رغايف بالحوت تيجيو غزالين شهوة منهم بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • رغايف بالحوت تيجيو غزالين شهوة منهم بالصور

    أم سندس
    15.04.2009
    عندي ليكم رغايف بالحوت تنديرهم تيجيوا غزالين شهوة منهم





    نبداو بسم الله

    مقادير الحشوة:
    • حوت أبيض مبخر و منقي و مفتت
    • شعرية شينواز فيرميسال (2 خنيشات تاع 3 دراهم)بعدما نصب عليهم الماء سخون صفيها و نقطعها
    • فطر ( نصبوا عيه ماء ساخن ونتركوه شوية في الماء ثم نصفيوه و نقطعوه طرفات صغار
    • 3 بصلات مشلضين و مشحرين في شوية الزيت
    • نصف حامضة مصيرة مقطعة بشكل دقيق
    • شوية القزبر و المعدنوس مقطعين
    • شوية الزيتون مقطع
    • نصف كأس عصير حامض
    • ملعقة هريسة صغيرة أو كبيرة حسب الرغبة
    • 3 ضريسات التومة محكوكين
    • ابزار
    • ملح
    • تحميرة
    • كمون
    • سكين جبير غير شوية
    • شوية الزيت البلدية









    نخلطو جميع المقادير و نتركوهم في واحد الجبانة حتى نحضرو العجين





    مقادير العجينة و الطريقة :





    هما نفسهم مقادير عجينة المسمن أنا كنستعمل الفورص الأبيض + خمارة + الملح + شوية السنيدة باش يجيوني رغايفاتي فاركين و محمرين و كنعجنهم بماء دافئ و نقرصهم قريصات صغار ونتركوهم يرتاحواشوية,غادي نحتاجو أيضا الزيت و الزبدة و شوية السميدة الرقيقة باش نورقو العجين أيضا الفرماج تاع سندويش تيكون عبارة عن وريقات مربعين مغلفين بالسولوفان











    بعد ما يكونوا القريصات توعنا ترخفوا











    نبدأ نورقو وحدة بوحدة نحاولو نورقوها مزيان بالطبع بالزيت و الزبدة و نرش بشوية السميدة الرقيقة و كل ما ورقنا وحدة نحط ورقة الفرماج فوق و بالوسط كيفما تيبان في الصور




    و نحط من الحشوة ديالنا مباشرة فوق الفرماج ثم نتني بحال المسمن وبلا منكرصها نخليها كما هي ونتبعوا القريصات ديالنا بنفس الشكل وحنا كنستفوا في طاوة مدهونة بشوية الزيت حتى نكملوهم













    و ندخلوهم الفرن يتحمروا











    وهادي لاول وحدة غاد تطل على الوصفة ديالي و تعطيني رأيها











    صدقوني راهم تيجيو غزالين بحال كتاكلي في بسطيلة الحوت



    و بصحة و الراحة

  • #2
    عطاك الله الصحة انا اي حاجة فيها الحوت تتحمقني جاوك غزلان تبارك الله عليك

    تعليق


    • #3
      شكرا للأخت أم الحلوين حينت هي لوراتني كيفاش نزل الصور و هاذي أول مرة كنزلهم و معرفتش علاش جاوني في حجم كبير بزاف

      تعليق


      • #4
        تبارك الله عليك

        نجربهم ان شاء الله

        تعليق


        • #5
          ختي فاتي ثبارك الله عليك نفس طريقة الحشوا كنعملها انشاء الله غادي نجرب هد لحشوى






          تعليق


          • #6

            [frame="1 90"]الله يعطيك الصـــحة[/frame]

            تعليق


            • #7
              تبارك الله عليك أختي رغايف دايزهم الكلام تبعي هذا الرابط فيه كيفية تصغير الصور
              تصغير الصور

              تعليق


              • #8
                tebarekellah 3lik okhti baynin kayjiw ldadin inchaallah nejarbom
                sigpic

                تعليق


                • #9
                  تبارك الله عليك أختي رغايف

                  تعليق


                  • #10
                    [frame="1 80"]
                    شكرا لكل الأخوات لشاركوني رأيهم في هذه الوصفة
                    و للأخت مشرفة منتدى الطبخ أم سندس على المساعدة
                    [/frame]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X