مرحبا بيكم عندي ال goûter اليوم على حسابي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مرحبا بيكم عندي ال goûter اليوم على حسابي

    السلام عليكم و رحمة الله

    اليوم راني عارضة عليكم على الكسكروط البسيط ديالي
    البغرير و الحرشة و واحد براد أتاي مشحر الا قبلتو عليا


    البغرير

    المقادير:

    2 كيسان العنبة ديال طحين فورص
    1 كاس العنبة ديال سميدة رقيقة
    شوية ديال الخميرة ديال الخبز
    شوية الملح
    قبصة ديال زعفران (اختياري أنا كنديرو حيث مكيعجبنيش البغرير يجي بيض)
    ماء دافئ

    الطريقة :

    في قصرية نضع الطحين + السميدة + الملح + الزعفران


    ثم الخميرة بعد مانكونو ذوبناها في الماء دافئ


    ثم نضيف الماء دافئ و حنا كنخلطو بشوية بالشوية و كنضربو العجينة فحال تخلاط ديال الكيكة باش ميتكورش لينا الخليط و كنستمر في اضافة الماء حتى كنحصلو على خليط ما جاري ما ثقيل


    و لكن خفيف شوية على خليط ديال كيكة


    ثم نديروه في اناء و نغطيوه و نخليوه يخمر في مكان دافي و منخليوهش يخمر بزاف حيث الا خمر بزاف كيجي طافس و ممثقبش


    ثم ملي يخمرعلى هذا الشكل


    نطيبوه في مقلة ديال طيفال




    و هاهو البغرير ديالنا واجد صدقوني راه ساهل و كيجي مثقب مزيان و لذيذ




    غير هي ضروري نخلطوه بايدينا و عندكم ديرو ليه المولينيكس باش يصدق

    الحرشة

    المقادير :

    نصف كيلو سميدة رقيقة
    نصف كأس زيت ديال العنبة
    معلقة صغيرة سكر
    نصف معلقة صغير ملح
    شوية الخميرة معجونة
    الماء دافئ

    الطريقة :

    في قصرية نضع السميدة + السكر + الملح + الزيت و نبقاو نخدمو بايدينا السميدة فحالا كنصيبو في كسكس
    حتى تخلط كلها مع الزيت و باقي المقادير ثم نخدو شوية من هذ الخليط و نخليوه على جنب باش نكرص بيه الحرشة
    ملي نبغيو نطيبوها، ثم نزيدو دابا الخميرة اللي سبق و ذوبناها في الماء دافئ ثم نضيف الماء تدريجيا ختى تجمع
    العجينة مثل طريقة عجن الخبز لكن هنا خاص العجينة تكون خفيفة و مكتدلكش غير شوية ثم نجمعها و نكرصها بالسميدة اللي سبق لينا خليناها (سمحو ليا مصورتش هذا الخطوات كنت مزروبة)
    نأخذ الفراح أي مقلة الثقيلة و خاصها تكون باردة و ندهنها بالزيت و نرشها بالسميدة (نفس السميدة اللي سبق لينا خليناها) ثم نضع فيها الحرشة ديالنا و نخليوها الطيب على خاطرها و نثقبها من الوسط بصبعنا باش تنفس


    ثم ملي الطيب نقلبها على الجهة الاخرى و نخليوها طيب.



    و نعمرو شي براد ديال أتاي فاعل تارك



    و ها ال goûter ديالنا واجد و منساوش الزبدة البلدية و العسل و ديرو يديكوم بصحتكم و راحتكم متحشموش


    و الا كان أي استفسار راه ختكم موجودة
    دعيو معايا الله يجازيكم بخير




  • #2
    تبارك الله على الحداقة ما شاء الله عليك ما عندي ماتسالك

    تعليق


    • #3
      الله يعطيك الصحة

      تعليق


      • #4
        انا باغا غي الحرشة حيت البغرير درتو
        لكل الاخوات المسلمات

        تعليق


        • #5
          السلام عليكم كوتي واش من كوتي تبارك الله عليك وبصحتك.
          اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
          اللهم احفظ زوجي وأبنائي من كل شر وأقر عيني بهم آمين.




          تعليق


          • #6
            تبارك الله على حرشتك وبغريرك
            وتسلم الايادي
            fati-basmaسابقا
















            تعليق


            • #7
              [align=CENTER][tabletext="width:70%;"][cell="filter:;"][align=center]
              horra

              ******


              الله يبارك فيك أختي و لهلا يخطيك


              [/align][/cell][/tabletext][/align]

              تعليق


              • #8
                [ALIGN=CENTER][TABLETEXT="width:70%;"][CELL="filter:;"][ALIGN=center]
                anfal76

                *****

                ربي خليك أختي و شكرا على الرد
                [/ALIGN]
                [/CELL][/TABLETEXT][/ALIGN]

                تعليق


                • #9
                  [align=center][tabletext="width:70%;"][cell="filter:;"][align=center]

                  شهنوزة

                  *****

                  بصحتك و راحتك البغرير
                  و الحرشة هاهي موجودة دري ايدك متحشميش


                  [/align][/cell][/tabletext][/align]

                  تعليق


                  • #10
                    تبارك الله عليك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X