إعـــــــلان

تقليص
لا يوجد إعلان حتى الآن.

الشيار او البو شيار على الطريقة البجعدية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الشيار او البو شيار على الطريقة البجعدية

    يثبت الموضوع بتاريخ
    16/12/2012
    وردة مغربية







    السلام عليكم البنات , شخباركم لباس عليكم نتمنى تكونو بالف خير و صحة و سلامة .
    ترددت بزااف باش نزل هاد الموضوع لانني قلت اكيد جميع الانيقات كيعرفو يصوبو البوشيار , انما رجعت قلت نزلو نشوف غير من راسي و كاكان معلمتنيش لوستي طريقتو عمري ما كنت نعرف نصوبو لان بصراحة ففاس عمرنا ما درنا البوشيار و لا عرفتو حتى تزوجت , المهم بلا ما نزيد نطول فالهضرة , هو راه ساهل ماهل و ما فيهش المقادير بزاف , على بركة الله نبداو بالمقادير
    زلافة ديال الطحين الفورص
    زلافة ديال الفينو
    بيضة
    خميرة
    معلقة سنيدة
    ملح
    و ماء دافئ لجمع العجين
    شويش زيت باش ندهنو يدينا
    زبيدة بلدية (الى مكانتش ديري زبدة عادية مع شويش ديال السمن)
    عسيلة حرة ما كانتش ديري عسل عادي

    كنجمعو العجينة انا كندلك و انا كنزيد فالما حتى كتولي لعجينة فحال ديال السفنج كيفما فالصورة



    كنغطيها و نخليها تخمر مزيان




    من بعد ما خمرات كندهن يدي بزويتة و نقطع كويرة من العجينة و نكرصها فالفينو و تكون رقيقة و نطيبها مباشرة يعني تقطع و تكرص وترش المقلة الثقيلة بشوية ديال الزيت و مباشرة طيب على عافية متوسطة



    منين نشوفو الخبيزة بدات كدير هاد الفقاعات بحال لي فصورة عاد نقلبها على الجهة الاخرى حتى طيب من جوج جهات



    في مقلاة ندير الزبدة و العسل و السمن يدوبو و نغطس فيهم البوشيارة حتى يترطب من جوج جوايه حتى نكملو الكمية و نقدموهوم سخان مع شي بريرد ديال اتاي بشيبة فهاد البرد هادشي لي كيصلاح اوا و بالصحة و الراحة















    نتمنى بوشياراتي يعجبوكوم في امان الله
    التعديل الأخير تم بواسطة وردة مغربية; الساعة 16-12-2012, 20:31.




  • #2
    الله يعطيك الصحة،كيشهي تبارك الله.
    [IMG
    اللهم أجرني في مصيبتي واخلف لي خيرا منها
    ربي لا تذرني فرداوأنت خير الوارثين

    تعليق


    • #3
      salamoalikom. shokran 3ala al wasfa. ana men abijjad w lwalida katsaybo lina dima fel3id. ghir 7na makandirosh fih lbayd w zebda w sanida. w makandehnouhsh bdik taree9a! w kangarsouh b shiyate zite mashi d9i9! w hadi hia tari9a lbejja3dia. wa allaho a3lam..

      تعليق


      • #4
        تبارك الله عليك

        تعليق


        • #5
          المشاركة الأصلية بواسطة imi29 مشاهدة المشاركة
          الله يعطيك الصحة،كيشهي تبارك الله.
          الله يبارك فيك احبيبة شكرا

          المشاركة الأصلية بواسطة imanelarabe مشاهدة المشاركة
          salamoalikom. shokran 3ala al wasfa. ana men abijjad w lwalida katsaybo lina dima fel3id. ghir 7na makandirosh fih lbayd w zebda w sanida. w makandehnouhsh bdik taree9a! w kangarsouh b shiyate zite mashi d9i9! w hadi hia tari9a lbejja3dia. wa allaho a3lam..
          شكرا حبيبتي عالمعلومات انا راه عمري ما كنت كنعرفو حتى تزوجت و عاد دقتو اول مرة فبني ملال , و من بعد ما مشيت المغرب علماتني لوستي كيفاش نصوبو و هما بجعديين و قالتلي هادي هي الطريقة , المهم انا درتو كيف ما قالتلي هي و الله اعلم . شكرا حبيبتي عالمعلومات و عالمرور الرائع

          المشاركة الأصلية بواسطة azad مشاهدة المشاركة
          تبارك الله عليك
          الله يبارك فيك ازين



