ها مسمن الزبدة ديال الفران لي كايسولو عليه بنات بزاف

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ها مسمن الزبدة ديال الفران لي كايسولو عليه بنات بزاف

    تبث في 5/12/2010
    bent bladi


    هاد المسمن كايجي رائع ومورق نتمنى تجربوه ويعجبكم
    مهم عجين المسمن عادي
    دقيق ،دقيق الحرش ، ملح ، شوية سنيدة وشوية زيت
    نعجنوه وندلكوه مزيان ونقسم كويرات
    نخليهم يرتاحو شوية
    من بعد ناخد واحدة نكرصها ندهن بالزبدة ونرش سميدة ونطويها
    نجيب أخرى ونكرر نفس العملية ومانطويهاش نحط وسطها
    وهكذا نبقا وحدة وسط وحدة على حساب عدد الأشخاص
    أنا استعملت 6 مسمنات صغار فالحجم ل 2 أشخاص
    خليها ترتاح من بعد حطيها فطاوة مدهونة بالزبدة وكرصيها متغلضوهاش باش تجي مورقة وممعجناش
    ودهنوها بالزبدة وإلى الفرن
    هاهي ملي طابت
    وها مسيمنات
    وها البنيي
    إوا كيجيتكم
    الملفات المرفقة











  • #2
    انا اول من كتقول ليك تبارك الله ماشاء الله عليك
    الله يعطيك الصحة



    اللهم إنك وهبت لي بناتي من غير حولٍ مني ولا قوة فاحفظهم بحفظك بلا حولٍ مني ولاقوة
    اللهم أحفظهم من أي مكروه يصيبهم ومن كل شرٍ وضرر
    اللهم أحفظهم من الأسقام والأمراض
    اللهم لا تجعل ابتلائي فيهم
    اللهم أجرهم من الفتن ما ظهر منها وما بطن
    اللهم أجعلهم من صالح عبادك وحفظة كتابك ومن أحسن الناس ديناً وعبادة وأخلاقاً ومن أسعدهم حياةً وأرغدهم عيشةً
    اللهم أغنهم بحلالك عن حرامك وبفضلك عمّـن سواك ،،
    ربي أرزقهم صحبة الأخيار وخصال الأطهار والتوكل عليك يا قادر يا جبار،،
    ربي أبعد عنهم أمراض القلوب والأبدان ،،
    وبلغني فيهم غاية أملي بحولك وقوتك يا كريم يا منان ،،
    ربي متعني ببرهم في حياتي وأسعدني بدعائهم بعد مماتي ،،
    وصل اللهم وسلم وبارك على سيدنا محمد وآله الطيبين الطاهرين، آمين يا رب العالمين

    تعليق


    • #3
      المشاركة الأصلية بواسطة oum ikraam مشاهدة المشاركة
      انا اول من كتقول ليك تبارك الله ماشاء الله عليك
      الله يعطيك الصحة
      اللهم آمين










      تعليق


      • #4
        شكرا لك.

        اناكنزيد القليل من الخمارة د الحلوى .
        sigpic

        تعليق


        • #5
          تبارك الله عليك
          [IMG
          اللهم أجرني في مصيبتي واخلف لي خيرا منها
          ربي لا تذرني فرداوأنت خير الوارثين

          تعليق


          • #6
            تبارك الله عليك اختي هاد الوصفات عندك دايزهوم الكلام ما شاء الله عليك
            المسمن اللي درتي حتى انا كانصاوب بحالو وغير انا كانزيد فيه خميرة حمرا والفاني فالعجينة ومن الفوق كاندهنها باصفرالبيض ونرش عليها سنيدة
            او ملي كطيب كاندير ليها العسل والكوك من الفوق
            بدئنا المنافسة يوم الجمعة 18 يونيو 2010






            سبحان الله وبحمده عدد خلقه ورضا نفسه وزنة عرشه ومداد كلماته

            تعليق


            • #7
              المشاركة الأصلية بواسطة نجمة* مشاهدة المشاركة
              تبارك الله عليك اختي هاد الوصفات عندك دايزهوم الكلام ما شاء الله عليك
              المسمن اللي درتي حتى انا كانصاوب بحالو وغير انا كانزيد فيه خميرة حمرا والفاني فالعجينة ومن الفوق كاندهنها باصفرالبيض ونرش عليها سنيدة
              او ملي كطيب كاندير ليها العسل والكوك من الفوق
              بارك الله فيك
              أنا ماكانديرش الخميرة كاع فالمسمن
              وهاد زيادات لي قلتي دابا نجربهم فيها مرة أخرى إنشاء الله
              نهارك مبروك










              تعليق


              • #8
                تبارك الله عليك الى ممكن المقادير ديال البيني باين زوين كيشهي


                تعليق


                • #9
                  شكرا بزاف، كنت كنقلب عليه

                  تعليق


                  • #10
                    المشاركة الأصلية بواسطة om firas مشاهدة المشاركة
                    تبارك الله عليك الى ممكن المقادير ديال البيني باين زوين كيشهي
                    على الراس والعين
                    رابعة دقيق
                    شوي سنيدة ديك معلقة كبيرة
                    شوية زيت
                    أصفر بيضة
                    فاني
                    وخميرة العجين
                    شوية خرقوم إلى بغيتي اللون
                    دلكيها مزيان وخليها واحد 5 دقايق ترتاح
                    وطلقيها بالمدلك وقطعي دوائر
                    خليهم يخمرو مزيان من بعد قليهم فالزيت سخونة ودوزيهم فالسنيدة
                    وإلى بغيتي ديري فتحة صغيرة وعمريهم بالكونفتير أو الشكلاط أو... لي بغيتي










                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X