حرشة معمرة باللوز و الكونفيتير كيف العادة بالصور من كوزينتي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حرشة معمرة باللوز و الكونفيتير كيف العادة بالصور من كوزينتي

    ثبت في 12/10/2010...أم رزان


    السلام عليكم ورحمة الله وبركاته










    حبوباتي نهاركم طيب


    وصفتي لليوم ان شاء الله تابع لسلسلة وصفاتي للحرشة المعمرة






    هاد المرة معمرة بالكنفتير و اللوز "رقائق اللوز"










    نخليكم مع المقادير والطريقة







    المقادير:





    500 غرام سميدة الحرشة


    ملعقة صغيرة ملح،
    ملعقة كبيرة سكر

    رأس ملعقة خميرة الخبز،
    روح الڤانيلا غبرة
    قطرات من روح الخوخ ...

    خميرة حلوى ،
    فنجان حليب بودرة
    فنجان زيت
    1/4 لتر ماء / كاس ديال عنبة
    (ممكن إضافة الماء اكثر حسب جودة الدقيق المستعمل)







    للحشوه او العمارة



    كنفتير اي نوع كتفضلو





    انا استخدمت كنفتير الخوخ صايباتو لي ماما الله يحفظها
    لوز مقطع رقائق














    الطريقة :






    في إناء نخلطو المقادير الناشفة بالتتابع



    كيف مبين فالصور
    500 غرام سميدة الحرشة
    + ملعقة صغيرة ملح
    + ملعقة كبيرة سكر
    + رأس ملعقة خميرة الخبز
    +خميرة حلوى بودرة
    + روح الڤانيلا غبرة
    +فنجان حليب



    نخلطو كلشي النواشف مزايان و نضيفو الزيت




    و نفتلوها





    كيف تانفتلو الكسكس او البات بريزي حتا تشرب الزيت


    ثم نضيفو4/1 لتر ماء ونعجنو السميد





    و نضيفو ليه ايضا قطرات من روح الخوخ




    ونخلطو مزيان حتا نحصلو على خليط رخو
    و متماسك فنفس الوقت




    (ممكن إضافة الماء اكثر حسب جودة الدقيق المستعمل)



    و نخليوها ترتاح شوية
    و نبداو فتكويرها




    و قسمت العجين الى كويرات بقياس المشمشة الكبيرة




    كناخذ كرة الحرشة




    و نبسطها فراحة يدي كيف مبين فالصور



    و كنحشيها بملعقة صغيرة من الكنفتير





    و ملعقة صغيرة من رقائق اللوز





    كنحطهم وسط الكرة المبسطة





    و كنعاود نسدها و نكورها




    و الطريقة مشروحة بالصور


    و بعد منكملو التعمار


    نسخنو المقلة (مقلة وجدة الثقيلة افضل)


    و كنبداو نمرمدو كويرات الحرشة فالسميدة من كل الجهات






    و نڭرصوها كيف مبين فالصورة




    و نبداو نطيبو الحريشات ديالنا




    على نار مهيلة






    حتى يتحمرو و يطيبو على خاطرهم
    و يكتاسبو لون ذهبي محمر













    التقديم :







    نقدموها سخونة او باردة







    كتجي معلكة بالكنفتير



    و فنفس الوقت مقرمشة باللوز








    بالصحة و الراحة


    اتمنى تجربوها و تنال اعجابكم و تكون طريقة جديدة لتقديم الحرشة






    ملاحظة :


    الحرشة قابلة للتجميد سواء ا كانت عادية او محشية
    يعني ممكن تعملوها بكمية كبيرة و تحشيوها بحشوات متنوعة مالحة و حلوة
    و تحفظوها فالفريزر او المجمد لحيت تحتاجوها
    خصوصا و شهر رمضان الفضيل على الابواب و كنبغيو نوجدو شهيوات خفيفة مسبقا
    باش يبقى لينا وقت للعبادات فالشهر الابرك

    لما تبغيو تقدموها جبدوها و خليوها ديكونجلا على خاطرها
    و سخنوها اما فالفرن مسبق التسخين او فمقلة وجدة الثقيلة
    و قدموها بالصحة و الراحة بحالا عاد وجدتوها



    هاذي وصفتي الاساسية للحرشة و للي عمرها مخطاتني والا حشماتني لله الحمد :










    و هنا تذكير بالحشوات المتنوعة المالحة و الحلوة للي سبق و حطيت ليكم للحرشة :


































    حرشة بالكوك كيف العادة ساهلة سريعة و لذيذة مصورة من كوزينتي

















    اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد






    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال




    الله يرزقنا و إياكم خيرات الدارين و لا يحرمنا من طيبات الجنة و نعيمها





    دمتن في رعاية الكريم





    اختكن أمنــار


    أم ريـَّــان


    وعليكم السلام ورحمة الله وبركاته



    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    الله يعطيك الصحة اختي و تبارك الله عليك
    http://tickers.doctissimo.fr/get_tic...uttexte=khalil [http://www.anaqamaghribia.com/vb/ima...ine=1330975154sigpic

    تعليق


    • #3
      تبارك الله عليك كل شهيواتك غزالين ماخلتنا مانقولوا غير الله اعطيك الصحة وكانتمنا نكون طباخة ماهرة بحالك

      تعليق


      • #4
        تبارك الله عليك و ما شاء الله أختي أم ريان

        تفننتي في الحرشة الله يعطيك الصحة

        يسلمو


        تعليق


        • #5
          تبارك الله عليك

          اللهم وفقني في الدنيا والآخرة ... اللهم اهدني واهد بي

          اللهم بارك لي في وقتي ... اللهم زدني قربا إليك

          اللهم آمين

          تعليق


          • #6


            تبارك الله عليك و الله يعطيك الصحة

            تعليق


            • #7
              ما شاء الله اللهم بارك أختي أمنار معندي منقول أبدعت في صنع الحرشة صيبت 3 أشكال منها لحد الآن
              حرشة معمرة بالدجاج للي تتهبل لكن تنفضلها سخونة لأنها تتكون ألذ
              حرشة بالكوك جات تتحمق و تكال باردة أو سخونة
              و حرشة معمرة لاشكلاط جات روعة و إن شاء الله نجرب كل وصفاتك

              تعليق


              • #8
                الله يعطيك الصحة متميزة دائما بحرشاتك العجيبة اللديدة

                تعليق


                • #9
                  Tbrkallah 3lik pizza ghozalla .ALLAH yjasik blkhir

                  تعليق


                  • #10
                    و عليكم السلام ورحمة الله وبركاته


                    بارك الله فيكن جميعا حبيباتي

                    كل باسمها

                    ردودكن فرحاتني

                    الله يفرح قلوبكم

                    و يجزاكم عني خيرات الدارين

                    على دعواتكن الطيبة ياطيبات


                    الله لا يحرمني منكن







                    ان غبت عنكم
                    و ساغيب في يوم من الايام
                    فاتمنى من العلي القدير
                    ان يكون لي نصيب خير بما خطته يدي
                    يصلني بدعائكم لي
                    اينما كنت فوق الارض او تحتها


                    أمنارAmanarre
                    أم ريان و كاميليا
















                    فهرس اطباقي المصورة (متجدد ان شاء الله)




                    ترقبن جديد وصفاتي المصورة بإذن الله



                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X