصر لي ممكن يتضاف ليها الجزر محكوك يعني عندنا مرة وحدة لي كدوز فوق النار وهي ملي كتكون وسط الخبز فقط_،كنضيف العطرية لي هي :الملح ،الكامون،الابزار،التحمرة،الخرقوم،وشوية الحبيبات من حبة الحلاوة كتكوني حكيتهم بين ايديك ،مع ملاحظة ان الكامون كنديروه بالزايد شوية
    كنضيفو شوية ديال الزيت،وواحد الحاجة انا كنظن ان ماشي جميع المغربيات كيعرفوها ،هي معروفة فمدينتنا بزاف وهي البصل كارم ،كنستعملوه فبزاف ديال الوصفات لي منها خبز الشحمة ،المهم كتشدي هاد البصل كتدقيه حتى يولي مهرمش وكتضيفيه لبقاي العناصر _هذا ايضا فرق اخر مقارنة مع الطرق الاخرى _،هو صحيح كيزيد واحد الذوق فخبز الشحمة ،ولكن الى ممتوفرش بلاش منو ماشي مشكل كتتكفي بباقي العناصر



    نوريكم الصورة ديال البصل كارم



    هاهو من بعد مدقيتو،هو راه كيجي مهرمش،ولكن انا غسلتوا شوية قبل ندقو داكشي علاش جاني بهاد الشكل متماسك



    من بعد كنخلطوا جميع العناصر مزيان حتى تندمج بيناتها هاهو الشكل ديالها



    هذا فيما يخص الحشوة
    بالنسبة للعجين ،فهو العجين العادي ديال البطبوط ،عندنا الاختيار يا اما نعمرو الخبيزات ديالنا ونكرصوهم ونخليوهم يخمرو ومن بعد نطيبهم،اما نخليو العجين غير يجي يخمر ونطيبو الخبز ديالنا مباشرة،اما نخليو العجين يجي يخمر ونكرصو الخبز ونخليوه يرتاح غير شي شوية ونبداو نطيبوا

    انا خليتوا غير جا يخمر درت منو كويرات ،عمرتهم ،وبديت كنكرص ونطيب مباشرة

    الصور غادي توضح ليكم حبيباتي:


    هنا من بعد ما خمر


    عملت منو كويرات


    كناخذ كرة كنبسطها غير شي شوية كنعمرها بالحشوة




    كنبدا ندور فهاديك الكرة وكنطلع فالاطراف ديالها للفوق حتى كطلع كلها وكتغطى الحشوة مكتبقاش تبان وكنسدها _هنا فراق اخر بالنسبة للطرق الاخرى،محيت انه كطريقة اخرى يتم استعمال زوج ديال الكرات كنديرو الحشوة فوحدة وكنديرو عليها الاخرى ونسدو من الجناب_

    غادي نزيد هاد الصور باش الطريقة توضح اكثر،راني حاولت نشرح ولكن ماعرفت واش الفكرة غادي توصل ولالا ههه







    هنايا من بعد ما ساليت جميع الكرات

    كنبدا نكرص ونطيب









    وهذا هو الشكل ديالو في الاخير
    بالصحة والراحة، ونتمنى يعجبكم







    السلام عليكم حبيباتي ،في حفظ الله ورعايته
    _ياريت متبخلوش عليه بالدعاء ربي يوفقني،وينولني لي فبالي .جزاكن الله خيرا_






    اللهم وفقني في الدنيا والآخرة ... اللهم اهدني واهد بي

    اللهم بارك لي في وقتي ... اللهم زدني قربا إليك

    اللهم آمين

  • #2
    lah ya3tik manwiti fkhatrak akheti ,batboute ja rzal machekoura

    تعليق


    • #3
      tbarkallah 3alik akhti btibiytate houma allah ya3tik assaha

      تعليق


      • #4
        تبارك الله عليك ياالحادقة شهيتنى فالخبز ديال الشحمة:s8719::s8719::s10295:

        تعليق


        • #5
          تبارك الله عليك وخلاص فعلا خبز دايزو الكلام شهيتيني فيه
          ثبت بتاريخه

          تعليق


          • #6
            اممم ريحتو وصلاتني خاصو غير كويس اتاي مشحر هههه
            الله يعطيك الصحة

            تعليق


            • #7
              تبارك الله عليك نفس الطريقة لي كنعمل غير البصلة الكارمة لي مكنديرهاش وياريت تورينا الطريقة كف تتكرم,
              الله ييسر ليك امورك و يعطيك ما نويتي ازين

              تعليق


              • #8
                السلام عليكم ورحمة الله وبركاته
                الله يعطيك الصحة خبز كيشهي تسلمي عزيزتي.والله يعطيك أختي ما نويتي فخاطرك

                تعليق


                • #9
                  تبارك الله عليك


                  تعليق


                  • #10


                    ان غبت عنكم
                    و ساغيب في يوم من الايام
                    فاتمنى من العلي القدير
                    ان يكون لي نصيب خير بما خطته يدي
                    يصلني بدعائكم لي
                    اينما كنت فوق الارض او تحتها


                    أمنارAmanarre
                    أم ريان و كاميليا
















                    فهرس اطباقي المصورة (متجدد ان شاء الله)




                    ترقبن جديد وصفاتي المصورة بإذن الله



                    تعليق


                    • #11
                      ان شاء الله انا اختي مبتدئة في ما يخص الطبخ وان شاء الله رب العالمين نجربو بادن الله
                      ربنا يسعدك دنيا واخرة اختي
                      هدوئي ليس حالة من العزلة ،،
                      ولكن هكذا الملوك ،، { فانا } ابتسم عند الهزيمة
                      واتواضع عند النصر ،،
                      واذا وصلت للقمة ، اترك بصمتي وارحل





                      تعليق


                      • #12
                        ربي يوفقك و يعطيك اللي في بالك
                        مشكورة على المجهود
                        [FLASH=http://im39.gulfup.com/HDREr.gif][/FLASH]

                        تعليق


                        • #13
                          جزاكن الله خيرا اخواتي الفاضلات،والله اثلجتن صدري بمروركن وردودكن التي تعبر عن طيبتكن
                          جزاكن الله احسن الجزاء،كلماتكم الجميلة تشجيع لي على مزيد من البذل والعطاء

                          جزاك الله خيرا مشرفتي الغالية ام سندس على التثبيت

                          اختي الحبيبة الي سولتني على البصلة الكارمة،اختي راني حتى انا مكنعرفش الطريقة كيفاش كيكرموها،حيت انا مكبرتش فالمنطقة ،ولكن هذا ميمنعش انني نسول ليك عليها ،ان شاء الله غادي نجيب ليك الخبر اليقين في القريب العاجل

                          اللهم وفقني في الدنيا والآخرة ... اللهم اهدني واهد بي

                          اللهم بارك لي في وقتي ... اللهم زدني قربا إليك

                          اللهم آمين

                          تعليق


                          • #14
                            الله يعطيك الصحة على الخبز
                            .والله يعطيك أختي ما نويتي فخاطرك

                            تعليق


                            • #15
                              تباركلله عليك مكرهتهمش فهد الايام للي راني كنصوم فيها
                              ]


                              لاتتخيل كل الناس ملائكة ,, فتنهار أحلامك ,,
                              ولاتجعل ثقتك بهم عمياء,,لأنك ستبكي يوماً على سذاجتك
                              ولتكن فيك طبيعة الماء ,, الذي يحطم الصخرة ,, بينما ينساب قطرةً قطره




























                              .
















                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X