          تعليق


          • #6
            تبارك الله عليك تيشهي انا جيا نشرب اتاي معاك

            تعليق


            • #7
              تبارك الله عليك أختي ، أنا كذلك مكنتش كنعرفو حتى لاقتني الغربة مع صديقة عزيزة بزاف وهي من خريبجة ومني قالت ليا بوشيار جاتني ضحكة ههههه وأنا نقلها شنو هو المهم مني دارتو ليا عجبني بزااااف وحمقت عليه وحنا الكازوين نقلوا ليه البتبوت ولكن مشي بحل بحل عرفت ، ولقيت المشرفة ريم 2012 منزلة وجربتو شحل من مرة ولكن بحل ديال صحبتي و-khribgiat عمرو صدق ليا ، يمكن حيث مع كيدروه ديمة وبزاف فهدشي تيخلوههم يتقنوهم ، صحبتي قالت ليا أنه العادة ديال عائلة رجلها نهار 7 أيام تفطيرهم العروسة به ، لكعجبني فيه بزاف كيجي من الدخل بحل شفنج ونتي أختي تبارك الله عليك أي حاجة مترديش تنزلها حيت ره كين أخوات ما شاء الله وكين مبتدئات في الطبخ وكين لمايعرفش شي وصفة أو عمرو سماع بها ، إن شاء الله نجرب طريقتك ، على فكرة الأصول ديال بابا من أبي الجعد و كنتمنى شي نهار نمشي نشوف المدينة كعملة
              sigpic[CENTER]
              فهرس وصفاتي هدية للأخوات الغاليات وأسألكن الدعاء

              http://www.anaqamaghribia.com/vb/sho...d.php?t=342606

              y

              تعليق


              • #8
                أحسن تقييم صفاء
                sigpic[CENTER]
                فهرس وصفاتي هدية للأخوات الغاليات وأسألكن الدعاء

                http://www.anaqamaghribia.com/vb/sho...d.php?t=342606

                y

                تعليق


                • #9
                  المشاركة الأصلية بواسطة nour zad مشاهدة المشاركة
                  تبارك الله عليك تيشهي انا جيا نشرب اتاي معاك
                  اجي احبيبة مرحبا و الف مرحبا نهار كبير هذا و احلى براد اتاي لاحلى نووووور



                  تعليق


                  • #10
                    الله يبارك فيك احبيبة منين قلتيها بحالة جيت

                    تعليق


                    • #11
                      المشاركة الأصلية بواسطة وفية أم عمارة مشاهدة المشاركة
                      تبارك الله عليك أختي ، أنا كذلك مكنتش كنعرفو حتى لاقتني الغربة مع صديقة عزيزة بزاف وهي من خريبجة ومني قالت ليا بوشيار جاتني ضحكة ههههه وأنا نقلها شنو هو المهم مني دارتو ليا عجبني بزااااف وحمقت عليه وحنا الكازوين نقلوا ليه البتبوت ولكن مشي بحل بحل عرفت ، ولقيت المشرفة ريم 2012 منزلة وجربتو شحل من مرة ولكن بحل ديال صحبتي و-khribgiat عمرو صدق ليا ، يمكن حيث مع كيدروه ديمة وبزاف فهدشي تيخلوههم يتقنوهم ، صحبتي قالت ليا أنه العادة ديال عائلة رجلها نهار 7 أيام تفطيرهم العروسة به ، لكعجبني فيه بزاف كيجي من الدخل بحل شفنج ونتي أختي تبارك الله عليك أي حاجة مترديش تنزلها حيت ره كين أخوات ما شاء الله وكين مبتدئات في الطبخ وكين لمايعرفش شي وصفة أو عمرو سماع بها ، إن شاء الله نجرب طريقتك ، على فكرة الأصول ديال بابا من أبي الجعد و كنتمنى شي نهار نمشي نشوف المدينة كعملة
                      شكرا حبيبتي عالمرور الرائع , و كبفما قلتي البجعديين كيديروه نهار 7 ايام للعروس و فالاعياد كيدروه ضروري الى ماداروهش راه فحال الى ما دارو والو , انا كانو داروهلي فالصبوحي و نهار 7 ايام و حتى انا وقعلي بحالك فين سولت راجلي قلتلو شنو هذا قالي بوشيار جاني ضحك هههههه جاتني سميتو فشي شكل هههه و لكن من بعد تعودت عليه و ما بقاش كيخطاني كيجيني ساهل من المسمن فالتصواب ديالو و مع رجلي مدمن عليه عداني حتى انا معاه هههههههه شكرا احبيبة عالمرور العطر و على كذلك التشجيع



                      تعليق


                      • #12
                        المشاركة الأصلية بواسطة وفية أم عمارة مشاهدة المشاركة
                        أحسن تقييم صفاء
                        شكرا حبيبتي مرورك بالنسبة ليا احلى و اروع تقييم



                        تعليق


                        • #13
                          تبارك الله عليك احبيبة شيار و اشمن شيار
                          sigpic

                          تعليق


                          • #14
                            تبارك الله اعليك اختي

                            تعليق


                            • #15
                              المشاركة الأصلية بواسطة fouta مشاهدة المشاركة
                              تبارك الله عليك احبيبة شيار و اشمن شيار
                              المشاركة الأصلية بواسطة نسمات2008 مشاهدة المشاركة
                              تبارك الله اعليك اختي
                              الله يبارك فيكم حبيباتي شكرا بزاااااااف



                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X